საქართველოს კონტროლის პალატის მოსამსახურეთა კონკურსისა და ატესტაციის ჩატარების დებულების დამტკიცების შესახებ

სახელმწიფო სარეგისტრაციო კოდი 010.320.040.20.013.010.764

საქართველოს კონტროლის პალატის თავმჯდომარის

ბრძანება №112-ორგ

2007 წლის 20 აგვისტო

ქ. თბილისი

საქართველოს კონტროლის პალატის მოსამსახურეთა კონკურსისა და ატესტაციის ჩატარების დებულების დამტკიცების შესახებ

„საქართველოს კონტროლის პალატის შესახებ“ და „საჯარო სამსახურის შესახებ“ საქართველოს კანო­ნების შესაბამისად, ვბრძანებ:

1. დამტკიცდეს საქართველოს კონტროლის პალა­ტის მოსამსახურეთა კონკურსისა და ატესტაციის ჩატარების თანდართული დებულება.

2. დამტკიცდეს საქართველოს კონტროლის პალა­ტის მოხელის დახასიათების ფორმა (დანართი №1).

3. დამტკიცდეს საატესტაციო ფურცლის ფორმა (დანარ­თი №2).

4. დამტკიცდეს საქართველოს კონტროლის პალა­ტის საკონკურსო-საატესტაციო ტესტირების პროგრამა (დანართი №3).

5. ძალადაკარგულად გამოცხადდეს საქართველოს კონ­­ტრო­ლის პალატის თავმჯდომარის 2001 წლის 16 მაისის №21 ბრძანება „საქართველოს კონტროლის პალატის სისტემაში კონკურსისა და ატესტაციის ჩატა­რე­ბის საკონკურსო-საატესტაციო კომისიის დებულე­ბის დამტკიცების შესახებ“.

6. ბრძანება ამოქმედდეს გამოქვეყნებისთანავე.

ლ. ჭოლაძე

დებულება

საქართველოს კონტროლის პალატის სისტემის მოსამსახურეთა კონკურსისა და ატესტაციის ჩატარების შესახებ

თავი I

ზოგადი დებულებები

    მუხლი 1. გამოყენების სფერო

1. საქართველოს კონტროლის პალატის სისტემის მოსამსახურეთა კონკურსისა და ატესტაციის ჩატარების დებულება (შემდგომში – დებულება) შემუშავებულია „საჯარო სამსახურის შესახებ“, „საქართველოს კონ­ტრო­ლის პალატის შესახებ“ საქართველოს კანონებისა და „საკონკურსო-საატესტაციო კომისიების დებულების დამტკიცების შესახებ“ საქართველოს პრეზიდენტის 1998 წლის 25 მარტის №174 ბრძანებულების მოთხოვ­ნათა შესაბამისად.

2. დებულება განსაზღვრავს საქართველოს კონტრო­ლის პალატის სისტემაში კონკურსისა და ატესტაციის ჩატარების, მოხელეთა რეზერვის ფორმირებისა და საკონ­კურსო-საატესტაციო კომისიის საქმიანობის წე­სებს.

3. დებულება ვრცელდება საქართველოს კონტრო­ლის პალატის ყველა მოსამსახურეზე მოქმედი კანონ­მდებ­ლობის შესაბამისად.

თავი II

საკონკურსო-საატესტაციო კომისია

    მუხლი 2. საკონკურსო-საატესტაციო კომისიის საქმიანობის მიზანი

კომისიის საქმიანობის მიზანია საქართველოს კონ­ტრო­ლის პალატაში ვაკანტური თანამდებობის დასაკა­ვებ­ლად წაყენებულ მოთხოვნებთან კანდიდატის ან დაკა­ვებული თანამდებობის მოთხოვნებთან მოხელის შესაბამისობის შეფასება და რეზერვის ფორმირება. ამ მიზნის მისაღწევად კომისია:

ა) უზრუნველყოფს კონკურსისა და ატესტაციის ჩატა­რებას დადგენილი წესებისა და პროცედურების დაცვით;

ბ) უზრუნველყოფს ტესტური ნამუშევრების გასწო­რებას;

გ) აფიქსირებს გამოსაცდელის მხრიდან წესების დარღვევის ფაქტებს და იღებს შესაბამის ზომებს კან­დი­დატის ან მოხელის გამოცდიდან მოხსნის შესახებ;

დ) ადასტურებს ტესტის პასუხების შემოწმებისას კანდიდატის ან მოხელის მიერ დაგროვილ ქულათა რაოდენობას;

ე) ატარებს გასაუბრებას კანდიდატებთან და მოხე­ლეებთან, აფასებს მათ შესაბამისობას დასაკავებელ ან დაკავებულ თანამდებობასთან წაყენებულ მოთხოვ­ნებთან;

ვ) წარუდგენს კონტროლის პალატის თავმჯდომარეს კანდიდატურებს ვაკანტურ თანამდებობათა დასაკავებ­ლად;

ზ) წარუდგენს კონტროლის პალატის თავმჯდომარეს კონკურსისა და ატესტაციის შედეგებს;

თ) ახორციელებს კანონმდებლობით და ამ დებუ­ლებით გათვალისწინებულ სხვა უფლებებს.

    მუხლი 3. საკონკურსო-საატესტაციო კომისიის შემადგენლობა

1. საკონკურსო-საატესტაციო კომისიის შემადგენ­ლობა­ში შედიან კომისიის თავმჯდომარე, თავმჯდომა­რის მოადგილე და კომისიის წევრები.

2. საკონკურსო-საატესტაციო კომისიის თავმჯდო­მარეს, კონტროლის პალატის პრეზიდიუმის რეკომენ­დაციითა და კონტროლის პალატის თავმჯდომარის წარ­დგინებით, ნიშნავს საჯარო სამსახურის ბიუროს უფროსი.

3. საკონკურსო-საატესტაციო კომისიის შემადგენ­ლობას განსაზღვრავს კომისიის თავმჯდომარე.

4. საკონკურსო-საატესტაციო კომისიის თავმჯდო­მარე კომისიის წევრთაგან ნიშნავს თავმჯდომარის მოად­გილეს, რომელიც კომისიის თავმჯდომარის არ­ყოფ­ნის შემთხვევაში ასრულებს თავმჯდომარის მოვა­ლეობას.

5. კომისიის თავმჯდომარის გადაწყვეტილებით კომი­სიის შემადგენლობაში მათი თანხმობით შეიძლება მოწვეულ იქნენ დამოუკიდებელი ექსპერტები დამკვირ­ვებ­ლის სტატუსით.

6. მოხელე არ შეიძლება იყოს იმ კომისიის წევრი, რომელმაც უნდა მოახდინოს მისი ატესტაცია.

    მუხლი 4. კომისიის წევრთა შრომის ანაზღაურება

კომისიის წევრთა ანაზღაურების პირობები და ოდენობა განისაზღვრება საქართველოს კანონმდებლო­ბით კონტროლის პალატის ბიუჯეტიდან.

    მუხლი 5. კომისიის რეგლამენტი

1. კომისიის წევრებს შორის მოვალეობებს ანაწი­ლებს და მუშაობის რეჟიმს განსაზღვრავს კომისიის თავმჯდომარე.

2. კომისიის თითოეულ წევრს აქვს ერთი ხმის უფლე­ბა. კომისიის სხდომა უფლებამოსილია, თუ მას ესწრება კომისიის წევრთა რაოდენობის ნახევარზე მეტი.

3. კომისიის გადაწყვეტილება მიიღება ღია კენჭის­ყრით დამსწრე წევრთა ხმების უბრალო უმრავლე­სობით. ხმების თანაბრად განაწილების შემთხვევაში კომისიის თავმჯდომარის ხმა ითვლება გადამწყვეტად.

4. კონტროლის პალატის ადმინისტრაციული დეპარ­ტა­მენტის ადამიანური რესურსების სამმართველო უზ­რუნ­ველყოფს ვაკანტურ თანამდებობაზე კონკურსის მოწყო­ბისა და მოხელეთა ატესტაციის ჩატარების ორგანიზებას.

5. კომისიის სხდომა ფორმდება ოქმით, რომელსაც ხელს აწერენ კომისიის თავმჯდომარე, დამსწრე წევრები და კომისიის მდივანი. კომისიის წევრს უფლება აქვს თავისი განსხვავებული აზრი დაურთოს ოქმს, რის შესა­ხებაც ოქმში კეთდება აღნიშვნა.

    მუხლი 6. კომისიის სპეციალიზებული შემადგენლობა

1. კომისიის თავმჯდომარეს შეუძლია პროფესიული ან ტერიტორიული პრინციპის მიხედვით შექმნას კომისიის სპეციალიზებული შემადგენლობა.

2. კომისიის სპეციალიზებული შემადგენლობით და­კომ­­პლექტების შემთხვევაში მის თავმჯდომარეს ნიშნავს საკონკურსო-საატესტაციო კომისიის თავმჯდო­მარე.

    მუხლი 7. საპრეტენზიო კომისია

1. საქართველოს კონტროლის პალატის თავმჯდო­მარის ბრძანებით შეიძლება შეიქმნას საპრეტენზიო კომი­სია საკონკურსო-საატესტაციო კომისიისგან დამოუ­კიდებლად.

2. საპრეტენზიო კომისიის მიზანია ატესტაცია-კონკურსის ჩატარების დროს პრეტენზიების განსაზ­ღვრულ ვადებში განხილვა და საკონკურსო-საატეს­ტა­ციო კომისიისათვის სამართლებრივად სრულყოფილი დასკვნების წარდგენა.

3. საპრეტენზიო კომისიის საქმიანობას ხელმძღვანე­ლობს თავმჯდომარე. საპრეტენზიო კომისიის თავმჯდო­მარესა და წევრებს ნიშნავს საქართველოს კონტროლის პალატის თავმჯდომარე.

4. საპრეტენზიო კომისიის შემადგენლობაში არ შეიძ­ლება შედიოდეს საკონკურსო-საატესტაციო კომი­სიის წევრი. საჭიროების შემთხვევაში შესაძლებელია საპრეტენზიო კომისიის შემადგენლობაში მოწვეულ იქნენ სხვადასხვა დარგის სპეციალისტები.

5. სპეციალისტთა უფლებამოსილება განისაზღვრება მხოლოდ ტესტებთან დაკავშირებული პრეტენზიების განხილვით და გამოტანილი დასკვნების წერილობით გადაცემით საპრეტენზიო კომისიაზე.

6. საპრეტენზიო კომისიის წევრებს შორის მოვალეო­ბებს ანაწილებს და მუშაობის რეჟიმს განსაზღვრავს საპ­რეტენზიო კომისიის თავმჯდომარე.

7. საპრეტენზიო კომისიის თითოეულ წევრს აქვს ერ­თი ხმის უფლება.

8. საპრეტენზიო კომისიის სხდომა უფლებამოსილია, თუ მას ესწრება კომისიის წევრთა სიითი შემადგენ­ლობის ნახევარზე მეტი.

