საჯარო სამართლის იურიდიულ პირთან - ლევან სამხარაულის სახელობის სასამართლო ექსპერტიზის ეროვნულ ბიუროსთან არსებული საჯარო სამართლის იურიდიული პირის - კირიაკ ზავრიევის სამშენებლო მექანიკისა და სეისმომედეგობის ცენტრის რეორგანიზაციის შესახებ

საქართველოს მთავრობის

დადგენილება №212

2011 წლის13 მაისი

ქ. თბილისი

საჯარო სამართლის იურიდიულ პირთან – ლევან სამხარაულის სახელობის სასამართლო ექსპერტიზის ეროვნულ ბიუროსთან არსებული საჯარო სამართლის იურიდიული პირის – კირიაკ ზავრიევის სამშენებლო მექანიკისა და სეისმომედეგობის ცენტრის რეორგანიზაციის შესახებ

მუხლი 1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-6 მუხლის შესაბამისად:

1. რეორგანიზებულ იქნეს საჯარო სამართლის იურიდიულ პირთან – ლევან სამხარაულის სახელობის სასამართლო ექსპერტიზის ეროვნულ ბიუროსთან (შემდგომში – ბიურო) არსებული საჯარო სამართლის იურიდიული პირი – კირიაკ ზავრიევის სამშენებლო მექანიკისა და სეისმომედეგობის ცენტრი ბიუროსთან მიერთების გზით.

2. ბიურო ჩაითვალოს საჯარო სამართლის იურიდიულ პირთან – ლევან სამხარაულის სახელობის სასამართლო ექსპერტიზის ეროვნულ ბიუროსთან არსებული საჯარო სამართლის იურიდიული პირის – კირიაკ ზავრიევის სამშენებლო მექანიკისა და სეისმომედეგობის ცენტრის უფლებამონაცვლედ.

3. ბიურომ რეორგანიზაციასთან დაკავშირებით განახორციელოს კანონმდებლობით გათვალისწინებული ღონისძიებები.

მუხლი 2. დადგენილება ამოქმედდეს გამოქვეყნებისთანავე.

პრემიერ-მინისტრი          ნ. გილაური