საოლქო პროკურატურების სამოქმედო ტერიტორიების განსაზღვრის შესახებ

სახელმწიფო სარეგისტრაციო კოდი 110.060.000.39.036.006.958

საქართველოს გენერალური პროკურორის

ბრძანება №9

2004 წლის 29 დეკემბერი

ქ. თბილისი

საოლქო პროკურატურების სამოქმედო ტერიტორიების განსაზღვრის შესახებ

„პროკურატურის შესახებ” საქართველოს ორგანული კანონის მე-7 მუხლის მე-6 პუნქტის „გ” და „ო” ქვეპუნქტების შესაბამისად, საქართველოს პროკურატურის სისტემის ოპტიმიზაციისა და საქმიანობის ეფექტურობის ამაღლების მიზნით, ვბრძანებ:

1. განხორციელდეს საქართველოს პროკურატურის სისტემაში შემავალი საოლქო პროკურატურების ოპტიმიზაცია და მათი სამოქმედო ტერიტორია განისაზღვროს თანდართული ნუსხის შესაბამისად (დანართი №1).

2. ეს ბრძანება ამოქმედდეს გამოქვეყნებისთანავე.

ზ. ადეიშვილი

 

დანართი №1

საქართველოს პროკურატურის სისტემაში შემავალი საოლქო პროკურატურების ნუსხა

1. კახეთის საოლქო პროკურატურა – გურჯაანის, სიღნაღის და თელავის რაიონული პროკურატურები.

2. მცხეთა-მთიანეთის საოლქო პროკურატურა – მცხეთის და დუშეთის რაიონული პროკურატურები.

3. ქვემო ქართლის საოლქო პროკურატურა – ქ. რუსთავის საქალაქო პროკურატურა, ბოლნისის და მარნეულის რაიონული პროკურატურები.

4. შიდა ქართლის საოლქო პროკურატურა – გორის და ხაშურის რაიონული პროკურატურები.

5. სამცხე-ჯავახეთის საოლქო პროკურატურა – ახალციხის და ახალქალაქი-ნინოწმინდის რაიონული პროკურატურები.

6. დასავლეთ საქართველოს საოლქო პროკურატურა – ქ. ქუთაისის საქალაქო პროკურატურა, ზესტაფონის, სამტრედიის, ჭიათურის, ოზურგეთის, ამბროლაურის და ცაგერის რაიონული პროკურატურები.

7. სამეგრელო-ზემო სვანეთის საოლქო პროკურატურა – ქ. ფოთის საქალაქო პროკურატურა, ზუგდიდის, სენაკის და მესტიის რაიონული პროკურატურები.

8. აჭარის ავტონომიური რესპუბლიკის საოლქო პროკურატურა – ქ. ბათუმის საქალაქო პროკურატურა და შუახევის რაიონული პროკურატურა.