9. საპრეტენზიო კომისიის გადაწყვეტილება მიიღება ღია კენჭისყრით დამსწრე წევრთა ხმების უბრალო უმრავლესობით. ხმების თანაბრად განაწილების შემთხვევაში საპრეტენზიო კომისიის თავმჯდომარის ხმა ითვლება გადამწყვეტად.

10. საპრეტენზიო კომისიის სხდომის გადაწყვეტი­ლება ფორმდება ოქმით, რომელსაც ხელს აწერენ საპრე­ტენზიო კომისიის თავმჯდომარე და წევრები. საპრეტენზიო კომისიის წევრი, რომელიც არ ეთანხმება საპრეტენზიო კომისიის სხვა წევრების გადაწყვეტილებას ვალდებულია თავისი წინადადება და შენიშვნა წერილობით დაურთოს ოქმს.

11. საპრეტენზიო კომისია უფლებამოსილია შეად­გინოს გამოვლენილი ხარვეზის შესახებ ოქმი და საბო­ლოო გადაწყვეტილების მისაღებად წინადადება წარუდგინოს საკონკურსო-საატესტაციო კომისიას.

12. საპრეტენზიო კომისიაში პრეტენზიების (გან­ცხა­დების) წარდგენა წარმოებს ატესტაცია-კონკურსში მონაწილე ნებისმიერი მოხელისა და კანდიდატის მიერ ტესტირების შედეგების გამოცხადებიდან არა უგვიანეს 2 სამუშაო დღისა.

13. საპრეტენზიო კომისიის სახელზე შეტანილი განცხადება განიხილება 2 დღის ვადაში. ამასთან, მნიშვნელოვანი გარემოებების (საქმის დიდი მოცულო­ბა, სირთულე) არსებობისას განხილვის ვადა შეიძ­ლება გაგრძელდეს 5 დღემდე.

14. საპრეტენზიო კომისიის გადაწყვეტილება გან­მცხა­დებელს და საკონკურსო-საატესტაციო კომისიას ეცნობება გადაწყვეტილების მიღებიდან მომდევნო სამუ­შაო დღეს.

15. საპრეტენზიო კომისიის გადაწყვეტილებაში მნიშ­ვნე­ლო­ვანი დარღვევების აღმოჩენისას საკონკურსო-საა­ტეს­ტაციო კომისიას უფლება აქვს არ დაეთანხმოს საპრეტენზიო კომისიის გადაწყვეტილებას, მოიწვიოს გაფართოებული სხდომა საპრეტენზიო კომისიის წევრთა მონაწილეობით და მიიღოს შესაბამისი გადაწყვეტილება, რომელიც საბოლოოა.

16. კომისია გასაუბრების ფორმით ატესტაცია-კონ­კურსის შედეგებზე პრეტენზიებს არ ღებულობს.

17. საპრეტენზიო კომისიის გადაწყვეტილების გასაჩივრება დაუშვებელია.

18. საპრეტენზიო კომისია საქმიანობას წყვეტს ატესტაციისა და კონკურსის დამთავრებიდან 10 დღის ვადაში.

თავი III

კონკურსი

    მუხლი 8. კონკურსის მიზანი

კონკურსის მიზანია საჯარო მოხელის ვაკანტურ თანამდებობაზე დასანიშნად მაღალკვალიფიციური კად­რების შერჩევა და მათი რეზერვის ფორმირება.

    მუხლი 9. კონკურსის პირობები

1. კონკურსის დროს საკონკურსო-საატესტაციო კომი­სია ადგენს კანდიდატის კონკრეტული ვაკანტური თანამ­დებობისადმი წაყენებულ მოთხოვნებთან შესაბამისობას.

2. იმ ვაკანტურ თანამდებობაზე, რომელიც ითვალის­წინებს საკონტროლო-სარევიზიო საქმიანობაში მონაწი­ლეობას, კანდიდატს კონკურსი უტარდება ტესტირებისა და შემდგომი გასაუბრების ფორმით.

3. იმ ვაკანტურ თანამდებობაზე, რომელიც არ ით­ვა­ლის­წინებს საკონტროლო-სარევიზიო საქმიანობაში მონაწილეობას, კანდიდატს კონკურსი უტარდება ტესტირების და/ან გასაუბრების ფორმით, კონტროლის პალატის თავმჯდომარის გადაწყვეტილებით.

4. კონტროლის პალატის სახელმწიფო მოხელეთა (თანამდებობათა) ის კატეგორია, რომელიც ეწევა საკონ­ტროლო-სარევიზიო საქმიანობას განისაზღვრება კონ­ტროლის პალატის ერთიანი რეგლამენტით.

    მუხლი 10. კონკურსის გამოცხადება

1. კონკურსს მოხელის ვაკანტური თანამდებობის დასა­კავებლად აცხადებს სახელმწიფო სამსახურის ბიუ­როს უფროსი საქართველოს კონტროლის პალატის თავ­მჯდომარის წინადადებით გაზეთ „საქართველოს რესპუბლიკაში“ ან სხვა ოფიციალურ ბეჭდვით ორგა­ნოში.

2. კომისიის სხდომა ტარდება არა უადრეს სამი კვი­რისა კონკურსის შესახებ შეტყობინების გამოქვეყ­ნების დღიდან.

    მუხლი 11. საკონკურსო-საატესტაციო კომისიის სამდივნო

1. საკონკურსო-საატესტაციო კომისიის მიერ კონკურ­სის ორგანიზაციული საკითხების უზრუნველყოფის მიზნით იქმნება საკონკურსო-საატესტაციო კომისიის სამდივნო (შემდგომში – სამდივნო).

2. სამდივნოს ხელმძღვანელობს უფროსი. სამდივნოს უფროსსა და წევრებს ნიშნავს საკონკურსო-საატესტაციო კომისიის თავმჯდომარე.

3. სამდივნო უზურნველყოფს:

ა) დადგენილ ვადებში კანდიდატთა განცხადებებისა და დოკუმენტაციის მიღებასა და შენახვას;

ბ) წარმოდგენილი მონაცემების შესაბამისობის შემოწ­მებას კონკრეტული ვაკანტური თანამდებო­ბისათვის დადგენილ მოთხოვნებთან;

გ) კანდიდატის მიერ წარმოდგენილი დოკუმენტაციის ვაკანტურ თანამდებობაზე დადგენილ მოთხოვნებთან შესაბამისობის შემთხვევაში კანდიდატთა რეგისტრა­ციასა და სარეგისტრაციო ბარათის გაცემას;

დ) კანდიდატთა შესახებ მონაცემთა ბაზის შექმნასა და შევსებას;

ე) კონკურსში მონაწილე კანდიდატთა იდენტიფი­ცირებას და რეგისტრირებას მათ მიერ წარმოდგენილი სარეგისტრაციო ბარათისა და პირადობის მოწმობის მეშვეობით;

ვ) საგამოცდო დარბაზში მონაწილე კანდიდატები­სათვის ადგილების მიკუთვნებას;

ზ) საკონკურსო-საატესტაციო კომისიისათვის ან/და საპრეტენზიო კომისიისათვის კანდიდატების საგამოც­დო ტესტებისა და ნამუშევრების გადაცემას და შენახვას;

თ) კანდიდატთა ტესტირებისა და წერითი გამოცდის შედეგების შესახებ მონაცემთა შეტანას საერთო ბაზაში;

ი) გასაუბრებაში მონაწილე თითოეული კანდიდატის შესახებ არსებული დოკუმენტური მასალის დამუშავე­ბასა და საკონკურსო-საატესტაციო კომისიისათვის წარ­დგენას;

კ) ამ დებულებით გათვალისწინებული სხვა ამო­ცანების განხორციელებას.

4. სამდივნოს უფროსი პასუხისმგებელია კანდიდატის შესახებ მონაცემთა ბაზაში არსებული ინფორმაციის სისწორეზე.

5. კონკურსის დამთავრებისა და მისი შედეგების გამოქვეყნების შემდეგ სამდივნო წყვეტს არსებობას.

6. კონკურსთან დაკავშირებული დოკუმენტაციის შენახვის ვადაა 3 წელი.

    მუხლი 12. კონკურსში მონაწილეობის უფლების მქონე პირი

კონტროლის პალატის სისტემაში ვაკანტური თანამ­დებობის დაკავების მიზნით გამოცხადებულ კონკურსში მონაწილეობის მიღების უფლება ეძლევა საქართველოს ქმედუნარიან მოქალაქეს 21 წლის ასაკიდან, რომელსაც აქვს შესაბამისი განათლება, სათანადო კვალიფიკაცია და ფლობს სახელმწიფო ენას.

    მუხლი 13. კონკურსისათვის წარმოსადგენი საბუთები და კონკურსზე გამოცხადების წესები

1. კონკურსში მონაწილეობის მისაღებად კანდიდატმა, კონკურსის შესახებ შეტყობინების გამოქვეყნების დღიდან ორი კვირის ვადაში, სამდივნოში უნდა წარადგინოს:

ა) წერილობით განცხადება საკონკურსო-საატესტა­ციო კომისიის თავმჯდომარის სახელზე;

ბ) უმაღლესი განათლების ან შესაბამისი კვალიფი­კაციის დამადასტურებელი საბუთის ასლი;

გ) უკვე გაცემული შრომის წიგნაკის ასლი;

დ) ავტობიოგრაფია;

ე) პირადობის დამადასტურებული მოწმობის ასლი;

ვ) ორი ფერადი ფოტოსურათი ზომით – 3X4.

2. საბუთების ჩაბარებისას კანდიდატმა სამდივნოს უნდა წარუდგინოს ამ მუხლის პირველი პუნქტის „ბ“, „გ“ და „ე“ ქვეპუნქტებით გათვალისწინებული დოკუმენტების დედნები, რომლის ასლის ნამდვილობის შემოწმების შემდეგ იგი დაუბრუნდება კანდიდატს.

3. საჭირო დოკუმენტების წარდგენის შემდეგ კანდი­დატი მიიღებს სარეგისტრაციო ბარათს, რომელშიც აღინიშნება კანდიდატის სახელი, გვარი, მისი სარეგის­ტრაციო ნომერი, ბარათის გაცემის თარიღი და სამ­დივნოს უფროსის ხელმოწერა, ტესტირების და/ან გასაუბ­რების ჩატარების დრო და ადგილი და იმ ვაკანტური თანამდებობის დასახელება, რომელზეც შემოი­ტანა პირმა განაცხადი. სარეგისტრაციო ბარათი პირადობის მოწმობასთან ერთად წარმოადგენს პირის ტესტირებაზე/გასაუბრებაზე დაშვების დამადასტურებელ დოკუმენტს.

4. პირადობის დამადასტურებელი საბუთის, სარეგის­ტრაციო ბარათის არქონის, აგრეთვე დაგვიანების ან არგამოცხადების შემთხვევაში კანდიდატი კონკურსზე არ დაიშვება.

