საქართველოს ურბანიზაციისა და მშენებლობის მინისტრის ბრძანება №58 „განსაკუთრებული მნიშვნელობისა და სტრატეგიული დანიშნულების ობიექტების ჩამონათვალის დამტკიცების შესახებ

სახელმწიფო სარეგისტრაციო კოდი 330.130.000.111.116.006.149

საქართველოს ურბანიზაციისა და მშენებლობის მინისტრის

 ბრძანება №58

2003 წლის 17 ოქტომბერი

ქ. თბილისი

განსაკუთრებული მნიშვნელობისა და სტრატეგიული დანიშნულების ობიექტების ჩამონათვალის დამტკიცების შესახებ

„არქიტექტურულ-სამშენებლო საქმიანობაზე სახელმწიფო ზედამხედველობის შესახებ” საქართველოს კანონის მე-2 მუხლის „თ” პუნქტის შესაბამისად და საქართველოს კანონის „სამეწარმეო საქმიანობის ლიცენზიისა და ნებართვის გაცემის საფუძვლის შესახებ” საქართველოს კანონის შესაბამისად, ვბრძანებ:

1. დამტკიცდეს თანდართული „განსაკუთრებული მნიშვნელობისა და სტრატეგიული დანიშნულების ობიექტების ჩამონათვალი”;

2. ამ ბრძანების ამოქმედებიდან ძალადაკარგულად ჩაითვალოს საქართველოს ურბანიზაციისა და მშენებლობის მინისტრის 2002 წლის 9 იანვრის №1 ბრძანება.

3. ბრძანება ძალაში შევიდეს გამოქვეყნებისთანავე.

თ. ჩარკვიანი

განსაკუთრებული მნიშვნელობისა და სტრატეგიული დანიშნულების ობიექტები

განსაკუთრებული მნიშვნელობისა და სტრატეგიული დანიშნულების ობიექტებია:

ა) მაგისტრალური ნავთობსადენი, გაზსადენი და წყალსადენი;

ბ) ნავთობისა და ბუნებრივი აირის საცავის ტერმინალი;

გ) მაგისტრალური საავტომობილო გზა;

დ) მაღალი ძაბვის ელექტროგადამცემი ხაზი (35 კვტ და მეტი) და ქვესადგური (110 კვტ და მეტი);

ე) ჰიდრო, თბო და ატომური ელექტროსადგური;

ვ) ხიდები, გვირაბები და გზაგამტარები;

ზ) მეტროპოლიტენის მშენებლობა;

თ) ტელეცენტრის შენობა-ნაგებობა, ტელე და კავშირგაბმულობის ყველა სახის ანძა;

ი) წყალსაცავი და სამელიორაციო სისტემა;

კ) რეგიონალური და საქალაქო გამწმენდი ნაგებობა;

ლ) საწარმო, რომელიც იყენებს რადიოაქტიურ ან/და ტოქსიკურ ნივთიერებას;

მ) აეროვაგზლის, აეროპორტის, რკინიგზის ვაგზლის, რკინიგზის სადგურის, ავტოსადგურის, საზღვაო ვაგზლისა და საზღვაო პორტის შენობა-ნაგებობა (ობიექტი);

ნ) ქვეყნის უშიშროების უზრუნველყოფისათვის საჭირო სამრეწველო, სამეცნიერო-საკონსტრუქტორო, სამხედრო, საბაჟო და სასაზღვრო დანიშნულების შენობა-ნაგებობა (ობიექტი);

ო) სასჯელაღსრულებითი დაწესებულების შენობა-ნაგებობა (ობიექტი);

პ) სპორტული შენობა-ნაგებობა (ობიექტი) 10 ათას და მეტ მაყურებელზე;

ჟ) საზღვარგარეთის ქვეყნების წარმომადგენლობათა შენობა-ნაგებობა და მისი კომპლექსი (საელჩო, საკონსულო, მისია, წარმომადგენლობა, კულტურის ცენტრი);

რ) ცენტრალური და ავტონომიური რესპუბლიკების საკანონმდებლო და აღმასრულებელი ხელისუფლების დაწესებულების შენობა-ნაგებობა;

ს) ყველა სახის თეატრის, საკონცერტო და სამაყურებლო დანიშნულების შენობა-ნაგებობა;

ტ) სახელმწიფო ბიბლიოთეკის, არქივისა და მუზეუმის შენობა-ნაგებობა;

უ) უმაღლესი სასწავლებელისა და უნივერსიტეტის შენობა-ნაგებობა ან/და მათი კომპლექსი 300 და მეტ სტუდენტზე;

ფ) სასტუმროს, სანატორიუმისა და სამედიცინო დაწესებულების შენობა-ნაგებობა ან/და მათი კომპლექსი 300 და მეტ ადგილზე;