საჯარო სამართლის იურიდიული პირის – ლადო ასათიანის სახელობის ეროვნული საბავშვო ბიბლიოთეკის რეორგანიზაციის შესახებ

საქართველოს პრეზიდენტის

ბრძანებულება №259

2006 წლის 17 აპრილი

ქ. თბილისი

საჯარო სამართლის იურიდიული პირის – ლადო ასათიანის სახელობის ეროვნული საბავშვო ბიბლიოთეკის რეორგანიზაციის შესახებ

1. რეორგანიზებულ იქნეს საჯარო სამართლის იურიდიული პირი – ლადო ასათიანის სახელობის ეროვნული საბავშვო ბიბლიოთეკა მასთან მირზა გელოვანის სახელობის ახალგაზრდობის სახელმწიფო ბიბლიოთეკის მიერთების გზით და მათ ბაზაზე ჩამოყალიბდეს საჯარო სამართლის იურიდიული პირი – საქართველოს ბავშვთა და ახალგაზრდობის ეროვნული ბიბლიოთეკა.

2. საქართველოს კულტურის, ძეგლთა დაცვისა და სპორტის სამინისტრომ (გ. გაბაშვილი):

ა) განახორციელოს საჯარო სამართლის იურიდიული პირის – საქართველოს ბავშვთა და ახალგაზრდობის ეროვნული ბიბლიოთეკის (შემდგომში – ბიბლიოთეკა) სახელმწიფო კონტროლი;

ბ) უზრუნველყოს ბიბლიოთეკის დებულების დამტკიცება და წარმომადგენლობაზე უფლებამოსილი პირის დანიშვნა.

3. საქართველოს კულტურის, ძეგლთა დაცვისა და სპორტის სამინისტრომ და საქართველოს ეკონომიკური განვითარების სამინისტრომ (ი. ჩოგოვაძე) თავიანთი კომპეტენციის ფარგლებში უზრუნველყონ საჯარო სამართლის იურიდიული პირის – ლადო ასათიანის სახელობის ეროვნული საბავშვო ბიბლიოთეკისა და მირზა გელოვანის სახელობის ახალგაზრდობის სახელმწიფო ბიბლიოთეკის რეორგანიზაციასთან დაკავშირებული კანონმდებლობით გათვალისწინებული ღონისძიებების განხორციელება.

4. ძალადაკარგულად გამოცხადდეს „ლადო ასათიანის სახელობის ეროვნული საბავშვო ბიბლიოთეკის საჯარო სამართლის იურიდიულ პირად ჩამოყალიბების შესახებ“ საქართველოს პრეზიდენტის 2005 წლის 17 ივლისის №652 ბრძანებულება.

5. ამ ბრძანებულების მე-4 პუნქტი ამოქმედდეს საჯარო სამართლის იურიდიული პირის – საქართველოს ბავშვთა და ახალგაზრდობის ეროვნული ბიბლიოთეკის დებულების ამოქმედებისთანავე. 

მ. სააკაშვილი