    მუხლი 14. კანდიდატის უფლება გამოიტანოს განცხადება ან შეცვალოს განცხადებაში მითითებული ვაკანტური თანამდებობა

კანდიდატს რეგისტრაციის ვადის განმავლობაში უფლება აქვს გაიტანოს განცხადება ან შეცვალოს ვა­კან­ტუ­რი თანამდებობა შესაბამისი განცხადებით.

    მუხლი 15. კომისიის მიერ კანდიდატურების განხილვა

1. კომისია, კანდიდატებთან გასაუბრების შემდეგ, სხდომაზე საკითხს განიხილავს მათ დაუსწრებლად.

2. კომისია აფასებს კანდიდატის შესაბამისობას ვა­კან­ტური თანამდებობის დასაკავებლად დადგენილ მოთხოვნებთან.

    მუხლი 16. კენჭისყრის წესი და გადაწყვეტილების მიღება

1. კონკრეტულ ვაკანტურ თანამდებობაზე კონკურსში მონაწილე ყველა კანდიდატს კენჭი ეყრება ცალ-ცალკე.

2. საკონკურსო-საატესტაციო კომისიის სხდომა კონკურსში გამარჯვებულ კანდიდატებზე გადაწყვეტი­ლების მიღების შესახებ ფორმდება ოქმით, რომელსაც ხელს აწერენ კომისიის თავმჯდომარე, კომისიის წევ­რები და კომისიის მდივანი.

    მუხლი 17. კონკურსის შედეგი

1. ვაკანტურ თანამდებობაზე დასანიშნად კომისია წამოაყენებს კანდიდატს ან უარს აცხადებს კანდიდატის წამოყენებაზე.

2. კომისიის თავმჯდომარე, მისი არყოფნის შემთხვე­ვაში კი კომისიის თავმჯდომარის მოადგილე, გადაწყვე­ტი­ლების გამოტანიდან არა უგვიანეს 5 დღისა, წერი­ლობით აცნობებს ყველა კანდიდატს მის მიმართ გამო­ტანილ გადაწყვეტილებას, კონტროლის პალატის თავმჯდომარეს კი კომისიის მიერ წამოყენებული კანდი­დატის ან კანდიდატის წამოყენებაზე უარის თქმის შესახებ.

3. კონკურსის საბოლოო შედეგების შესახებ საქარ­თვე­ლოს კონტროლის პალატის თავმჯდომარეს მოხსენ­დება კონკურსის დასრულებიდან ხუთი დღის ვადაში.

4. საქართველოს კონტროლის პალატის თავმჯდო­მარე კომისიის დასკვნის გათვალისწინებით, იღებს გა­და­წყვეტილებას პირის ვაკანტურ თანამდებობაზე დანიშვნის თაობაზე.

5. კომისიას უფლება აქვს შესთავაზოს კანდიდატს მის განცხადებაში მითითებული ვაკანსიის ალტერ­ნატიული ვარიანტი.

    მუხლი 18. ჩაშლილი კონკურსი

კონკურსი ითვლება ჩაშლილად, თუ მასში მონაწი­ლეობის მისაღებად არ იქნა წარდგენილი არც ერთი განცხადება, აგრეთვე იმ შემთხვევაში, თუ კომისია უარს განაცხადებს თანამდებობაზე დასანიშნად კანდიდა­ტის წამოყენებაზე.

თავი IV

ატესტაცია

    მუხლი 19. ატესტაციის მიზანი

მოხელეთა ატესტაციის მიზანია კონტროლის პა­ლა­ტის სისტემაში დასაქმებულ მოხელეთა პრო­ფესიუ­­ლი ჩვევების, კვალიფიკაციის, შესაძლებლო­ბების და პირადი თვისებების დაკავებულ თანამდებო­ბასთან წაყენებულ მოთხოვნებთან შესაბამისობის შეფასება.

    მუხლი 20. ატესტაციას დაქვემდებარებული პირი

1. ატესტაციას ექვემდებარება:

ა) მოხელე 3 წელიწადში ერთხელ (საატესტაციო პერიოდი);

ბ) მოხელე, რომელიც წამოყენებულია სამსახურებ­რივი დაწინაურებისათვის;

გ) რეზერვში ჩარიცხული პირი;

დ) კანდიდატი მოხელის თანამდებობაზე, თუ თანამდებობა კონკურსის წესით უნდა დაიკავონ.

2. ატესტაციას არ ექვემდებარება:

ა) მოხელე, რომელსაც თანამდებობაზე ნიშნავს საქარ­თველოს პარლამენტი და საქართველოს პარ­ლამენ­ტის თავმჯდომარე;

ბ) მოხელე, რომელიც სამსახურში მიიღება განსაზ­ღვრული ვადით.

    მუხლი 21. ატესტაციის დრო

1. ატესტაციის ჩატარების დროს განსაზღვრავს საქართველოს კონტროლის პალატის თავმჯდომარე, კომისიის თავმჯდომარესთან შეთანხმებით.

2. მოხელე, რომელიც საატესტაციო პერიოდის უკანასკნელი წლის მანძილზე სამსახურებრივ მოვა­ლეო­ბას ასრულებდა 6 თვეზე ნაკლები ვადის განმავ­ლობაში, ატესტაციას ექვემდებარება მომდევნო წელს.

    მუხლი 22. ატესტაციის ჩატარების წესი

1. ადმინისტრაციული დეპარტამენტის ადამიანური რესურსების მართვის სამმართველო საკონკურსო-საატესტაციო კომისიას წარუდგენს ატესტაციას დაქვემ­დე­ბარებულ მოხელეთა სიას.

2. ატესტაციის ჩატარებამდე ორი კვირით ადრე მოხელის უშუალო ხელმძღვანელი ადმინისტრა­ციული დეპარტამენტის ადამიანური რესურსების მართვის დეპარტამენტში წარადგენს მოხელის დახა­სიათებას (დანართი №1). დახასიათება უნდა ასახავ­დეს მოხე­ლის ყოველმხრივ შეფასებას (მის ინდივი­დუა­­ლურ, პროფესიულ თვისებებს, მისი მუშაობის შედეგების ანალიზს და ა.შ.).

3. მოხელეს უფლება აქვს ატესტაციამდე გაეცნოს მასზე შედგენილ დახასიათებას.

4. ატესტაცია შეიძლება ჩატარდეს ტესტირების და/ან გასაუბრების ფორმით, რომლის შესახებ გადა­წყვე­ტილებას იღებს კონტროლის პალატის თავ­მჯდო­­მარე.

5. ატესტაცია ტარდება კონტროლის პალატის თავ­მჯდომარის ბრძანებით დამტკიცებული გრაფიკის შესაბამისად.

6. მოხელის ატესტაციაზე საპატიო მიზეზით გა­მოუ­ცხადებლობის შემთხვევაში საკითხი გადაიდება შემ­დგომი ატესტაციისათვის, ხოლო არასაპატიო მიზე­ზით გამოუცხადებლობის შემთხვევაში კომისიის გადაწყვეტილებით მოხელე იღებს უარყოფით შეფასე­ბას.

    მუხლი 23. შედეგების შეფასება და გადაწყვეტილების მიღება

1. ატესტაციის დროს გასაუბრებისას კომისია ისმენს მოხელის ანგარიშს გაწეული საქმიანობის შეს­ახებ, ეცნობა მის დახასიათებას და უსვამს შეკით­ხვებს სამსახურებრივი სპეციფიკიდან გამომდინარე.

2. ატესტაციისას კენჭისყრის და გადაწვეტილების მიღების წესი განისაზღვრება ამ დებულების მე-5 მუხლით.

3. ატესტაციის შედეგების მიხედვით საკონკურსო-საატესტაციო კომისიას გამოაქვს ერთ-ერთი შემდეგი დასკვნა:

ა) შეესაბამება დაკავებულ თანამდებობას;

ბ) შეესაბამება დაკავებულ თანამდებობას და ექვემ­დე­ბარება დაწინაურებას;

გ) ნაწილობრივ შეესაბამება დაკავებულ თანამდე­ბო­ბას (საჭიროებს პროფესიულ მომზადებას და კვალიფიკაციის ამაღლებას) და ერთი წლის შემდეგ უნდა გაიროს ხელახალი ატესტაცია;

დ) არ შეესაბამება დაკავებულ თანამდებობას და ექვემდებარება ჩამოქვეითებას;

ე) არ შეესაბამება დაკავებულ თანამდებობას და უნდა გათავისუფლდეს დაკავებული თანამდებობიდან;

ვ) უნდა დარჩეს რეზერვში;

ზ) გამოყვანილ უნდა იქნეს რეზერვიდან.

4. კომისიის მიერ გამოტანილი დასკვნა თითოეულ მოხელეზე ფორმდება სხდომის ოქმით და ხელს აწერენ კომისიის თავმჯდომარე, კომისიის წევრები და კომი­სიის მდივანი.

5. ტესტირების დროს მოხელის მიერ მიღებული უარყოფითი შედეგი კომისიისათვის წარმოადგენს ამ მუხლის მე-3 პუნქტის „ე“ ქვეპუნქტში აღნიშნული გადაწყვეტილების მიღების საფუძველს.

6. კომისიის გადაწყვეტილება შეიტანება საატესტა­ციო ფურცელში (დანართი №2).

7. საატესტაციო ფურცელი ივსება ერთ პირად და მოხელეზე წარმოდგენილ დახასიათებასთან ერთად დაერთვის მოხელის პირად საქმეს.

8. საატესტაციო ფურცელს ხელს აწერენ კომისიის თავმჯდომარე და კომისიის მდივანი.

9. ატესტაციის შედეგების შესახებ მოხელეს ეცნობება ერთი კვირის ვადაში, რაც დასტურდება საატესტაციო ფურცელში მისი ხელმოწერით.

10. ატესტაციის შედეგები საქართველოს კონტრო­ლის პალატის თავმჯდომარეს მოხსენდება ატესტაციის ჩატარებიდან ერთი კვირის ვადაში.

11. საქართველოს კონტროლის პალატის თავმჯდო­მარე, კომისიის რეკომენდაციის შესაბამისად, მოქმედი კანონმდებლობის გათვალისწინებით, იღებს გადაწყვეტი­ლებას საკლასო ჩინის მინიჭების, მოხელის დაკავებულ თანამდებობაზე დატოვების, დაწინაურების, ჩამოქვეითე­ბის ან გათავისუფლების შესახებ.

12. მოხელეს ერთი თვით ადრე უნდა ეცნობოს ატესტაციის არადამაკმაყოფილებელი შედეგის გამო სამსახურიდან მისი მოსალოდნელი გათავისუფლების შესახებ.

    მუხლი 24. დავები ატესტაციასთან დაკავშირებით

ატესტაციასთან დაკავშირებით წარმოშობილი დავები წყდება საქართველოს კანონმდებლობის შესაბა­მისად.

