„სს „საპარტნიორო ფონდის“ წესდების დამტკიცებისა და კაპიტალის ფორმირების შესახებ“ საქართველოს მთავრობის 2011 წლის 2 ივნისის №230 დადგენილებაში ცვლილების შეტანის თაობაზე

საქართველოს მთავრობის

დადგენილება №23 2

2012 წლის 2 ივ ლ ისი

ქ. თბილისი

 „სს „საპარტნიორო ფონდის“ წესდების დამტკიცებისა და კაპიტალის ფორმირების შესახებ“ საქართველოს მთავრობის 2011 წლის 2 ივნისის №230 დადგენილებაში ცვლილების შეტანის თაობაზე

მუხლი 1 . „ნორმატიული აქტების შესახებ“საქართველოს კანონის მე-20მუხლის მე-4პუნქტის შესაბამისად„სს„საპარტნიორო ფონდის“წესდების დამ­ტკიცებისა და კაპიტალის ფორმირების შესახებ“სა­ქართველოს მთავრო­ბის2011წლის2ივნისის№230დადგენილებაში(www.matsne.gov.ge,08/06/2011, 040030000.10.003.016390) შეტანილ იქნეს ცვლილება და მე-2მუხლში:

1. მე-2 პუნქტი ჩამოყალიბდეს შემდეგი რედაქციით:

„2. საქართველოს ენერგეტიკისა და ბუნებრივი რესურსების სამი­ნისტრომ და საქართველოს ეკონომიკისა და მდგრადი განვითარების სა­მი­ნისტრომ უზრუნველყონ:

ა) სს„ნავთობისა და გაზის კორპორაციის“აქციათა 100%ფონდის კა­პიტალში ინვესტირება;

ბ) სს„ელექტროენერგეტიკული სისტემის კომერციული ოპერატო­რის“აქციათა 100%ფონდის კაპიტალში ინვესტირება;

გ) სს„საქართველოს სახელმწიფო ელექტროსისტემის“აქციათა 100%ფონდის კაპიტალში ინვესტირება;

დ) სს „თელასის“ სახელმწიფო საკუთრებაში არსებული აქციების 24,529% (19 904 783 ცალი ჩვეულებრივი აქცია) ფონდის კაპიტალში ინ­ვესტირება.“.

2. მე-2 პუნქტის შემდეგ დაემატოს შემდეგი შინაარსის მე-3 პუნქტი:

„3.ამ მუხლის მე-2პუნქტის„ა“, „ბ“,„გ“ და „დ“ქვეპუნქტებით გა­თვალისწინებული ცვლილებების განხორ­ციელებისთანავე სს „საპარტ­ნიორო ფონდმა“ უზრუნველყოს სს„ნავთობისა და გაზის კორპორაციის“, სს„ელექტრო­ენერგეტიკული სისტემის კომერციული ოპერატორის“,სს„საქარ­თველოს სახელმწიფო ელექტროსისტემისა“ და სს „თელასის“ აქ­ციო­ნერის ყველა უფლებამოსილების საქართველოს ენერგეტიკისა და ბუნებრივი რესურსების სამინისტროსათვის გადაცემა (ამ მუხლის მე-2პუნქტის„ა“, „ბ“,„გ“ და „დ“ქვეპუნქტებში მითითებულ აქციათა მართვის უფლებით გადაცემა), გარდა აქციების გასხვისების, დივიდენდის გა­ნა­წილების, სამეთვალყურეო საბჭოს შექმნის, გაუქმების, წევრთა არჩევისა და გამოწვევის უფლებამოსილებისა.“.

მუხლი 2. დადგენილება ამოქმედდეს გამოქვეყნებისთანავე.

პრემიერ-მინისტრის

მოვალეობის შემსრულებელი                            ნ.გილაური