საქართველოს თავდაცვის სამინისტროს სამოქალაქო ოფისის შინაგანაწესის დამტკიცების შესახებ
🕸️ გრაფი — კავშირების ვიზუალიზაცია
ცვლილებები (6)
შემდგომი ცვლილებები (5)
დოკუმენტის ტექსტი
საქართველოს თავდაცვის მინისტრის
ბრძანება №888
2011 წლის 17 ნოემბერი
ქ. თბილისი
საქართველოს თავდაცვის სამინისტროს სამოქალაქო ოფისის შინაგანაწესის დამტკიცების შესახებ
,,საჯარო სამსახურის შესახებ” საქართველოს კანონის 73-ე მუხლის მე-2 პუნქტის, „საქართველოს თავდაცვის სამინისტროს დებულების დამტკიცების შესახებ“ საქართველოს პრეზიდენტის 2004 წლის 5 აპრილის №119 ბრძანებულებით დამტკიცებული დებულების მე-3 მუხლის მე-3 პუნქტის „ქ“ ქვეპუნქტის ა და საქართველოს ზოგადი ადმინისტრაციული კოდექსის 61-ე მუხლის საფუძველზე, ვბრძანებ :
1. დამტკიცდეს ,,საქართველოს თავდაცვის სამინისტროს სამოქალაქო ოფისის შინაგანაწესი”.
2. ძალადაკარგულად გამოცხადდეს „საქართველოს თავდაცვის სამინისტროს სამოქალაქო ოფისის შინაგანაწესის დამტკიცების შესახებ“ საქართველოს თავდაცვის მინისტრის 2008 წლის 10 იანვრის №11 ბრძანება.
3. ბრძანება ამოქმედდეს გამოქვეყნებისთანავე.
ბ.ახალაია
საქართველოს თავდაცვის სამინისტროს სამოქალაქო ოფისის შინაგანაწესი
მუხლი 1. ზოგადი დებულებანი
1. საქართველოს თავდაცვის სამინისტროს (შემდგომში – სამინისტრო) სამოქალაქო ოფისის (შემდგომში – ოფისი) შინაგანაწესი (შემდგომში – შინაგანაწესი) შემუშავებულია ,,საჯარო სამსახურის შესახებ” საქართველოს კანონის 72-ე და 73-ე მუხლების მოთხოვნათა შესაბამისად.
2. შინაგანაწესი არეგულირებს ოფისის საქმიანობას და ვრცელდება მის სამოქალაქო მოსამსახურეებზე (შემდგომში – მოსამსახურე), მიუხედავად თანამდებობრივი მდგომარეობისა.
3. შინაგანაწესის მიზანია:
ა) ოფისის გამართული მუშაობისათვის ხელის შეწყობა;
ბ) შრომის დისციპლინის დაცვის უზრუნველყოფა;
გ) სამუშაო დროის რეგულირება და რაციონალური გამოყენება;
დ) მოსამსახურეთა ხელშეწყობა სამსახურებრივ მოვალეობათა შესრულების ეფექტურობისა და ოპერატიულობის ზრდის მიზნით;
ე) ხელმძღვანელობასა და დაქვემდებარებულ მოსამსახურეთა შორის შრომითი ურთიერთობის მოწესრიგება.
4. შინაგანაწესით განისაზღვრება:
ა) სამუშაო დროის დასაწყისი და დასასრული;
ბ) დღის განმავლობაში შესვენების დრო;
გ) დასვენების და სადღესასწაულო დღეებში, აგრეთვე ყოველდღიური სამუშაო დროის დამთავრების შემდეგ დაწესებულებაში ყოფნის პირობები და წესი;
დ) სამსახურებრივ საკითხებზე განკარგულებათა მოსამსახურეებამდე დაყვანის წესი;
ე) ხელფასისა და სამივლინებო თანხების გაცემის დრო და ადგილი;
ვ) შვებულების უფლების გამოყენებისა და სამსახურებრივი მივლინების წესი;
ზ) სამსახურში გამოუცხადებლობის შეტყობინების წესი;
თ) მოსამსახურის სხვა ვალდებულებანი;
ი) გათავისუფლებული მოსამსახურის ვალდებულებანი;
კ) შრომის დაცვისა და ხანძარსაწინააღმდეგო უსაფრთხოების ზოგადი ინსტრუქცია.
მუხლი 2. სამუშაო დროის დასაწყისი და დასასრული
1. სამუშაო დროში არ ითვლება შესვენების და დასვენების დრო, შაბათ-კვირა და უქმე დღეები.