თავი V

ტესტირება, წერითი გამოცდა და გასაუბრება

    მუხლი 25. ტესტირება

1. ტესტირება ტარდება სპეციალური საგამოცდო ტესტების (შემდგომში – ტესტი) ფორმით.

2. ტესტირება ტარდება საკონკურსო-საატესტაციო პროგრამის შესაბამისად (დანართი 3). ტესტირების პროგრამით გათვალისწინებული საკანონმდებლო და კანონქვემდებარე ნორმატიული აქტები გამოყენებულ იქნეს კონკურსის ან ატესტაციის გამოცხადებამდე ერთი თვით ადრე მოქმედი მდგომარეობით.

3. ტესტის კითხვების მომზადებას უზრუნველყოფს კონტროლის პალატის ან ექსპერტთა ჯგუფი, რომლის შემადგენლობასაც განსაზღვრავს საკონკურსო-საატესტა­ციო კომისიის თავმჯდომარე.

4. ტესტის ნიმუში, საკონკურსო-საატესტაციო კომისიის გადაწყვეტილებით, შეიძლება გამოქვეყნდეს ოფიციალურ ბეჭდვით ორგანოში ან კონტროლის პალა­ტის ოფიციალურ ვებსაიტზე.

5. ტესტი შედგება 100 კითხვისგან.

6. ტესტის ყოველი კითხვა შედგება ორი ნაწი­ლის – უშუალოდ კითხვისა და სავარაუდო პასუხე­ბისგან, რომელთაგან სწორია მხოლოდ ერთი პასუხი.

7. გამოსაცდელს ევალება პასუხების ფურცელზე აღნიშნოს მის მიერ სწორად მიჩნეული მხოლოდ ერთი პასუხი.

8. ყოველ კითხვაზე სწორი პასუხი ფასდება 1 ქუ­ლით, არასწორი პასუხი კი – 0 ქულით.

9. ტესტის მინიმალური შეფასება არის – 0.

10. გამოსაცდელს არა აქვს უფლება დატოვოს საგამოცდო დარბაზი ტესტისა და პასუხების ფურცლის ჩაბარების გარეშე. იმ შემთხვევაში, თუ გამოსაცდელი საგამოცდო დარბაზს დატოვებს ტესტთან ერთად, ტესტი შეფასდება 0 ქულით.

11. თუ გამოსაცდელი ტესტის ერთ კითხვაზე აღნიშნავს ერთზე მეტ პასუხს, ან თუ ტესტის პასუხი გადასწორებულია, მაშინ პასუხი შეფასდება 0 ქულით, ანალოგიურად, თუ არ არის აღნიშნული არც ერთი პასუხი, ასეთი ამოხსნაც შეფასდება 0 ქულით.

12. ტესტირებისათვის გამოსაცდელს ეძლევა 4 ასტრო­ნომიული საათი, რომლის გასვლის შემდეგაც გამოსაც­დელი ვალდებულია კომისიის წარმომადგენელს ჩაა­ბაროს ტესტი.

13. გამოსაცდელის მიერ ტესტის შევსებისათვის დადგენილი დროის გადაცდენის შემთხვევაში საკონკურ­სო-საატესტაციო კომისიისათვის გადაცემული ტესტი არ გასწორდება და ტესტი შეფასდება 0 ქულით.

14. დროის ამოწურვის შესახებ გაფრთხილებას გამოსაცდელი მიიღებს ორჯერ – დროის ამოწურვამდე 30 წუთით და 10 წუთით ადრე.

15. ტესტური გამოცდის დაწყების წინ ყოველ გამოსაცდელს გადაეცემა დალუქული კონვერტი, რომელშიც მოთავსებულია საგამოცდო ტესტი პასუხე­ბის ფურცელთან ერთად.

16. კონვერტის გახსნამდე თითოეული გამოსაცდელი ვალდებულია შეამოწმოს კონვერტი. თუ კონვერტი გახ­სნილია, დაზიანებულია, ან კონვერტის მთლიანობა სხვაგვარად იწვევს ეჭვს, გამოსაცდელი ვალდებულია დაუყოვნებლივ, კონვერტის გახსნამდე, განუცხადოს ამის შესახებ საკონკურსო-საატესტაციო კომისიის წარმომადგენელს. ასეთ შემთხვევაში მას მიეცემა ახალი კონვერტი. დაგვიანებით შემოსული პრეტენზია აღარ მიიღება.

17. ტესტური გამოცდის დაწყებამდე საკონკურსო-საატესტაციო კომისიის წარმომადგენელი ვალდებულია ინსტრუქტაჟი ჩაუტაროს გამოსაცდელებს, აუხსნას მათ ტესტების ამოხსნისა და პასუხების ფურცლის შევსების მეთოდიკა, ასევე სხვა პროცედურული საკითხები.

18. ტესტირებაზე დასაშვებია მხოლოდ ავტოკალმის და გამომთვლელი მანქანის შეტანა.

19. გამოსაცდელი, რომელიც შემჩნეული იქნება დამხმარე მასალის ან ინსტრუქციით გათვალისწინე­ბული მოთხოვნების დარღვევაში, საკონკურსო-საატეს­ტაციო კომისიის დამსწრე წევრის (წევრების) მიერ მოიხსნება ტესტირებიდან და მისი ტესტი შეფას­დება 0 ქულით.

20. გამოსაცდელის ტესტირებიდან მოხსნის თაობაზე საკონკურსო-საატესტაციო კომისიის დამსწრე წევრი ადგენს ოქმს.

21. ტესტირების დღეს ყველა გამოსაცდელი უნდა გამოცხადდეს ტესტირების ჩატარების ადგილზე წინასწარ დადგენილ დროს, რომელიც მითითებული იქნება სარეგისტრაციო ბარათზე.

22. გამოსაცდელმა თან უნდა იქონიოს პირადობის დამადასტურებელი საბუთი და სარეგისტრაციო ბარათი.

23. მოხელე    პირადობის დამადასტურებელი საბუ­თის, ხოლო კანდიდატი პირადობის დამადასტურებელი საბუთის და სარეგისტრაციო ბარათის გარეშე, აგრეთვე დაგვიანებით გამოცხადებული პირები ტესტირებაზე არ დაიშვებიან.

24. ტესტირებაზე გამოუცხადებლობა, ასევე ტესტირების მსვლელობისას გამოსაცდელის განცხადება ტესტირებაში მონაწილეობაზე უარის შესახებ უფლებას ართმევს გამოსაცდელს მოითხოვოს დამატებითი ტესტირების ჩატარება.

25. ამ მუხლის 24-ე პუნქტით გათვალისწინებულ შემთხვევებში გამოსაცდელის გამოუცხადებლობის, ასევე ტესტირებაში მონაწილეობაზე უარის თქმის მოტივი მხედველობაში არ იქნება მიღებული.

26. ტესტირებაზე კანდიდატის ან მოხელის გამოუც­ხადებლობა წარმოადგენს ტესტირების შედეგე­ბის უარყოფითად შეფასების საფუძველს.

27. ტესტირების ჩატარებისას, საზოგადოებრივი კონტროლისა და საჯაროობის უზრუნველყოფის მიზნით, საკონკურსო-საატესტაციო კომისიის მიერ შეიძლება მეთვალყურეებად დაშვებულ იქნენ საზოგა­დოების წარმომადგენლები.

28. გამოსაცდელის მიერ ტესტირება ჩაბარე­ბულად ითვლება, თუ მან 75 კითხვას გასცა სწორი პასუხი.

29. დადებითი შეფასების მიღებისას გამოსაცდელი დაიშვება მომდევნო ეტაპზე.

30. ტესტების პასუხები მოწმდება საკონკურსო-საატესტაციო კომისიის მიერ ან მოწვეული სპეცია­ლისტის მიერ კომისიის წევრის თანდასწრებით, კომ­პიუ­ტერის ან სხვა საშუალების მეშვეობით.

31. ტესტის გასწორების დროს დაცული უნდა იყოს როგორც გამოსაცდელის, ისე გამომცდელის ანონიმურობა, კომისიის წევრისთვის უცნობია, თუ ვის ტესტს ამოწმებს, ასევე გამოსაცდელისთვის უცნო­ბია, თუ ვინ გაასწორებს მის ნაშრომს.

32. ტესტირების დამთავრებიდან არა უგვიანეს 5 სა­მუშაო დღისა კომისია აქვეყნებს ტესტირების შედეგებს.

    მუხლი 26. გასაუბრება

1. გასაუბრება ტარდება საკონკურსო-საატესტაციო კომისიის მიერ კანდიდატის და/ან მოხელის ზეპირი გამოკითხვის ფორმით, რომლის მიზანია პირის შესაბა­მისობის დადგენა ვაკანტური და/ან დაკავებული თანამ­დებობისადმი წაყენებულ მოთხოვნებთან.

2. გასაუბრების მიმდინარეობა შეიძლება აისახოს აუდიო და/ან ვიდეო ჩანაწერებში.

3. კონკურსის დროს გასაუბრებისას კანდიდატის შეფასება ხდება კომისიის თითოეული წევრის მიერ მაქსიმუმ 100 ქულით, მინიმუმ 0 ქულით.

4. კომისიის წევრების მიერ თითოეული კანდიდატის ქულებით შეფასება ხდება სპეციალურად მომზადებულ ბლანკებში, რომელსაც ხელს აწერს კომისიის წევრი.

5. კომისიის წევრების მიერ კანდიდატის შეფასე­ბასთან დაკავშირებით შევსებული სპეციალური ბლან­კები გადაეცემა კომისიის მდივანს ქულების დაჯა­მები­სა და საბოლოო ქულის გამოთვლის მიზნით.

6. კომისიის მდივანი პასუხისმგებელია თითოეული გამოსაცდელის მიმართ საკონკურსო-საატესტაციო კომისიის წევრების მიერ დაწერილი ქულების დაჯა­მებაზე.

7. ქულების გამოთვლა ხდება შემდეგნაირად: კომისიის ყველა წევრის მიერ დაწერილი ქულების ჯამი გაყოფილი კომისიის წევრების რაოდენობაზე (ვინც მოახდინა შეფასება).

8. იმ კანდიდატების მიმართ, რომლებმაც თანაბარი ქულები მიიღეს, კენჭისყრისა და გადაწყვეტილების მიღების წესი განისაზღვრება ამ დებულების მე-5 მუხლით.

9. იმ ვაკანტურ თანამდებობაზე, რომელზეც კანდი­დატი გაივლის მხოლოდ გასაუბრების ეტაპს, კანდიდა­ტის განხილვისას შეფასება ხორციელდება ასევე ამ მუხლის მე-6 პუნქტით დადგენილი წესის შესაბამისად.

10. ატესტაციის დროს გასაუბრებისას კომისია ისმენს მოხელის ანგარიშს გაწეული საქმიანობის შესახებ და ეცნობა მის დახასიათებას, მოხელე პასუხობს კომისიის წევრების შეკითხვებს სამსახურებრივი სპეციფიკიდან გამომდინარე.

