განსაკუთრებული მნიშვნელობის და სტრატეგიული დანიშნულების ობიექტების ჩამონათვალის დამტკიცების შესახებ

სახელმწიფო სარეგისტრაციო კოდი 330.130.000.11.116.005.118

საქართველოს ურბანიზაციისა და მშენებლობის მინისტრის

ბრძანება №1

2002 წლის 9 იანვარი

ქ. თბილისი

განსაკუთრებული მნიშვნელობის და სტრატეგიული დანიშნულების ობიექტების ჩამონათვალის დამტკიცების შესახებ

,,არქიტექტურულ-სამშენებლო საქმიანობაზე სახელმწიფო ზედამხედველობის შესახებ” საქართველოს კანონის მე-2 მუხლის ,,თ” პუნქტის შესაბამისად, ვბრძანებ:

1. დამტკიცდეს თანდართული ,,განსაკუთებული მნიშვნელობის და სტრატეგიული დანიშნულების ობიექტების ჩამონათვალი”.

2.   ბრძანება ამოქმედდეს გამოქვეყნებისთანავე.

მ. ჩხენკელი

განსაკუთრებული მნიშვნელობის და სტრატეგიული დანიშნულების ობიექტების ჩამონათვალი

ა) მაგისტრალური ნავთობსადენები, გაზსადენები და წყალსადენები;

ბ) მაგისტრალური საავტომობილო გზები (I და II კატეგორია) და რკინიგზის სადგურები (50 და მეტი ადგილით);

გ) მაღალი ძაბვის ელექტროგადამცემი ხაზები (35 კვტ და მეტი) და ქვესადგურები (110 კვტ. და მეტი);

დ) ჰიდროელექტროსადგურები და თბოელექტროსადგურები (1000 კვტ. და მეტი);

ე) რკინიგზისა და მეტროპოლიტენის ახალი მშენებლობები;

ვ) ტელე და კავშირგაბმულობის ანძები;

ზ) წყალსაცავები და სამელიორაციო სისტემები;

თ) რეგიონალური და საქალაქო გამწმენდი ნაგებობები;

ი) საწარმოები, რომლებიც იყენებენ რადიოაქტიურ ან ტოქსიკურ ნივთიერებებს;

კ) ობიექტები, რომელთა ღირებულება აღემატება 5 მლნ აშშ დოლარის ეკვივალენტს ეროვნულ ვალუტაში.