2. ოფისში ხუთდღიანი სამუშაო კვირის პირობებში ყოველდღიური დროის ხანგრძლივობა განისაზღვრება 8 საათით.
3. სამუშაო დრო განისაზღვრება დილის 10:00 სთ-დან საღამოს 19:00 სთ-მდე.
მუხლი 3. დღის განმავლობაში შესვენების დრო
1. ოფისის მოსამსახურეთათვის სამუშაო დღის განმავლობაში განსაზღვრულია ერთსაათიანი შესვენების დრო 13.00 საათიდან 14.00 საათამდე. ოფისის სტრუქტურული ერთეულის საქმიანობის თავისებურების გათვალისწინებით, თუ შეუძლებელია შესვენების დროის გამოყენება ამ პუნქტით დადგენილ საათებში, ამ ერთეულის მოსამსახურე, ხელმძღვანელთან შეთანხმებით, უფლებამოსილია დღის განმავლობაში (სამუშაო საათების დაწყებიდან ერთი საათის შემდეგ სამუშაო საათების დასრულებამდე ერთი საათით ადრე პერიოდში) გამოიყენოს 1-საათიანი შესვენების უფლება.
2. საჯარო მოსამსახურეს, რომელიც მეძუძური ქალია და კვებავს ერთ წლამდე ასაკის ბავშვს, მისი მოთხოვნის საფუძველზე, ეძლევა დამატებითი შესვენება დღეში არანაკლებ ერთი საათისა. ბავშვის კვებისათვის შესვენება ითვლება სამუშაო დროში და ანაზღაურდება.
მუხლი 4. სადღესასწაულო და დასვენების დღეებში, აგრეთვე ყოველდღიური სამუშაო დროის დამთავრების შემდეგ დაწესებულებაში ყოფნის პირობები და წესი
მოსამსახურის მუშაობა დასვენებისა და უქმე დღეებში, შესვენების დროს ან სამუშაო დროის დამთავრების შემდეგ ნებაყოფლობითია.
მუხლი 5. სამსახურებრივ საკითხებზე განკარგულებათა მოსამსახურეებამდე დაყვანის წესი
1. სამსახურებრივ საკითხებზე გამოცემულ განკარგულებებს განეკუთვნება სამინისტროს უფლებამოსილი პირების მიერ გამოცემული ნორმატიული და ინდივიდუალური ადმინისტრაციულ-სამართლებრივი აქტები (მათ შორის, კანონმდებლობით დადგენილი წესით ზეპირი ფორმით გამოცემული მითითება/დავალება).
2. თუ კანონმდებლობით სხვა რამ არ არის განსაზღვრული, ინდივიდუალური ადმინისტრაციულ-სამართლებრივი აქტი ძალაში შედის მხარისათვის კანონით დადგენილი წესით გაცნობისთანავე ან გამოქვეყნების დღეს.
3. მითითება/დავალება შესაძლებელია გაიცეს ხელმძღვანელის (საქართველოს თავდაცვის მინისტრის, მინისტრის მოადგილის, სამინისტროს ადმინისტრაციის უფროსის, ქვედანაყოფის უფროსის, პირდაპირი უფროსის) მიერ ზეპირსიტყვიერად ან სამუშაო მასალებზე დადებული რეზოლუციით. მითითების/დავალების მიმღები ვალდებულია შეასრულოს დავალება რეზოლუციის მქონე მასალის ჩაბარების მომენტიდან.
4. ამ მუხლის შესაბამისად გამოცემული განკარგულებების შესრულება სავალდებულოა ყველა მოსამსახურისათვის. მოსამსახურე უფლებამოსილია გამოიყენოს ,,საჯარო სამსახურის შესახებ” საქართველოს კანონის 55-ე და 56-ე მუხლები.
მუხლი 6 . ხელფასისა და სამივლინებო თანხების გაცემის დრო და ადგილი
1. ხელფასი გაიცემა თვეში ერთხელ, არა უგვიანეს 30 რიცხვისა და მისი დარიცხვა ხდება შესაბამის საბანკო ანგარიშზე.
2. პრემიების გაცემის საკითხი და მოსამსახურის სამივლინებო თანხების გაცემის წესი განისაზღვრება საქართველოს კანონმდებლობით.
მუხლი 7. მოსამსახურის მივლინების წესი
1. მოსამსახურის მივლინებაში წარგზავნის უფლება აქვს საქართველოს თავდაცვის მინისტრს ან მის მიერ ინდივიდუალური ადმინისტრაციულ-სამართლებრივი აქტით უფლებამოსილ თანამდებობის პირს.