11. გასაუბრება მოხელისათვის ტარდება სტრუქტუ­რული ერთეულის (ქვედანაყოფის) ხელმძღვანელის დასწრებით, სადაც მოხელე მუშაობს.

12. კომისია ისმენს და ითვალისწინებს მოხელის ხელმძღვანელის დახასიათებას.

თავი VI

საჯარო მოხელეთა რეზერვი

    მუხლი 27. მოხელეთა რეზერვი

1. მოხელეთა რეზერვი არის იმ პირთა შესახებ მონაცემების ერთობლიობა, რომლებიც თავისი კვა­ლიფიკაციით და გამოცდილებით წარმოადგენენ რეა­ლურ კანდიდატებს კონტროლის პალატის სისტე­მაში თანამდებობის დასაკავებლად.   

2. საკონკურსო-საატესტაციო კომისიის მიერ თანამდე­ბობაზე დასანიშნად წარდგენილი კანდიდატი, რომელიც მისგან დამოუკიდებელი მიზეზის გამო ვერ დაინიშნა ამ თანამდებობაზე, თანხმობის შემთხვევაში ჩაირიცხება მოხელეთა რეზერვში „საჯარო სამსახურის შესახებ“ საქართველოს კანონის მოთხოვნათა შესაბა­მისად.

3. მოხელემ, რომელსაც სურს რეზერვში ჩარიცხვა, უნდა წარმოადგინოს განცხადება რეზერვში ჩარიცხვის შესახებ და შრომის წიგნაკი.

    მუხლი 28. რეზერვიდან დანიშვნის წესი

1. უფლებამოსილი დამნიშნავი პირი, რომელიც საჭიროებს მოხელეს ვაკანტურ თანამდებობაზე დასანიშ­ნად, საკონკურსო-საატესტაციო კომისიას აცნობებს ვაკანსიის არსებობას, თანამდებობის დასახელების და მის დასაკავებლად წამოყენებული საკვალიფიკაციო მოთ­ხოვნების მინიშნებით.

2. საკონკურსო-საატესტაციო კომისიის სახელით კომისიის თავმჯდომარე უფლებამოსილ დამნიშნავ პირს უგზავნის რეზერვიდან ამონაწერს იმ პირის ან პირთა შესახებ, რომლებიც აკმაყოფილებენ შესაბამის მოთხოვ­ნებს, აგრეთვე მათი ნამსახურობის ნუსხებს.

3. დაწესებულების ხელმძღვანელი თანამდებობაზე ნიშნავს შესაბამის კანდიდატს მისი განცხადების საფუძ­ველზე.

4. რეზერვში ჩარიცხულმა პირმა შეიძლება უარი განაცხადოს დანიშვნაზე კანონმდებლობის შესაბამისად.

5. იმ შემთხვევაში, თუ დამნიშნავმა პირმა არ მოითხოვა რეზერვიდან წარმოდგენილი კანდიდატები ან არ გამოცხადდა კონკურსი კონკრეტული თანამდებო­ბის დასაკავებლად, შესაძლებელია ვაკანტურ თანამდე­ბობაზე დანიშვნა მოვალეობის შემსრულებლად კონკურ­სის შედეგებამდე, „საჯარო სამსახურის შესახებ“ საქართველოს კანონის 23-ე მუხლის მე-2 პუნქტის „ბ“ ქვეპუნქტისა და 30-ე მუხლის „დ“ ქვეპუნქტის თანახმად.

    მუხლი 29. რეზერვში ჩარიცხულ მოხელეთა აღრიცხვის წესი

1. რეზერვში ჩარიცხულ მოხელეთა აღრიცხვას აწარმოებს ადმინისტრაციული დეპარტამენტის ადამია­ნური რესურსების მართვის სამმართველო.

2. საკონკურსო-საატესტაციო კომისია ქმნის შესაბა­მისი დაწესებულების მოხელეთა რეზერვს.

3. მოხელეთა რეზერვიდან პირის გამოყვანა ხდება შემდეგ შემთხვევებში:

ა) პირი დაინიშნა შესაბამის ვაკანტურ თანამდე­ბობაზე;

ბ) პირი გასამართლებულ იქნა განზრახ ჩადენილი დანაშაულისათვის და მოხსნილი არა აქვს ნასამარ­თლობა;

გ) პირი სასამართლოს გადაწყვეტილებით ცნობილ იქნა ქმედუუნაროდ ან შეზღუდული ქმედუნარიანობის მქონედ;

დ) პირს სასამართლოს მიერ ჩამოერთვა შესაბამისი თანამდებობის დაკავების უფლება;

ე) პირმა მიიღო სხვა ქვეყნის მოქალაქეობა;

ვ) პირმა მიაღწია სამსახურში ყოფნის ზღვრულ ასაკს;

ზ) ატესტაციის შედეგების საფუძველზე;

თ) პირის პირადი განცხადების საფუძველზე.

 

 

 

 

დანართი №1

 

საქართველოს კონტროლის პალატის

მოხელის დახასიათება

 

მოხელის გვარი, სახელი ——————-———

დაკავებული თანამდებობა —————————————————————————

ცნობები განათლებისა და კვალიფიკაციის ამაღლების შესახებ ———————————————————————————————————————————————————-—————————————————————————————————————————————————————————————————————————————————————————————————————————————————

————————————————————— (რომელი უმაღლესი სასწავლებელი დაამთავრა და როდის, აქვს თუ არა სამეცნიერო ხარისხი) (ან აიმაღლა თუ არა კვალიფიკაცია და როდის)

 

მოხელის ფუნქცია-მოვალეობები ———————————————————————————————————————————————————————————————————————————————————————————————————————————————-———————————————————————————პროფესიული ცოდნა და უნარ-ჩვევები ——————————————————————————-———————————————————————————————————————————————————————————————————————————————————————————————————————————————

წახალისებები ————————————————————————-————————————————————————————————————————————————————————————————————————————————————

დისციპლინური პასუხისმგებლობის ზომები ————————————————————————————————————————————————————————————————-——————————————————————————————

უარყოფითი ჩვევები ——————————————————————————————————————————————————————————————————————————————————————————————————————————

წინადადებები მოხელის შესაძლო თანამდებობრივი დაწინაურების ან სხვა სამუშაოზე გადაყვანის, საკლასო ჩინის მინიჭების შესახებ რეკომენდაციები —————————————————————————————————————————————————————————————————————————————————————————————————————————————————————————

 

ხელმძღვანელის ხელმოწერა —————————

 

თარიღი ———————————

დანართი №2

 

საატესტაციო ფურცელი

 

1. ატესტაციის ჩატარების თარიღი „—“ — 200 წელი

2. გვარი, სახელი —————————————

3. დაბადების თარიღი ——————

4. დაკავებული თანამდებობა ———————————————————-————

5. მუშაობის საერთო სტაჟი —————————

6. მათ შორის, კონტროლის პალატაში ————

7. უკანასკნელი ატესტაციის შედეგები ——————————————————-—

8. საკონკურსო-საატესტაციო კომისიის მიერ მოხელის საქმიანობის შეფასება (დასკვნა) —————————————————————————————————————————————————————————————————————————9. საკონკურსო-საატესტაციო კომისიის რეკომენდა­ცია———————-—————————————————————————————————————————————————————————————————————————————————————

 

ხელმოწერები:

 

კომისიის თავმჯდომარე ——————————-

 

კომისიის მდივანი —————————————

 

გავეცანი —————————————————-

                 (მოხელის ხელმოწერა)

დანართი №3

 

საქართველოს კონტროლის პალატის საკონკურსო-საატესტაციო ტესტირების პროგრამა

1. საქართველოს კონსტიტუცია

2. საქართველოს კანონი „საქართველოს კონ­ტრო­ლის პალატის შესახებ“

3. საქართველოს კანონი „საჯარო სამსახურის შესახებ“

4. საქართველოს კანონი „ნორმატიული აქტების შესახებ“

5. საქართველოს ზოგადი ადმინისტრაციული კოდექსი

6. ადმინისტრაციულ სამართალდარღვევათა კოდექსი

ადმინისტრაციული სამართალდარღვევის ცნება (გადაცდომა).

ასაკი, რომლის მიღწევის შემდეგ დგება ადმინისტრა­ციული პასუხისმგებლობა. თანამდებობის პირთა პასუ­ხის­მგებლობა. ადმინისტრაციული სახდელების სახეო­ბანი.

საქართველოს ტერიტორიაზე ეროვნული ვალუტის გამოყენების წესების დარღვევის განმარტება და დადგენი­ლი სახდელი.

განმარტება და დადგენილი სახდელი იმ ჰუმანური დახმარების პროდუქციის გაყიდვისთვის, რომელიც განკუთვნილი იყო უფასოდ გასაცემად.

სასაქონლო (მომსახურების) ან სხვა კომერციული აღნიშვნის ნიშნის უკანონო გამოყენების განმარტება და დადგენილი სახდელი.

სამეწარმეო საქმიანობის წესის და დარღვევის განმარ­ტება და დადგენილი სახდელი.

განმარტება და დადგენილი სახდელი ცენტრალური ბიუჯეტიდან ან სახელმწიფო საბიუჯეტო ფონდიდან გამოყოფილი, ან/და ცენტრალური ბიუჯეტის ან სახელმწიფო საბიუჯეტო ფონდის კუთვნილი ფულადი სახსრების გადარიცხვისა და გაცემის დაგვიანებისთვის.

სახელმწიფო შესყიდვის განხორციელების ან მეთო­დის არასწორად შერჩევა.

სახელმწიფო შესყიდვის განხორციელების წესების დარღვევა.

სახელმწიფო შესყიდვის განხორციელებისას ინტე­რეს­თა შეუთავსებლობის თავიდან აცილების წესების დარ­ღვევა.

სახელმწიფო შესყიდვის სააგენტოსთვის კანონმდებ­ლობით დადგენილი ინფორმაციის მიუწოდებლობა;

სახელმწიფო კონტროლისა და ხედამხედველობის განხორციელებისათვის ხელის შეშლა.

ქონებრივი მდგომარეობის ან საფინანსო დეკლარა­ციის წარუდგენლობისთვის დადგენილი სახდელი.

ადმინისტრაციულ სამართალდარღვევათა საქმეების განსახილველად უფლებამოსილი ორგანოები (თანამდე­ბო­ბის პირები).

გარემოებანი, რომლებიც გამორიცხავენ ადმინისტრა­ციული სამართალდარღვევის საქმის წარმოებას. ადმინისტრაციული სამართალდარღვევის ოქმი. ადმინის­ტრაციულ სამართალდარღვევათა საქმეების განხილვის ვადები.

ადმინისტრაციული სახდელის დადების შესახებ დადგენილების აღსრულების შეწყვეტა. ადმინისტრა­ციული სახდელის დადების შესახებ დადგენილებათა აღსრულების ხანდაზმულობა.

