ქ. ამბროლაურის ტერიტორიაზე „საქართველოს ადმინისტრაციულ სამართალდარღვევათა კოდექსის“ 148-ე მუხლის მე-4 ნაწილით გათვალისწინებულ სამართალდარღვევაზე საჯარიმო სანქციის გამოყენების შესახებ

ამბროლაურის მუნიციპალიტეტის საკრებულოს

დადგენილება №26

2012 წლის 25 აპრილი

ქ. ამბროლაური

ქ. ამბროლაურის ტერიტორიაზე „საქართველოს ადმინისტრაციულ სამართალდარღვევათა კოდექსის“ 148-ე მუხლის მე-4 ნაწილით გათვალისწინებულ სამართალდარღვევაზე საჯარიმო სანქციის გამოყენების შესახებ

„ადგილობრივი თვითმმართველობის შესახებ“ საქართველოს ორგანული კანონის 43-ე მუხლის მე-2 პუნქტისა და საქართველოს ადმინისტრაციულ სამართალდარღვევათა კოდექსის 209³ მუხლის შესაბამისად, ამბროლაურის მუნიციპალიტეტის საკრებულო ადგენს:

    მუხლი 1

1. ამბროლაურის მუნიციპალიტეტის ტერიტორიაზე გამოყენებულ იქნ ე ს საჯარიმო სანქცია საქართველოს ადმინისტრაციულ სამართალდარღვევათა კოდექსის 148-ე მუხლის მე-4 ნაწილით გათვალისწინებულ ადმინისტრაციულ სამართალდარღვევაზე.

2. ადმინისტრაციული სამართალდარღვევის ოქმის შედგენაზე და აღრიცხვაზე უფლებამოსილი პირები განისაზღვრებიან ამბროლაურის მუნიციპალიტეტის გამგებლის ბრძანებით, გამგეობის კეთილმოწყობისა და ინფრასტრუქტურის სტრუქტურული ერთეულის (შემდგომ - სტრუქტურული ერთეული) თანამშრომლებისაგან.

3. საქმის გარემოებათა შეფასების შედეგად, სტრუქტურული ერთეულის უფროსის წინადადების საფუძველზე, მუნიციპალიტეტის გამგებელი გამოსცემს ბრძანებას:

ა) ადმინისტრაციულ სახდელის დადების შესახებ;

ბ) საქმისწარმოების შეწყვეტის შესახებ.

4. გამგებელი უფლებამოსილია გადაწყვეტილების მიღებამდე დაიბაროს სამართალდამრღვევი ახსნა-განმარტების მისაცემად.

5. საქმისწარმოების შეწყვეტის შესახებ გადაწყვეტილება მიიღება აგრეთვე სამართალდამრღვევისათვის სიტყვიერი შენიშვნის მიცემისას.

6. ამბროლაურის მუნიციპალიტეტის გამგებლის ბრძანება შეიძლება გასაჩივრდეს საქართველოს კანონმდებლობით დადგენილი წესით.

    მუხლი 2

ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე               კ. ფარჯანაძე