2. ქვეყნის ფარგლებში მივლინების შესახებ ბრძანების საფუძველზე, სამინისტროს ადმინისტრაციის ადამიანური რესურსების მართვის დეპარტამენტი მოსამსახურეს უფორმებს მივლინების ფურცელს (დანართი №1).
მუხლი 8. შვებულების გამოყენების წესი
1. მოსამსახურე სარგებლობს ყოველწლიური ანაზღაურებადი შვებულებით, ,,საჯარო სამსახურის შესახებ” საქართველოს კანონით დადგენილი ხანგრძლივობით.
2. სტრუქტურული ქვედანაყოფის უფროსი უფლებამოსილია მოსამსახურისათვის დაადგინოს წლის განმავლობაში ანაზღაურებად შვებულებათა მიცემის რიგითობა.
3. შვებულების მოთხოვნის შესახებ დანართი №3-ით განსაზღვრული შევსებული ფორმა წარედგინება სამინისტროს ადმინისტრაციის უფროსს, საშვებულებო პერიოდის დაწყებამდე 10 დღით ადრე მაინც, გარდა შინაგანაწესის მე-9 მუხლით გათვალისწინებული შემთხვევისა.
4. სტრუქტურული ქვედანაყოფის უფროსი უფლებამოსილია უარი თქვას მოსამსახურის მიერ შვებულებით სარგებლობაზე, თუ მოცემულ პერიოდში, სამსახურებრივი აუცილებლობიდან გამომდინარე, შვებულებით სარგებლობა მიზანშეწონილი არ არის და შეცვალოს შვებულებათა მიცემის რიგითობა.
5. მოსამსახურე უფლებამოსილია, სტრუქტურული ქვედანაყოფის უფროსის თანხმობით, ნაწილ-ნაწილ გამოიყენოს კუთვნილი შვებულება.
6. სამსახურებრივი აუცილებლობიდან გამომდინარე, დასაშვებია მოსამსახურის შვებულებიდან გამოძახება მისივე თანხმობით, შესაბამისი ბრძანების საფუძველზე.
7. მოსამსახურეს შვებულება ანაზღაურების გარეშე შეიძლება მიეცეს, თუ მას გამოყენებული აქვს ანაზღაურებადი შვებულება.
მუხლი 9. სამსახურში გამოუცხადებლობის შეტყობინების წესი
1. მოსამსახურე სამსახურში დაგვიანებით გამოცხადებისას ვალდებულია განცხადების ფორმით აცნობოს სტრუქტურული ქვედანაყოფის უფროსს.
2. დღის განმავლობაში სამსახურიდან გასვლის შესახებ (გარდა შინაგანაწესის მე-3 მუხლის პირველი პუნქტით გათვალისწინებული შემთხვევისა) განაცხადის ფორმა არ ივსება და აღნიშნულის შესახებ ინფორმაცია ზეპირად მიეწოდება სტრუქტურული ქვედანაყოფის უფროსს.
3. წინასწარ ცნობილი მიზეზით სამსახურში გამოუცხადებლობის შემთხვევაში, მოსამსახურე ვალდებულია შეავსოს დანართი №3-ით განსაზღვრული ფორმა და გადასცეს სტრუქტურული ქვედანაყოფის უფროსს.
4. წინასწარ ცნობილი მიზეზის გარეშე სამსახურში გამოუცხადებლობის შემთხვევაში, მოსამსახურე ვალდებულია დაუყოვნებლივ აცნობოს შესაბამისი სტრუქტურული ქვედანაყოფის უფროსს გამოუცხადებლობის სავარაუდო პერიოდი, სათანადო მიზეზის მითითებით. სამსახურში გამოცხადების შემდგომ მოსამსახურე ვალდებულია შეავსოს დანართი №3-ით განსაზღვრული ფორმა და გადასცეს სტრუქტურული ქვედანაყოფის უფროსს.