7. ადმინისტრაციული საპროცესო კოდექსი

8. საქართველოს კანონი „საჯარო სამსახურში ინტერესთა შეუთავსებლობისა და კორუფციის შესახებ“

9. საქართველოს კანონი „გრანტის შესახებ“

10. საქართველოს კანონი „მეწარმეთა შესახებ“

11. საქართველოს კანონი „სამეწარმეო საქმიანო­ბის კონტროლის შესახებ“

12. საქართველოს კანონი „საჯარო სამართლის იურიდიული პირის შესახებ“

13. საქართველოს კანონი „სახელმწიფო შესყიდ­ვე­ბის შესახებ“

14. საქართველოს სამოქალაქო კოდექსი

კერძო სამართლის და საჯარო სამართლის იური­დიუ­ლი პირების უფლებები. იურიდიული პირის ად­გილ­სამყოფელი; იურიდიული პირის ფილიალი; სამე­წარ­მეო (კომერციული) იურიდიული პირები; კავში­რისა და ფონდის რეგისტრაცია; ხანდაზმულობის საერთო ვადა; ხანდაზმულობის ვადის ათვლის წესი; მფლო­ბელობის ცნება, სახეები; საკუთრების ცნება. საკუთრების უფლებების შინაარსი; საჯარო რეესტრის დანიშნულება; უძრავი ნივთის გასხვისების წესი; ქირავ­ნობის ცნება; იჯარის ცნება; დაზღვევის ცნება; საბან­კო მომსახურებისას საიდუმლოების დაცვის ვალდე­ბულება.

15. საქართველოს სისხლის სამართლის კოდექსი

იურიდიული პირის სისხლისსამართლებრივი პასუ­ხის­მგებ­ლობის საფუძვლები; იურიდიული პირის სასჯე­ლის სახეები, ლიკვიდაცია, საქმიანობის უფლების ჩამორთმევა, ჯარიმა, ქონების ჩამორთმევა; კანონიერი საამეწარმეო საქმიანობისთვის ხელის შეშლა; მიწასთან დაკავშირებული გარიგებების უკანონო რეგისტრაცია; უკანონო სამეწარმეო საქმიანობა; ცრუ მეწარმეობა; უკანო­ნო შემოსავლის ლეგალიზაცია (ფულის გათეთრე­ბა); უკანონო ქმედება გაკოტრებისას; საბუღალტრო წიგნის წარმოების წესის დარღვევა გაკოტრებისას; კრედიტის უკანონოდ მიღება; საბაჟო წესის დარღვევა; საზღვარგარეთიდან უცხოურ ვალუტაში თანხის დაუბ­რუნებ­ლობა; გადასახადისთვის თავის არიდება; სამუ­შაოს წარმოებისას გარემოს დაცვის წესის დარღვევა; ვეტერინარიის სფეროში საქართველოს კანონმდებ­ლობის დარღვევა; წყლით სარგებლობის წესის დარ­ღვევა; წიაღისეულის გამოყენების ან დაცვის წესის დარ­ღვევა; საქმიანობის განხორციელება გარემოზე ზემოქ­მედების ნებართვის გარეშე; სახელმწიფო საიდუმ­ლოების გახმაურება; სახელმწიფო საიდუმლოე­ბის დაცვის წესის დარღვევა; სამეწარმეო საქმიანობაში უკა­ნონო მონაწილეობა; ცრუ ჩვენება, ყალბი დასკვნა ან არასწორი თარგმანი.

16. საქართველოს სისხლის სამართლის საპროცესო კოდექსი

გამომძიებლის სტატუსი (დადგენილების სავალდებუ­ლობა); გამომძიებლის უფლებამოსილებანი; ექსპერტი; სპეციალისტი; სპეციალისტის უფლება-მოვალეობანი; საქმეში ექსპერტის, სპეციალისტის, თარჯიმნისა და დამსწრის მონაწილეობის გამომრიცხავი გარემოებები; მტკიცებულების ცნება; სისხლის სამართლის პროცე­სის მონაწილეთა პასუხისმგებლობა გამოუცხადებ­ლობასა და თავიანთ მოვალეობათა შესრულებაზე უარის თქმისათვის; ექსპერტიზის დანიშვნის საფუძველი; სასამართლო ექსპერტიზის საპროცესო ფორმა; ექსპერ­ტად დანიშნული პირი; ექსპერტიზის ობიექტი; ექსპერ­ტიზის კომპეტენციის ფარგლები.

17. საქართველოს კანონი „საქართველოს საბიუჯეტო სისტემის შესახებ“

18. საქართველოს კანონი „გადახდისუუნარობის საქმის წარმოების შესახებ“

19. საქართველოს კანონი „საინვესტიციო საქმიანობის ხელშეწყობის და გარანტიების შესახებ“

20. საქართველოს კანონი „სახელმწიფო ვალის შესახებ“

21. საქართველოს კანონი „მოსაკრებლების სისტემის საფუძვლების შესახებ“

22. საქართველოს საბაჟო კოდექსი

საქართველოს საბაჟო პოლიტიკა, მისი მიზნები.

საქართველოს საბაჟო კოდექსი. საქართველოს საბაჟო ტერიტორია. თავისუფალი საბაჟო ზონებისა და თავისუფალი საწყობების ტერიტორიები.

თავისუფალი საბაჟო ზონებისა და თავისუფალი საწყობების ტერიტორიებზე მოქმედი საბაჟო რეჟიმები.

საქართველოს საბაჟო კანონმდებლობა. საქართვე­ლოს საერთაშორისო ხელშეკრულებები ან შეთან­ხმებები საბაჟო ურთიერთობათა სფეროში.

ურთიერთობათა დარეგულირება სხვა კანონით ან კანონქვემდებარე ნორმატიული აქტით, რომლებიც საბაჟო კანონმდებლობის პრეროგატივას წარმოადგენს.

საქონლისა და სატრანსპორტო საშუალებების საქარ­თვე­ლოში შემოტანისა და საქართველოდან გატანის უფლება.

საბაჟო გადასახდელები. პასუხისმგებლობა საბაჟო გადასახდელების გადახდისათვის. საბაჟო გაფორმების ადგილი და დრო. საბაჟო ღირებულების განსაზღვრის მეთოდები.

დეკლარირების წესი საქონლითა და სატრანსპორტო საშუალებებით საქართველოს საბაჟო საზღვრის გადაკვეთისას, აგრეთვე საბაჟო რეჟიმის შეცვლისას. საბაჟო სატვირთო დეკლარაციის წარდგენის ვადები. დეკლარანტი.

საქონლისა და სატრანსპორტო საშუალებების საბაჟო გაფორმებისათვის გამოყენებული დეკლარაციის სახეები. საბანკო გარანტია და გირაო.

საბაჟო ორგანოების თანამდებობის პირების მიერ განხორციელებული საბაჟო კონტროლი. საბაჟო ორგანოს მიერ საბაჟო კონტროლისათვის საჭირო დოკუ­მენ­ტებისა და ცნობების შენახვის ვადები. საქონლითა და სატრანსპორტო საშუალებებით საქარ­თვე­ლოს საბაჟო საზღვრის გადაკვეთისას განხორციე­ლებული საბაჟო კონტროლის ფორმები. საბაჟო ორგა­ნოების უფლება, თავიანთი კომპეტენციის ფარგლებში, საბაჟო კანონმდებლობის შესაბამისად, დანიშნონ ან ჩაატარონ იმ პირთა საფინანსო-სამეურნეო საქმიანობის შემოწმება, რომლებიც ახორციელებენ საბაჟო ორგანოების კონტროლს დაქვემდებარებულ საქმიანობას.

სავალუტო კონტროლის აგენტი საქართველოში. კონტრაბანდა, აგრეთვე საბაჟო კანონმდებობის სხვა დარღვევები, მათი შედეგები. კონტრაბანდისა და საბაჟო კანონმდებლობის დარღვევათა მოკვლევის ორგანო. საბაჟო ორგანოების მიერ საქონლის კლასიფიცირება. საბაჟო ორგანოებისა და მათი სახელმწიფო მოხელეე­ბის პასუხისმგებლობა.

23. საქართველოს საგადასახადო კოდექსი

საქართველოს საგადასახადო სისტემა; საგადასახადო კოდექსში გამოყენებული ტერმინები და ცნებები; საწარმოები, ორგანიზაციები და ფიზიკური პირები; გადასახადის გადამხდელები და საგადასახადო აგენტები; გადასახადის გადამხდელთა ინფორმირება; საქართვე­ლოს საგადასახადო ორგანოები და მათი ძირითადი ფუნქციები; საგადასახადო ორგანოების უფლებები და ვალდებულებები; საგადასახადო ვალდებულება და მისი შესრულების წესი; საგადასახადო ვალდებულების შესრულების ვადის შეცვლა; „საგადასახადო მოთხოვ­ნა“, „გადასახადის გადამხდელის მოთხოვნა“ და მათი შესრულება; საგადასახადო ვალდებულების შესრულე­ბის უზრუნველყოფის ღონისძიებები; გადასახადით დაბეგ­ვრის ობიექტების აღრიცხვა და საგადასახადო ანგარიშგება; საგადასახადო კონტროლის ძირითადი დებულებები; მიმდინარე კონტროლის პროცედურები; გადასახადის გადამხდელის საქმიანობაზე დაკვირვების საგადასახადო კონტროლის პროცედურები; საგადასა­ხადო შემოწმება; საგადასახადო სამართალდარღვევი­სათვის პასუხისმგებლობის ზოგადი დებულებანი; საგადასახადო სამართალდარღვევათა სახეები და პასუ­ხის­მგებ­ლობა; საგადასახადო დავის განხილვის საერთო წესი; საგადასახადო დავის განხილვა საქართველოს ფი­ნანსთა სამინისტროს სისტემაში; საგადასახადო დავის განხილვა არბიტრაჟის მიერ; საშემოსავლო გადასახადი; მოგე­ბის გადასახადი; დამატებული ღირებულების გადა­სა­ხადი. აქციზი; სოციალური გადასახადი; ქონების გადა­სახადი; სათამაშო ბიზნესის გადასახადი.

