სს საერთაშორისო სადაზღევევო კომპანია „იმედი ელ ინტერნეიშენალის“ ხმების 75%-ზე მეტის მფლობელი აქციონერის შპს „მეტა“-ს გადაწყვეტილება

სააქციო საზოგადოება საერთაშორისო სადაზღვევო კომპანია „იმედი ელ ინტერნეიშენალის“

(ს/კ 211358494) (შემდგომში „საზოგადოება“)

ხმების 75%-ზე მეტის მფლობელი აქციონერის გადაწყვეტილება

 

ორი ათას თორმეტი წლის 3 მაისს შპს „მეტას ” (ს/კ 205068763) (შემდგომში – აქციონერი) მიერ, რომელიც წარმოდგენილია მისი დირექტორის ბ-ნ ირაკლი გოგიას სახით, მიღებულ იქნა გადაწყვეტილებები ქვემოთ მითითებულ საკითხებზე. ვინაიდან „აქციონერი“ ფლობს „საზოგადოების“ ჩვეულებრივი აქციების და , შესაბამისად, ხმების 75%-ზე მეტს, „მეწარმეთა შესახებ“ საქართველოს კანონის 54.1¹ მუხლისა და „საზოგადოების“ წესდების 7.1.2 ქვეპუნქტის თანახმად, წინამდებარე გადაწყვეტილება აქციონერთა საერთო კრების ოქმის ტოლფასია და ითვლება კრების გადაწყვეტილებად.

 

დღის წესრიგი:

1.  „საზოგადოების“ სამეთვალყურეო საბჭოს შემადგენლობის ცვლილება .

2. „საზოგადოების“ საწესდებო კაპიტალის გაზრდა და „საზოგადო ე ბის“ ნებადართული კაპიტალის დამტკიცება.

3. „საზოგადოების“ წესდების ცვლილება.

 

დღის წესრიგში მითითებულ საკითხებთან დაკავშირებით „აქციონერის“ მიერ მიღებულ იქნა შემდეგი გადაწყვეტილებები :

1 საკითხი –  „საზოგადოების“ სამეთვალყურეო საბჭოს შემადგენლობის ცვლილება :

1. სამეთვალყურეო საბჭოს წევრების გიორგი ფეტვიაშვილის, ლევან წულაძის და ირაკლი კოვზანაძის ნაცვლად სამეთვალყურეო საბჭოში არჩეულ იქნან:

●ნიკოლოზ გამყრელიძე (პირადი №01024013525) –  სამეთვალყურეო საბჭოს თავმჯდომარე;

●ირაკლი გოგია (პირადი №01024020630) –  სამეთვალყურეო საბჭოს თავმჯდომარის მოადგილე; და

●ავთანდილ ნამიჩეიშვილი (პირადი №01026007516) –  სამეთვალყურეო საბჭოს წევრი.

2 საკითხი  –  „საზოგადოების“ საწესდებო კაპიტალის გაზრდა:

  1. „საზოგადოების“ ნებადართული სააქციო კაპიტალი განისაზღვროს 8,294,382 (რვა მილიონ ორას ოთხმოცდათოთხმეტი ათას სამას ოთხმოცდაორი) ცალი ჩვეულებრივი აქციით, საიდანაც:

ა.     წინამდებარე გადაწყვეტილების მიღებისას ემიტირებულია და „საზოგადოების“ აქციონერთა მიერ სრულად არის გამოსყიდული 1,800,000 (მილიონ რვაასი ათასი) ცალი აქცია;

ბ.    4,494,382 (ოთხი მილიონ ოთხას ოთხმოცდათოთხმეტი ათას სამას ოთხმოცდაორი) ჩვეულებრივი აქცია ემიტირებულ იქნას შემდეგი პირობებით:

–  ახლად ემიტირებული აქციების შესყიდვის ფასი  –  4.45 ლარი (ოთხი ლარი და ორმოცდახუთი თეთრი) თითოეულ აქციაზე.

–  აქციების ემისიისა და განთავსებისას არსებულ აქციონერებს ექნებათ ახლად ემიტირებული აქციების უპირატესი შეძენის უფლება მათ საკუთრებაში არსებულ აქციათა ნომინალური ღირებულების პროპორციულად თანახმად „საზოგადოების“ წესდების 3.8 მუხლისა. აღნიშნული უფლების განხორციელების მიზნით:

1.    „საზოგადოების“ იმ აქციონერებმა, რომლებიც აპირებენ აქციების შეძენას, არაუგვიანეს 2012 წლის 11 მაისისა „საზოგადოებას“ წერილობით უნდა აცნობონ მათი სურვილის შესახებ მათი წილის პროპორციული ოდენობით ახლად ემიტირებული აქციების შესყიდვის თაობაზე ზემოთ მითითებულ ფასად;

2.    „საზოგადოების“ იმ აქციონერებმა, რომლებიც აპირებენ აქციების შეძენას და რომლებიც გამოხატავენ სურვილს აქციების შეძენაზე ზემოთ მითითებულ ვადაში, არა უგვიანეს 2012 წლის 14 მაისისა უნდა განახორციელონ საწესდებო კაპიტალში შენატანის გადახდა მათი კუთვნილი აქციების შეძენის მიზნით.

