„საქართველოს ფინანსთა სამინისტროსა და უკრაინის სახელმწიფო საგადასახადო სამსახურს შორის ტექნიკური თანამშრომლობის შესახებ“ შეთანხმება

მხარეები ითანამშრომლებენ საგადასახადო სფეროში, ორმხრივი ინტერესების გათვალისწინებით, კერძოდ, შემდეგ საკითხებში:

           გადასახადის გადამხდელების რეგისტრაცია და აღრიცხვა.

           გადასახადების ადმინისტრირება.

           გადასახადების გადახდისაგან თავის არიდების წინააღმდეგ ბრძოლა.

           ელექტრონული საგადასახადო დეკლარაციების გამოყენება.

           გადასახადის გადამხდელთა მომსახურება.

           პერსონალის მომზადება და განვითარება.

           ინფორმაციის გაცვლა.

მხარეები შეთანხმდნენ, რომ საჭიროების შემთხვევაში გაცვალონ:

           დოკუმენტაცია (ინსტრუქციები, მეთოდოლოგიური მასალები, საინფორმაციო ბიულეტენები);

           საგადასახადო კანონმდებლობა;

           ინფორმაცია საგადასახადო საკითხებზე.

მხარეები შეთანხმდნენ:

მოაწყონ წამყვან ექსპერტთა შეხვედრები მათ შორის კონსულტაციის მიზნით;

მიიწვიონ ექსპერტები სემინარებში, კონფერენციებში, ლექციებსა და ტრენინგებში მონაწილეობისათვის;

გამართონ საგადასახადო პროცედურების გაუმჯობესების თაობაზესასწავლო კურსები.

შეთანხმების ფარგლებში გათვალისწინებული თანამშრომლობის დაფინანსება უნდა მოხდეს შემდეგი პრინციპით: გამგზავნი მხარე დაფარავს თავისი წარმომადგენლების მიმღები მხარის სახელმწიფო ტერიტორიაზე ყოფნასთან დაკავშირებულ ხარჯებს.

ნებისმიერი ქმედება განხორციელებული აღნიშნული შეთანხმების ფარგლებში, მათ შორის დოკუმენტების, ინფორმაციის გაცვლა; ინფორმაციის გამჟღავნებისა და გამოყენების წესები რეგულირდება თითოეული მხარის შიდასახელმწიფოებრივი კანონმდებლობით. ორივე მხარე უზრუნველყოფს როგორც მიღებული ინფორმაციის, ასევე დოკუმენტების და მასალების კონფიდენციალურობას. კონფიდენციალური ინფორმაციის, ისევე როგორც დოკუმენტებისა და მასალების ნებისმიერ სხვა პირზე გადაცემა ინფორმაციის ან დოკუმენტების და მასალების მომწოდებელი მხარის წერილობითი ნებართვის გარეშე დაუშვებელია.

შეთანხმებაში შესაძლებელია შეტანილ  იქნეს ცვლილებები და დამატებები შესაბამისი  ოქმის ხელმოწერის გზით, რომელიც იქნება აღნიშნული შეთანხმების განუყოფელი ნაწილი და ძალაში შევა იმავე წესით, რა წესითაც აღნიშნული შეთანხმება შედის ძალაში.

ნებისმიერი დავა დაკავშირებული შეთანხმების განმარტებასთან ან შეთანხმების გამოყენებასთან უნდა მოგვარდეს მხარეებს შორის მოლაპარაკებებისა და კონსულტაციების გზით.

შეთანხმება იდება განუსაზღვრელი ვადით და ძალაში შედის ხელმოწერის დღიდან.

შეთანხმების მოქმედება შეიძლება შეწყდეს ნებისმიერი მხარის მიერ, მეორე მხარისთვის დიპლომატიური არხების მეშვეობით წერილობითი შეტყობინების გაგზავნის გზით. შეთანხმება წყვეტს მოქმედებას წერილობითი შეტყობინების მიღებიდან სამი თვის გასვლის შემდეგ, რომლითაც ერთი მხარე აცნობებს მეორე მხარეს თვისი განზრახვის შესახებ შეთანხმების მოქმედების შეწყვეტის თობაზე.

შესრულებულია კიევში, 2012 წლის 28 სექტემბერს, ორ დედნად ქართულ, უკრაინულ და ინგლისურ ენებზე, ამასთან, ყველა ტექსტი თანაბრად ავთენტიკურია.განსხვავებული განმარტების შემთხვევაში, უპირატესობა ენიჭება ტექსტს ინგლისურ ენაზე.