24. საქართველოს კანონი „სახელმწიფო ქონების პრივატიზების შესახებ“

25. საქართველოს კანონი „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“

26. საქართველოს კანონი „საქართველოს საერ­თაშორისო ხელშეკრულებების შესახებ“

27. საქართველოს ორგანული კანონი „ადგილობ­რივი თვითმმართველობის შესახებ“

28. საქართველოს კანონი „ადგილობრივი თვით­მმართველი ერთეულის ბიუჯეტის შესახებ“

29. საქართველოს კანონი „ადგილობრივი თვით­მმართველი ერთეულის ქონების შესახებ“

30. საქართველოს კანონი „ადგილობრივი თვით­მმართველობის ორგანოების საქმიანობის სახელ­მწიფო ზედამხედველობის შესახებ“

31. საქართველოს კანონი „საგადასახადო, არასაგადასახადო და კაპიტალური შემოსავლების ბიუჯეტებს შორის განაწილების შესახებ“

32. საქართველოს კანონი „აუდიტორული საქმიანობის შესახებ“

33. ბუღალტრული აღრიცხვა საბიუჯეტო დაწესებულებებში

ა) საქართველოს კანონი „ბუღალტრული აღრიც­ხვისა და ანგარიშგების რეგულირების შესახებ“;

ბ) ფინანსთა მინისტრის 27.12.2005 №1278 ბრძანება „საბიუჯეტო ორგანიზაციებისა და საჯარო სამართლის იურიდიულ პირების ბუღალტრული აღ­რიც­ხვის შესახებ ინსტრუქციის დამტკიცების შესახებ“

გ) საქართველოს პრეზიდენტის 06.02.1998 №70 ბრძანებულება „საქართველოში ბუღალტრული აღ­რიცხვისა და ანგარიშგების შესახებ დებულების დამტკიცების თ აობაზე“.

დ) საქართველოს ეროვნული ბანკის პრეზიდენტის 31.12.1999, №328 ბრძანება „სალაროს მეურნეობის შესახებ დებულების დამტკიცების თაობაზე“;

ე) საქართველოს პრეზიდენტის 20.04.2005 №231 ბრძანებულება „მოსამსახურეთათვის სამსახურებრივი მივლინების ხარჯების ანაზღაურების შესახებ“.

34. ბუღალტრული აღრიცხვის საფუძვლები (საერთაშორისო სტანდარტები)

ა) ბუღალტრული აღრიცხვის არსი, პრინციპები

სამეურნეო აღრიცხვა, მისი არსი, მნიშვნელობა, სახეები.

ბუღალტრული აღრიცხვის რეგულირების საკანონ­მდებ­ლო ბაზა.

ბუღალტრული აღრიცხვის საერთაშორისო სტან­დარტები და მარეგულირებელი ორგანოები.

ბუღალტრული აღრიცხვის პრინციპები. ბუღალ­ტრული აღრიცხვის ძირითადი დაშვებები – დარიცხვის მეთოდი, ფუნქციონირებადი საწარმო.

ბ) ფინანსური ანგარიშგება

ფინანსური ანგარიშგება, მისი არსი და მიზანი. ფინანსური ანგარიშგების ინფორმაციის მომხმარებლები.

ფინანსური ანგარიშგების ხარისხობრივი მახასიათებ­ლები, ფინანსური ინფორმაციის საიმედოობაზე მოქმედი ფაქტორები. ფინანსური ანგარიშგების კომპონენტები და ელემენტები, მათი აღიარება. ფინანსური ანგარიშ­გების ელემენტების შეფასების მეთოდები. სააღრიცხვო ინფორმაციის განზოგადება. დარიცხვის მეთოდი, მისი მნიშვნელობა ფინანსური ანგარიშგების მომზადე­ბისათვის. კორექტირებები, მათი აუცილებლობა. ძირი­თადი მაკორექტირებელი გატარებები.

გ) ბალანსირების პრინციპები

ბალანსირების პრინციპები. საბალანსო ტოლობა.

ბუღალტრული ბალანსი, მისი არსი და ელემენტები. ბალან­სის მუხლები, მათი დაჯგუფება. ლიკვიდუ­რო­ბა – ბალანსის მუხლების დაჯგუფების პრინციპი.

გრძელვადიანი და მოკლევადიანი (მიმდინარე) აქტი­ვები აქტივად აღიარების კრიტერიუმი. გრძელვა­დიანი და მოკლევადიანი (მიმდინარე) ვალდებულებები.

საკუთარი კაპიტალი, ბალანსში მისი ასახვის თავი­სებურებები.

ბალანსის მომზადების ფორმატი – ჰორიზონტა­ლური (ორმხრივი) და ვერტიკალური (ცალმხრივი).

დ) ბუღალტრული აღრიცხვის ანგარიშები

ბუღალტრული ანგარიშები, მათი დანიშნულება და გამოყენების პრინციპები.

ანგარიშის დებეტი, კრედიტი, სალდო (ნაშთი). ორმაგი აღრიცხვის სისტემა. ანგარიშების კლასიფი­კაცია.

ბუღალტრული აღრიცხვის ანგარიშთა გეგმა, მისი შედგენის საფუძველი და რეგლამენტირება.

ბუღალტრული რეგისტრები: მთავარი ჟურნალი, მთა­ვარი წიგნი (რეგისტრი) დამხმარე რეგისტრები. მათი წარმოების წესი.

საჟურნალო ჩანაწერი – ბუღალტრული გატარება (მუხლი).

სააღრიცხვო ციკლის ძირითადი ფაზები. საცდელი ბალანსის მომზადდება, ფინანსური ანგარიშგების (ბალანსის) მომზადება.

ე) ფულადი საშუალებების აღრიცხვა

ფულადი საშუალებები და მათი ეკვივალენტები, შეფასება და აღიარება.

სალაროს ოპერაციების წარმოების წესი, მისი რეგლამენტირება. სალაროს ოპერციების დოკუმენტაცია და აღრიცხვა.

უნაღდო ანგარიშსწორების ფორმები. ანგარიშსწო­რების ანგარიშის ოპერაციების დოკუმენტაცია და აღრიცხვა.

უცხოური ვალუტით წარმოებული ოპერაციების აღრიცხვა. უცხოური ვალუტის კურსის ცვლილებებით გამოწვეული შედეგების აღრიცხვა.

ვ) ფულის ღირებულება დროში

ფულის ღირებულებაზე მოქმედი ფაქტორები – დრო (მიმდინარე, მომავალი) და საპროცენტო განაკვეთი. ზრდის კოეფიციენტი.

ფულის მომავალი ღირებულება, მისი გაანგარიშების წესი.

დისკონტირების განაკვეთი. ფულის მიმდინარე (დისკონტირებული) ღირებულება, მისი გაანგარიშების წესი.

საპროცენტო თანხის გადახდა/მიღების წესი. ანუი­ტეტი, მისი პირობები. ანუიტეტის გადახდები, მისი მომა­ვალი და მიმდინარე ღირებულება.

აქტივების და ვალდებულებების შეფასება, დისკონ­ტირებული და არადისკონტირებული თანხები, მათი დამოკიდებულება საპროცენტო განაკვეთისა და დროის პერიოდის სიდიდეზე.

ზ) ძირითადი საშუალებების აღრიცხვა

ძირითადი საშუალებები, მათი კლასიფიკაცია და შეფასება. ძირითადი საშუალებების პირვანდელი ღირებულება (თვითღირებულება), მისი კომპონენტები. ძირითადი საშუალებების საბალანსო ღირებულება.

ძირითადი საშუალებების შეძენის (მიღების) აღ­რიცხვა, მისი მეთოდები.

ძირითადი საშუალებების ექსპლუატაციასთან დაკავშირებული ხარჯები, მათი აღრიცხვა. კაპიტალი­ზირებული და არაკაპიტალიზირებული ხარჯები.

ძირითადი საშუალებების ცვეთისა და ამორტიზაციის აღრიცხვა. ამორტიზაციის გაანგარიშების მეთოდები.

ძირითადი საშუალებების გადაფასების აღრიცხვა. გადაფასების რეზერვი, მისი შექმნისა და გამოყენების წესი. გადაფასებული აქტივების ცვეთის აღრიცხვა, მისი მეთოდები.

ძირითადი საშუალებების გასვლის, რეალიზაციის აღრიცხვა.

თ) იჯარის აღრიცხვა

იჯარის ცნება, მისი არსი. საიჯარო ურთიერთო­ბების კლასიფიკაცია, მისი საფუძველი.

ფინანსური იჯარა, მისი არსი. ფინანსური იჯარის დამახასიათებელი პირობები.

ფინანსური იჯარის აღიარება და შეფასება მოიჯარის ბალანსში.

იჯარის ღირებულება, როგორც ინვესტიცია, მისი შემადგენლობა მოიჯარესა და მეიჯარისათვის.

ფინანსური იჯარის აღრიცხვა მოიჯარესთან და მეიჯარესთან.

ჩვეულებრივი (ოპერაციული) იჯარა, მისი არსი. ჩვეულებრივი იჯარის აღრიცხვა მოიჯარესთან და მეიჯარესთან.

ი) არამატერიალური აქტივების აღრიცხვა

არამატერიალური აქტივების არსი და სახეები.

არამატერიალური აქტივების შეძენის აღრიცხვა.

არამატერიალური აქტივების ამორტიზაციის აღრიც­ხვა, მისი თავისებურებები.

არამატერიალური აქტივების გაუფასურება, აქტივის არაამორტიზირებული ნაწილის აღიარება და აღრიცხვა.

გუდვილი, მისი სიდიდე, წარმოშობისა და ფინანსურ ანგარიშგებაში ასახვის მომენტი.

ჩვეული (დამახასიათებელი) და შეძენილი, დადებითი და უარყოფითი გუდვილი. გუდვილის გაანგარიშების მეთოდები. გუდვილის აღრიცხვა.

კ) ინვესტიციების აღრიცხვა

ინვესტიციები, მისი სახეები და შეფასება.

მოკლევადიანი და გრძელვადიანი ინვესტიციების აღრიცხვა ინვესტორთან და გამყიდველთან.

პროცენტის გაანგარიშებისა და დარიცხვის მეთოდები. ნომინალური და საბაზრო საპროცენტო განაკვეთი. სხვაობა საბაზრო და ნომინალურ საპროცენტო განაკვე­თებს შორის: პრემიუმი (ფასნამატი), დისკონტი (ფას­დაკლება), მათი ამორტიზაცის მეთოდი.

ინვესტიციების გადაფასება, მისი მეთოდები და აღრიცხვა.

ლ) სასაქონლო-მატერიალური ფასეულობების (მარაგების) აღრიცხვა

სასაქონლო-მატერიალური ფასეულობები, მათი კლასიფიკაცია და ასახვა ფინანსურ ანგარიშგებაში.

სასაქონლო-მატერიალური ფასეულობების შეფასება. სასაქონლო-მატერიალური ფასეულობების თვითღირე­ბულების განსაზღვრის საბაზისო და ნებადართული ალტერნატული მეთოდები.

სასაქონლო-მატერიალური ფასეულობების აღრიც­ხვის მეთოდები. სასაქონლო-მატერიალური ფასეულო­ბების მოძრაობის აღრიცხვა მუდმივი და პერიოდული მეთოდით.

სასაქონლო-მატერიალური ფასეულობების გადაფა­სება, მისი თავისებურებები და შედეგების აღრიცხვა.

მ) მოთხოვნების აღრიცხვა

მოთხოვნების წარმოშობის საფუძველი.

მიწოდებიდან და მომსახურებიდან წარმოქმნილი მოთხოვნების აღრიცხვა.