3.    შენატანის სრულად განხორციელებიდან 3 (სამი) სამუშაო დღის განმავლობაში „საზოგადოება“ უზრუნველყოფს შესაბამისი ოდენობის აქციების ემისიას და განთავსებას კაპიტალის გაზრდაში მონაწილე აქციონერის სახელზე.

4. იმ შემთხვევაში, თუ რომელიმე აქციონერი ზემოთ მითითებულ ვადებში არ დაადასტურებს წერილობით თანხმობას ახლად ემიტირებული აქციების შეძენაზე, ან არ/ვერ განახორციელებს შესაბამისი თანხების „საზოგადოების“ საწესდებო კაპიტალში შეტანას, მაშინ ამგვარი აქციონერ(ებ)ი კარგავენ ახლად ემიტირებული აქციების შესყიდვის უფლებას და ის აქციონერ(ებ)ი, რომლებმაც მონაწილეობა მიიღეს კაპიტალის გაზრდაში , უფლებამოსილნი არიან მათი წილების პროპორციულად შეიძინონ ის აქციები, რომელთა შეძენაც არ მოხდა ემისიის პირველ ეტაპზე. აღნიშნული მიზნით, კაპიტალის გაზრდაში მონაწილე აქციონერებს „საზოგადოება“ აცნობებს მათი ამ უფლების თაობაზე არა უგვიანეს 2012 წლის 18 მაისისა და გამოუსყიდავი აქციების გამოსყიდვა უნდა მოხდეს არა უგვიანეს 2012 წლის 22 მაისისა.

5.    იმ შემთხვევაში, თუ აქციონერთა მიერ სრულად არ მოხდება 4,494,382 (ოთხი მილიონ ოთხას ოთხმოცდათოთხმეტი ათას სამას ოთხმოცდაორი) ჩვეულებრივი აქციის სრულად გამოსყიდვა ზემოთ მითითებულ ვადებში, „საზოგადოება“ არ მოახდენს გამოუსყიდავი აქციების ემისიას, აღნიშნული აქციები აისახება „საზოგადოების“ ნებადართულ სააქციო კაპიტალში და მათზე გავრცელდება წინამდებარე გადაწყვეტილების მე-2 საკითხის, პირველი პუნქტის, (გ) ქვეპუნქტის დებულებები.

გ.    „საზოგადოებას“ (მის გენერალურ დირექტორს) მიენიჭოს უფლება წინამდებარე გადაწყვეტილების მიღების თარიღიდან მომდევნო 3 (სამი) წლის განმავლობაში, სამეთვალყურეო საბჭოს გადაწყვეტილების საფუძველზე მოახდინოს ახალი აქციების ემისია ნებადართული სააქციო კაპიტალის ფარგლებში. სამეთვალყურეო საბჭოს გადაწყვეტილება უნდა მოიცავდეს ამგვარად გამოსაშვები აქციების ოდენობას, ფასს (რომელიც არ უნდა იყოს აქციის ნომინალურ ღირებულებაზე ნაკლები), მიზნობრიობას და სხვა პირობებს. ამასთან, ამგვარი აქციების ემისიისა და განთავსებისას არსებულ აქციონერებს ექნებათ ახლად ემიტირებული აქციების უპირატესი შეძენის უფლება იმ მომენტისათვის მათ საკუთრებაში არსებულ აქციათა ნომინალური ღირებულების პროპორციულად , თანახმად „საზოგადოების“ წესდების 3.8 მუხლისა. ამ ქვეპუნქტით გათვალისწინებული „საზოგადოების“ (მისი გენერალური დირექტორის) უფლება გავრცელდება ნებადართული კაპიტალის ფარგლებში არსებულ და არაემტირებულ აქციებზე (მათ შორის, იმ აქციებზე, რომელთა შესყიდვაც არ მოხდება  წინამდებარე გადაწყვეტილების მე-2 საკითხის, პირველი პუნქტის, (ბ) ქვეპუნქტის შესაბამისად).

 

3 საკითხი  –  „საზოგადოების“ წესდების ცვლილება:

  1. „საზოგადოების“ საწესდებო კაპიტალის გაზრდა და აქციონერთა შორის 2006 წლის 30 დეკემბერს გაფორმებულ აქციონერთა ხელშეკრულების გაუქმება აისახოს „საზოგადოების“ წესდებაში და დამტკიცდეს წესდების ახალი რედაქცია შესაბამისი ცვლილებებით.

2. დაევალოს „საზოგადოების“ გენერალურ დირექტორს წესების ახალ რედაქციაზე ხელმოწერა და რეგისტრაცია შესაბამის მარეგისტრირებელ ან/და ზედამხედველ ორგანოებში. წესდების ახალი რედაქცია ხელმისაწვდომი იქნება უფლებამოსილი პირებისათვის „საზოგადოების“ მისამართზე.

 

დაევალოს „საზოგადოების“ გენერალურ დირექტორს საქართველოს კანონმდებლობით განსაზღვრული წესებით მოახდინოს „საზოგადოების“ აქციონერების ინფორმირება აღნიშნული გადაწყვეტილების შესახებ.