მუხლი 10. მოსამსახურის ვალდებულებანი
მოსამსახურე ვალდებულია:
ა) პირნათლად შეასრულოს დაკისრებული თანამდებობრივი მოვალეობანი;
ბ) სპეციალური მითითების გარეშე დაიცვას ის სამართლებრივი აქტები, რომლებიც მის სამსახურებრივ საქმიანობას უკავშირდება;
გ) შეასრულოს ხელმძღვანელის ბრძანება, განკარგულება და მითითება, რომლებიც გამოცემულია კანონმდებლობით დადგენილი უფლებამოსილების ფარგლებში;
დ) დაიცვას შრომის დისციპლინა, რაციონალურად გამოიყენოს სამუშაო დრო, არ დაუშვას ისეთი ქმედება, რომელიც აფერხებს ოფისის მუშაობას და ლახავს საჯარო სამსახურის ავტორიტეტს;
ე) გაუფრთხილდეს სახელმწიფო საკუთრებას, დაიცვას მატერიალურ ფასეულობათა მოვლა-პატრონობის დადგენილი წესი;
ვ) დაიცვას სამინისტროს სამოქალაქო ოფისში მოსამსახურეთა ქცევის წესები და ოფისის შინაგანაწესი;
ზ) წესრიგში ჰქონდეს სამუშაო ადგილი, დაიცვას სისუფთავე სამინისტროს შენობაში და მის ტერიტორიაზე;
თ) დაიცვას მინისტრის ინდივიდუალურ ი ადმინისტრაციულ-სამართლებრივი აქტით განსაზღვრული სამინისტროს საიდენტიფიკაციო (ID)ბარათის ტარების, გარეგნული იერ-სახის და ჩაცმულობის წესები.
მუხლი 11. გათავისუფლებული მოსამსახურის ვალდებულებანი
1. სამსახურდან გათავისუფლების შემდეგ, მოსამსახურე ვალდებულია სამინისტროს პასუხისმგებელ თანამდებობის პირებს დაუბრუნოს კუთვნილი სამსახურებრივი მოწმობა, ჩააბაროს საქმისწარმოება და ყველა ის მატერიალური ფასეულობა, რომელიც მას სარგებლობაში გადაეცა სამინისტროში მუშაობის პერიოდში.
2. მოსამსახურე ვალდებულია სამსახურიდან გათავისუფლებიდან 5 სამუშაო დღის ვადაში სამინისტროს ადმინისტრაციის ადამიანური რესურსების მართვის დეპარტამენტს წარუდგინოს სამინისტროს კუთვნილი მატერიალურ ფასეულობათა ჩაბარების ფაქტის დამადასტურებელი დოკუმენტი „შემოვლის ბარათი“ (დანართი №2) უფლებამოსილი თანამდებობის პირის ხელმოწერით. აღნიშნული მოთხოვნის შესრულების შემდეგ მოსამსახურესთან უნდა მოხდეს საბოლოო ანგარიშ ს წორება.
მუხლი 12. შრომის დაცვისა და ხანძარსაწინააღმდეგო უსაფრთხოების ზოგადი ინსტრუქცია
მოსამსახურე ვალდებულია დაიცვას შრომისა და ხანძარსაწინააღმდეგო უსაფრთხოების მოთხოვნები, რომლებიც გათვალისწინებულია საქართველოს შრომის კოდექსითა და სხვა სამართლებრივი აქტებით.
მუხლი 13. პასუხისმგებლობა შინაგანაწესის დარღვევისათვის
1. შინაგანაწესის დარღვევის შემთხვევაში მოსამსახურეს ეკისრება ,,საჯარო სამსახურის შესახებ” საქართველოს კანონით გათვალისწინებული პასუხისმგებლობის ზომები.
2. წინამდებარე შინაგანაწესი სავალდებულოა შესასრულებლად ოფისის ყველა მოსამსახურისათვის.
3. შინაგანაწესის მე-2 მუხლის მე-3 პუნქტის მოთხოვნათა ერთი თვის განმავლობაში სამჯერ დარღვევის შემთხვევაში, მოსამსახურეს ეკისრება „საჯარო სამსახურის შესახებ“ საქართველოს კანონით გათვალისწინებული დისციპლინური პასუხისმგებლობის ერთ-ერთი ზომა. დისციპლინური პასუხისმგებლობის მოქმედების პეროდში შინაგანაწესის მე-2 მუხლის მე-3 პუნქტის განმეორებით ერთი თვის განმავლობაში სამჯერ დარღვევის შემთხვევაში, მოსამსახურის მიმართ გამოიყენება უფრო მკაცრი დისციპლინური პასუხისმგებლობის ზომა.
დანართი №1
საქართველოს თავდაცვის სამინისტროს მოსამსახურის
მივლინების ფურცელი
№ -------
№---------------------------------------------------------------------------------------------------------------------
( გვარი, სახელი)
-----------------------------------------------------------------------------------------------------------------------
(თანამდ ე ბობა)
მივლინებულ იქნეს------------------------------------------------------------------------------------------------
(მივლინების ადგილი და მიზანი)
-----------------------------------------------------------------------------------------------------------------------
-----------------------------------------------------------------------------------------------------------------------
მივლინების ვადა-------------------------------------------------------------------------------------------------
მივლინების საფუძველი-----------------------------------------------------------------------------------------
ხელმძღვანელი------------------------------------------------------
ხელმოწერა
ბ.ა. „-------“ ------------------------------------- --------- წ.