თამასუქი, მისი გამოყენება მოთხოვნების აღრიც­ხვისას. თამასუქის ძირითადი თანხისა და მისაღები პროცენტების აღრიცხვა. პროცენტის გაანგარიშების მეთოდები.

სხვა მოთხოვნების აღრიცხვა: გაცემული ავანსების, საქვეანგარიშო თანხების, მისაღები დივიდენდების, მისაღები პროცენტების და სხვა მოთხოვნების აღ­რიცხვა.

საეჭვო და უიმედო ვალები, მათი თავისებურებები. უიმედო მოთხოვნების აღრიცხვა.

საეჭვო მოთხოვნების რეზერვი, მისი სახეები და განსაზღვრის ძირითადი მეთოდები. საეჭვო მოთხოვნების რეზერვის შექმნისა და გამოყენების აღრიცხვა.

საეჭვო და უიმედო მოთხოვნების ასახვა ფინანსურ ანგარიშგებაში.

ნ) ვალდებულებების აღრიცხვა

ვალდებულებების წარმოშობა და კლასიფიკაცია.

გრძელვადიანი ვალდებულებების აღრიცხვა.

მოკლევადიანი (მიმდინარე) ვალდებულებების აღრიც­ხვა. მოწოდებით და მომსახურებით წარმოქმნილი ვალ­დე­ბუ­ლებების აღრიცხვა; ხელფასით ანგარიშსწო­რების აღრიცხვა; მიღებული ავანსების აღრიცხვა; გადასახდელი გადასახადების აღრიცხვა.

მოგების გადასახადის აღრიცხვა. განსხვავებები სააღრიცხვო და საგადასახადო მოგებას შორის, მისი მიზეზები, სახეები და აღრიცხვის წესი.

გადასახდელი დივიდენდებისა და გადასახდელი პროცენტების აღრიცხვა.

ო) საკუთარი კაპიტალის აღრიცხვა

კაპიტალი – საწარმოს ფინანსირების წყარო. საკუთარი კაპიტალის სტრუქტურა. საწესდებო კაპიტა­ლი, საემისიო კაპიტალი, სარეზერვო კაპიტალი, გაუნა­წილებელი (რეინვესტირებული) მოგება.

სააქციო საზოგადოებების საწესდებო კაპიტალი, მისი აღრიცხვა. აქციების სახეები.

აქციების გამოშვების აღრიცხვა. ხელმოწერით აქციების გავრცელების აღრიცხვა. ოფციონით აქციების გამოშვების აღრიცხვა. საკუთარი აქციების გამოსყიდვისა და მეორადი გაყიდვის აღრიცხვა. გამოსყიდული აქციების გაუქმების აღრიცხვა. აქციების დანაწევრების აღრიცხვა. აქციების კონვერტირება, მისი აღრიცხვა.

გაუნაწილებელი მოგების აღრიცხვა.

რეზერვები, მათი შექმნისა და გამოყენების აღრიცხვა.

ანგარიშგება საკუთარი კაპიტალის შესახებ.

პ) შემოსავლებისა და ხარჯების აღრიცხვა

შემოსავლები და ხარჯები, მათი კლასიფიკაცია, შეფასება და აღიარების მეთოდები. შემოსავლები საქონლის (სამუშაოს, მომსახურების) მიწოდებებიდან, მათი აღრიცხვა.

პროდუქციის თვითღირებულება, მისი შემადგენლო­ბა და აღრიცხვა. მიწოდების ხარჯების აღრიცხვა; საერთო და ადმინისტრაციული ხარჯების აღრიცხვა.

არასაოპერაციო შემოსავლების აღრიცხვა: შემოსავ­ლები დივიდენდებიდან, შემოსავლები პროცენტებიდან, სახელმწიფო გრანტებისა და დახმარებების აღრიცხვა.

არასაოპერაციო ხარჯების აღრიცხვა.

სესხით სარგებლობასთან დაკავშირებული ხარჯების აღიარება-აღრიცხვა.

35. აუდიტის საერთაშორისო სტანდარტები (ასს)

ა) აუდიტის ზოგადი მიმოხილვა, მისი მიზანი და ამოცანები

ცნება აუდიტის შესახებ, აუდიტის მიზანი და ამოცანები. აუდიტორული საქმიანობის სახელმწიფო რეგულირება საქართველოში. აუდიტორული საქმიანო­ბის საკანონმდებლო უზრუნველყოფა.

აუდიტის სახეები. აუდიტის ჩატარების ზოგადი სქემა (ეტაპები). აუდიტის ადგილი კონტროლის ერთიან სისტემაში, აუდიტი და რევიზია.

აუდიტის საერთაშორისო სტანდარტები (ასს), მათი ზოგადი დახასიათება.

ცნებები: ბუღალტრული შეფასება, ანალიზური პროცედურები, მტკიცებები, აუდიტორული მტკიცებუ­ლება, გარანტია, დასაბუთებული გარანტია, აუდიტის პროგრამა, აუდიტორული რისკი, კონტროლის რისკი, შეუმჩნევლობის რისკი, თანდაყოლილი რისკი, შერჩევის რისკი, აუდიტორული შერჩევა, სტრატიფიკაცია, მოქმე­დი აუდიტორი, გარე აუდიტორი, ახალმოსული აუდიტორი, სხვა აუდიტორი, წინამორბედი აუდიტორი, მთავარი აუდიტორი, აუდიტორის ასოცირებულობა, შესადარისი ინფორმაცია, შესადარისი ფინანსური ანგარიშგება, ფინანსური ანგარიშგების – 23 – მტკი­ცებები, შესაბამისი ციფრობრივი მონაცემები, დასტური, დოკუმენტაცია, შეცდომა, სავარაუდო შეცდომა, ასატანი შეცდომა, არსებითი შეუსაბამობა, არსებითობა, უზუს­ტო­ბა, თაღლითობა, მასშტაბის შეზღუდვა (ასს 110).

აუდიტისა და მასთან დაკავშირებული მომსახურების სტრუქტურული საფუძვლები (ასს 120).

ბ) პასუხისმგებლობა აუდიტზე

ფინანსური ანგარიშგების აუდიტის მიზანი. აუდიტის ზოგადი პრინციპები. აუდიტის მასშტაბი. დასაბუთე­ბული გარანტია. აუდიტის თანმდევი შეზღუდვები. პასუხისმგებლობა ფინანსურ ანგარიშგებაზე (ასს 200).

აუდიტის ჩატარების პირობები (ასს 210).

აუდიტორული საქმიანობის ხარისხის კონტროლი, მისი პოლიტიკა და პროცედურები. აუდიტის ხარისხის კონტროლი, მისი ბერკეტები (ასს 220).

სამუშაო დოკუმენტების ფორმა და შინაარსი; სამუშაო დოკუმენტების კონფიდენციალურობა, მათი უსაფრთხოების უზრუნველყოფა, შენახვის ვადები და კუთვნილება (ასს 230).

თაღლითობა და შეცდომა, მათი რისკების შეფასება. აღმოჩენა, აუდიტის თანმდევი შეზღუდვები თაღლითო­ბისა და შეცდომის აღმოჩენაში. აუდიტორული გარი­გებიდან გამოსვლა (ასს 240).

კანონმდებლობის გათვალისწინება ფინანსური ანგარიშგების აუდიტის დროს. შეუსაბამობა, მისი არსი. პასუხისმგებლობა კანონმდებლობის დაცვაზე. კანონმდებლობის დარღვევის აღმოჩენის პროცედურები. გარიგებიდან გამოსვლა. (ასს 250).

გ) აუდიტის დაგეგმვა

აუდიტის საერთო გეგმა; აუდიტის პროგრამა (ასს 300).

საქმიანობის ცოდნა, ცოდნის შეძენა და გამოყენება; დამკვეთის საქმიანობის ცოდნისათვის განსახილველი საკითხები (ასს 310).

აუდიტორული არსებითობა; ურთიერთკავშირი არ­სებითობასა და აუდიტორულ რისკს შორის; უზუს­ტო­ბების გავლენის შეფასება (ასს 320).

დ) რისკის შეფასება და შიდა კონტროლის სისტემა

აუდიტორული რისკი და მისი კომპონენტები. თან­დაყოლილი რისკის შეფასება ფინანსური ანგარიშ­გე­ბის დონეზე, ანგარიშთა ნაშთებისა და ოპერაციათა კატეგორიების დონეზე; ბუღალტრული აღრიცხვისა და შიდა კონტროლის სისტემები; შიდა კონტროლის თანდაყოლილი შეზღუდვები; ბუღალტრული აღრიც­ხვისა და შიდა კონტროლის სისტემის შესწავლა; კონ­ტრო­ლის რისკის წინასწარი შეფასება; კონტროლის რისკის შესწავლისა და შეფასების დოკუმენტირება; კონ­ტროლის ტესტები; აუდიტორული მტკიცებულების ხარისხი და დროულობა; კონტროლის რისკის საბო­ლოო შეფასება; ინფორმირება ნაკლოვანებების შესახებ (ასს 400).

ე) აუდიტორული მტკიცებულება. მათი მოპო­ვების ხერხები

აუდიტორული მტკიცებულება, კონტროლის ტესტე­ბი, ძირითადი პროცედურები. აუდიტორული მტკიცე­ბულებების რაოდენობრივი და ხარისხობრივი მახასია­თებლები.

ფინანსური ანგარიშგების მტკიცებების კატეგორიები. პროცედურები აუდიტორული მტკიცებულებების მოსაპოვებლად (ასს 500).

აუდიტორული შერჩევა (ასს 530).

ბუღალტრული შეფასება, მისი ხასიათი; აუდიტო­­რული პროცედურები; დამოუკიდებელი შეფასების გამოყენება (ასს 540).

ვ) აუდიტორული დასკვნები და ანგარიშგება

აუდიტორის დასკვნა ფინანსურ ანგარიშგებაზე. აუდიტორული დასკვნის ძირითადი ელემენტები.

აუდიტორული დასკვნის სახეები.

აუდიტის მასშტაბის შეზღუდვის გავლენა აუდი­ტორულ დასკვნაზე. უთანხმოება ხელმძღვანე­ლობასთან და მისი გავლენა აუდიტორულ დასკვნაზე. (ასს 700).

შესადარისი ინფორმაცია: შესაბამისი ციფრობრივი მონაცემები; შესადარისი ფინანსური ანგარიშგება; აუდიტორის პასუხისმგებლობა და ანგარიშგება (ასს 710).

ზ) ფინანსური ანგარიშგების აუდიტის მეთოდიკის საკითხები

ბალანსის შედგენის სისწორის ზოგადი შეფასება; აქტივების ვალდებულებებისა და საკუთარი კაპიტალის ფინანსურ ანგარიშგებაში ასახვის სისწორის განსაზღვრა, მოგება-ზარალის შესახებ ანგარიშგებაში ინფორმაციის ასახვის სისწორის შემოწმება; ანგარიშგება ფულადი საშუალებების მოძრაობის შესახებ, მისი შემოწმება.