აქციონერთა საერთო კრების შესახებ

სს „საქართველოს ბანკის“ აქციონერთა საყურადღებოდ

 

სს „საქართველოს ბანკის“ (შემდგომში „ბანკი“) აქციონერთა მორიგი საერთო კრების ჩატარება განსაზღვრულია 2011 წლის 15 ივნისს, 15:00 საათზე. ბანკის აქციონერთა მორიგი საერთო კრების დღის წესრიგი მოიცავს შემდეგ საკითხებს:

1. ბანკის 2010 წლის აუდიტირებული შედეგების დამტკიცების შესახებ;

2. დირექტორატის ანგარიში ბანკის 2010 წლის საქმიანობისა და ბანკის მომავალი გეგმებისა და სტრატეგიის შესახებ;

3. მოგების განაწილების (დივიდენდების გადახდის) შესახებ;

4. დივიდენდების სააღრიცხვო თარიღის დადგენის შესახებ;

5. დივიდენდების გაცემის დაწყების თარიღის დადგენის შესახებ.

2011 წლის 15 ივნისის აქციონერთა მორიგი საერთო კრების დღის წესრიგთან დაკავშირებით, ბანკის სამეთვალყურეო საბჭო და დირექტორატი აქციონერებს წარუდგენენ შემდეგი სახის რეკომენდაციებს:

დღის წესრიგის პირველ საკითხთან დაკავშირებით:

1. დამტკიცდეს „ერნსტ ენდ იანგის“ მიერ აუდიტირებული ბანკის 2010 წლის ფინანსური შედეგები.

დღის წესრიგის მეორე საკითხთან დაკავშირებით:

1. დამტკიცდეს დირექტორატის ანგარიში ბანკის 2010 წლის საქმიანობის შესახებ;

2. ცნობად იქნ ე ს მიღებული დირექტორატის ანგარიში ბანკის მომავალი გეგმებისა და სტრატეგიის შესახებ.

დღის წესრიგის მესამე საკითხთან დაკავშირებით:

1. დამტკიცდეს ბანკის დირექტორატისა და სამეთვალყურეო საბჭოს ერთობლივი წინადადება 2010 წლის შედეგების მიხედვით მოგების განაწილების შესახებ და ბანკის 2010 წლის მოგების ნაწილ მიმართულ იქნეს დივიდენდების გასაცემად – ერთ აქციაზე 0.30 ლარის ოდენობით.

დღის წესრიგის მეოთხე საკითხთან დაკავშირებით:

1. დივიდენდების სააღრიცხვო თარიღად განისაზღვროს 2011 წლის 1 ივლისი 18.00 სთ-ის მდგომარეობით (თანახმად ბანკის წესდების 5.2.1 პუნქტისა).

დღის წესრიგის მეხუთე საკითხთან დაკავშირებით:

1. დივიდენდების გაცემის დაწყების თარიღად განისაზღვროს 2011 წლის 18 ივლისი (თანახმად ბანკის წესდების 5.2.2 პუნქტისა).

 

შენიშვნა:   ბანკის გლობალური დეპოზიტარული ხელწერილების მფლობელებზე დივიდენდების გაცემა მოხდება დეპოზიტის ხელშეკრულების პირობების შესაბამისად.

ბანკის აქციონერთა წლიური საერთო კრება გაიმართება სასტუმრო „შერატონ მეტეხი პალასის“ საკონფერენციო დარბაზ „ოდიშში“ შემდეგ მისამართზე: საქართველო, თბილისი, 0103, თელავის ქ. №20.

აქციონერთა რეგისტრაცია დაიწყება 2011 წლის 15 ივნისს, 14:00 საათზე.

აქციონერთა სააღრიცხვო თარიღად დადგენილია 2011 წლის 10 მაისი.

აქციონერთა საერთო წლიურ კრებაში მონაწილეობის უფლება შეიძლება გადამოწმებულ იქნეს 2011 წლის 3 ივნისიდან სს „საქართველოს ბანკის“ აქციების რეგისტრატორთან – სს „კავკასრეესტრი“ შემდეგ მისამართზე: ჭავჭავაძის გამზირი №74ა, თბილისი, საქართველო.