საქართველოს გარემოს დაცვისა და ბუნებრივი რესურსების მინისტრის ბრძანება №434 ,,გადამფრენ ფრინველებზე ნადირობის დროებით შეწყვეტის შესახებ
🕸️ გრაფი — კავშირების ვიზუალიზაცია
ცვლილებები (1)
დოკუმენტის ტექსტი
სახელმწიფო სარეგისტრაციო კოდი 360.160.000.22.023.007.833
საქართველოს გარემოს დაცვისა და ბუნებრივი რესურსების მინისტრის
ბრძანება №434
2005 წლის 1 ნოემბერი
ქ. თბილისი
გადამფრენ ფრინველებზე ნადირობის დროებით შეწყვეტის შესახებ
,,ცხოველთა სამყაროს შესახებ” საქართველოს 1996 წლის 26 დეკემბრის კანონის (პარლამენტის უწყებანი, №1-2 (33-34/7) 22 იანვარი 1997. გვ.40) 47-ე მუხლის მე-4 პუნქტის მოთხოვნათა საფუძველზე და 43-ე მუხლის პირველი პუნქტის ,,ვ” ქვეპუნქტით დადგენილი სამართლებრივი ნორმების შესრულების მიზნით, ასევე საქართველოს ზოგიერთ მოსაზღვრე სახელმწიფოებში ფრინველის გრიპის შემთხვევების დაფიქსირებისა და საქართველოს ტერიტორიაზე აღნიშნული დაავადების გავრცელების ალბათობის თავიდან აცილების მიზნით, მოსალოდნელი ეპიდემიის, მოსახლეობის ჯანმრთელობისა და სიცოცხლის უსაფრთხოების უზრუნველსაყოფად, ვბრძანებ:
1. 2005-2006 წლების სანადირო სეზონის ბოლომდე შეწყდეს ნადირობა გადამფრენ ფრინველებზე.
2. ეს ბრძანება ამოქმედდეს გამოქვეყნებისთანავე.
გ. პაპუაშვილი