საქართველოს სამოქალაქო კოდექსში ცვლილებებისა და დამატებების შეტანის შესახებ

საქართველოს კანონი

საქართველოს სამოქალაქო კოდექსში ცვლილებისა და დამატებების შეტანის შესახებ

    მუხლი 1

საქართველოს სამოქალაქო კოდექსში (პარლამენტის უწყებანი, №31, 24 ივლისი, 1997) შეტანილ იქნეს შემდეგი ცვლილება და დამატებები:

1. 1251-ე მუხლს დაემატოს შემდეგი შინაარსის მე-4 ნაწილი:

„4. ამ მუხლის მოქმედება არ ვრცელდება ბავშვის სხვა სახელმწიფოში გაშვილებაზე. ბავშვის სხვა სახელმწიფოში გაშვილება რეგულირდება საქართველოს კანონით „შვილად აყვანის წესის შესახებ“.“.

2. 1252-ე მუხლის ტექსტი ჩაითვალოს პირველ ნაწილად და მუხლს დაემატოს შემდეგი შინაარსის მე-2 ნაწილი:

„2. ამ მუხლის მოქმედება არ ვრცელდება ქორწინების გარეშე დაბადებული ბავშვის სხვა სახელმწიფოში გაშვილებაზე. ქორწინების გარეშე დაბადებული ბავშვის სხვა სახელმწიფოში გაშვილება რეგულირდება საქართველოს კანონით „შვილად აყვანის წესის შესახებ“.“.

    მუხლი 2

ეს კანონი ამოქმედდეს გამოქვეყნებისთანავე.

საქართველოს პრეზიდენტი ედუარდ შევარდნაძე

თბილისი,

2003 წლის 26 აგვისტო.

№3082-რს