აღნიშვნები დანიშნულების პუნქტში გასვლისა და დაბრუნების შესახებ
წასვლა ---------------------------------------- ჩამოსვლა---------------------------------------
„-----“ ------------------------------ --------- წ. „-----“ --------------------------------- --------- წ.
ბ.ა. ხელმოწერა ბ.ა. ხელმოწერა
--------- --------------------------------------------------------------------------------------------------------------
წასვლა ------------------------ ჩამოსვლა ---------------------
„-----“ ------------------------------ --------- წ. „-----“ ---------------------------------- --------- წ.
ბ.ა ხელმოწერა ბ.ა ხელმოწერა
-----------------------------------------------------------------------------------------------------------------------
წასვლა ---------------------------------------- ჩამოსვლა ----------------------------------------
„-----“ ------------------------------- --------- წ. „-----“ ---------------------------------- -------- წ.
ბ.ა ხელმოწერა ბ.ა ხელმოწერა
დანართი №2
შემოვლის ბარათი
-------------------------------------------------------------------------------------------------------------------
(მოსამსახურის გვარი, სახელი, თანამდებობა)
1) საქართველოს თავდაცვის სამინისტროს ადმინისტრაციის ადამიანური რესურსების მართვის დეპარტამენტი:
---------------------------------------------------------------------------
(პასუხისმგებელი პირის ხელმოწერა)
2) საქართველოს შეიარაღებული ძალების გაერთიანებული შტაბის ჯარების ლოგისტიკური უზრუნველყოფის სარდლობა:
---------------------------------------------------------------------------
(პასუხისმგებელი პირის ხელმოწერა)
3) საქართველოს თავდაცვის სამინისტროს ადმინისტრაციის საქმისწარმოების დეპარტამენტი:
---------------------------------------------------------------------------
(პასუხისმგებელი პირის ხელმოწერა)
4) საქართველოს თავდაცვის სამინისტროს ფინანსების მართვის დეპარტამენტი:
---------------------------------------------------------------------------
(პასუხისმგებელი პირის ხელმოწერა)
5) საქართველოს თავდაცვის სამინისტროს ადმინისტრაციის ნატო-ს კლასიფიცირებული ინფორმაციის ცენტრალური სამმართველო:
---------------------------------------------------------------------------
(პასუხისმგებელი პირის ხელმოწერა)
მოსამსახურის ხელმოწერა __________________
თარიღი ___________
დანართი №3
სამსახურიდან დროებით გათავისუფლების ან შვებულების მოთხოვნის ფორმა
| ვის | --------------------------- --------------------------------------- |
| ვისგან | სახელი, გვარი: |
| თანამდებობა: | |
| თარიღი: |
| სამსახურიდან დროებით გათავისუფლების მოთხოვნის სახეობა | ||
| შვებულება | ||
| ____ ანაზღაურებადი | _____ ორსულობის, მშობიარობისა და ბავშვის მოვლის გამო | |
| ____ ანაზღაურების გარეშე | _____ სასწავლო | |
| ____ ,,დამატებითი დღეები’’ | ||
| ____ სამხედრო-სარეზერვო სამსახური | ||
| ____ ავადმყოფობა | ||
| ____ სხვა მიზეზი (ბავშვის მოვლა, ორსულობა, სალექციო კურსი და სხვა) | ||
| სამსახურში დროებით არყოფნის პერიოდი | _________ დან _________ მდე | |
| სამსახურიდან დროებით გათავისუფლებულ დღეთა ოდენობა |
| |
| უშუალო უფროსი ინფორმირებულია | სახელი, გვარი | |
| თანამდებობა | ||
დამატებითი ინფორმაცია (ასეთის არსებობის შემთხვევაში)
----------------------------------------------------------------------------------------------------------------------
-----------------------------------------------------------------------------------------------------------------------
შენიშვნა: შინაგანაწესის მე-9 მუხლის პირველი, მე-3 და მე-4 პუნქტების შესაბამისად გათავისუფლების შემთხვევაში, მოსამსახურე სამსახურიდან დროებით გათავისუფლების შევსებულ ფორმას წარუდგენს იმ ქვედანაყოფის ხელმძღვანელს, სადაც იგი მსახურობს. valdebulia winaswar warudginos uSualod ufross gancxadeba Semdgom samsaxurSi aryofnis savaraudo periodis Taobaze, Sesabuars acxadebs gancxadebis vizirebaze. ufrosis mier gancxadebis vizirebis