აჭარის ავტონომიური რესპუბლიკის 2013 წლის რესპუბლიკური ბიუჯეტის შესახებ

1 . რეგიონის ინსტიტუციონალური განვითარება და აღმასრულებელი ორგანოს მხარდაჭერა

რეგიონის ინსტიტუციური განვითარებისათვის განსაკუთრებით მნიშვნელოვანია ძლიერი წარმომადგენლობითი ორგანოს გამართული ფუნქციონირება, ვინაიდან იგი არის რეგიონის პოლიტიკის ძირითადი მიმართულებების განმსაზღვრელი, საკანონმდებლო და მაკონტროლებელი ფუნქციების მქონე ხელისუფლების შტო. პრიორიტეტის ფარგლებში განსახორციელებელი პროგრამების მეშვეობით რეგიონში ხორციელდება ქვეყნის მიერ აღიარებული დემოკრატიული ღირებულებებისა და დემოკრატიული ინსტიტუტების გაძლიერების მხარდაჭერა, სამოქალაქო პლურალიზმის ხელშეწყობა და საარჩევნო სისტემის განვითარება.

1.1 საკანონმდებლო საქმიანობა (პროგრამული კოდი 1011)

აჭარის ავტონომიური  რესპუბლიკის უმაღლესი საბჭო თავისი კომპეტენციის ფარგლებში ახორციელებს საკანონმდებლო საქმიანობას, აკონტროლებს აჭარის ავტონომიური რესპუბლიკის მთავრობის საქმიანობას და ასრულებს საქართველოსა და აჭარის ავტონომიური რესპუბლიკის კანონმდებლობით განსაზღვრულ სხვა უფლებამოსილებებს.

1.2 აჭარის ავტონომიური რესპუბლიკის საარჩევნო ადმინისტრაცია (პროგრამული კოდი 102)         

საარჩევნო პროცესისა და საარჩევნო ადმინისტრაციის საქმიანობის გამჭვირვალობის უზრუნველყოფა;

სამოქალაქო განვითარებასა და საარჩევნო გარემოს გაუმჯობესებაზე ორიენტირებული პროექტების წახალისება;

საარჩევნო ადმინისტრაციის მოდერნიზება, ადამიანური რესურსების განვითარება, მატერიალურ-ტექნიკური ბაზის გაუმჯობესება;

ამომრჩეველთა აქტიურობის გაზრდა და დაინტერესება არჩევნებში მონაწილეობის მიზნით;

ამომრჩევლებისათვის სრულყოფილი და ზუსტი ინფორმაციის დროულად მიწოდება;

სამოქალაქო განათლებისა და საარჩევნო გარემოს გაუმჯობესების პროგრამების შექმნა- შემუშავება;

ამომრჩეველთა განათლებისა და ინფორმირების პროგრამების შექმნა;

მოქნილი ორგანიზაციული სტრუქტურის შექმნა.

1.3 აჭარის ავტონომიური რესპუბლიკის მთავრობის აპარატი (პროგრამული კოდი 1031)      

აჭარის ავტონომიური რესპუბლიკის მთავრობის მიერ აჭარის ავტონომიურ რესპუბლიკაში აღმასრულებელი ხელისუფლების განხორციელების პირობების შექმნა;

აჭარის ავტონომიური რესპუბლიკის აღმასრულებელი ხელისუფლების დაწესებულებათა საქმიანობის კოორდინაციისა და კონტროლის განხორციელება;

მთავრობის საქმიანობის ორგანიზაციული, სამართლებრივი და ინფორმაციულ-ანალიტიკური უზრუნველყოფა;

მთავრობის მიერ მიღებულ გადაწყვეტილებათა შესრულების კონტროლის განხორციელება,  მთავრობის თავმჯდომარის ურთიერთობის ხელშეწყობა სახელმწიფო და ადგილობრივი თვითმმართველობის დაწესებულებებთან და სხვა.

1.4 საარქივო ფონდის დაცულობის და დოკუმენტების ხელმისაწვდომობის უზრუნველყოფა (პროგრამული კოდი 1034)

აჭარის ავტონომიურ რესპუბლიკაში საარქივო დარგში მიმდინარე პროცესების ანალიზი, საარქივო ფონდის დაცვა-შენახვის გაუმჯობესებისა და მისი ფორმირების მიზნით შესაბამისი წინადადებების შემუშავება, სადაზღვევო და ელექტრონული საარქივო ფონდის შექმნა;

ისტორიულად ღირებული საარქივო დოკუმენტების გამოფენის მოწყობა;

ურთიერთთანამშრომლობა საზღვარგარეთის არქივებთან და  საქართველოს შესახებ არსებული დოკუმენტების შემოტანა;

ისტორიის ამსახველი მასალების გამოვლენა ჟურნალისა და ბუკლეტების გამოსაცემად;

ფიზიკური და იურიდიული პირების დროული საინფორმაციო მომსახურება.

2. რეგიონის ფინანსური მართვა და საინვესტიციო გარემოს ხელშეწყობა

2.1 ფინანსების, ეკონომიკური პოლიტიკისა და ქონების სფეროს პოლიტიკის შემუშავება და მართვა (პროგრამული კოდი 1041)

ეფექტიანი და გამჭვირვალე საბიუჯეტო პროცესის ჩამოყალიბება და მონიტორინგის გაძლიერება;

პროგრამული და კაპიტალური ბიუჯეტების დანერგვა;

აჭარის ავტონომიური რესპუბლიკის ტერიტორიაზე არსებული ქონების აღრიცხვა და შესაბამისი მონაცემთა ბაზის შექმნა;

აჭარის ავტონომიური რესპუბლიკის საკუთრებაში არსებული ქონების ეფექტურად განკარგვა;

თითოეული საპრივატიზებო ობიექტის ინფორმაციული შეფუთვა ან/და სამინისტროს ოფიციალურ ვებ-გვერდზე საპრივატიზებო ობიექტების მონაცემთა ბაზის განთავსება, განახლება და რედაქტირება;

საპრივატიზებო პროცესის ეფექტურად წარმართვისათვის ელექტრონული აუქციონის ფორმით პრივატიზება (eauction.ge);

აჭარის საინვესტიციო პოტენციალის მარკეტინგი:

რეგიონის საინვესტიციო პოტენციალის შეფასება და პრიორიტეტების გადახედვა/განსაზღვრა;

საპრივატიზაციო ობიექტების გადახედვა/განხილვა,  ინფორმაციული დამუშავება და „მარკეტინგული შეფუთვა“;

პოტენციური ინვესტორების მოძიება;

საერთაშორისო ორგანიზაციებთან, დონორებთან, საელჩოებსა და სავაჭრო სამრეწველო პალატებთან თანამშრომლობა;

განვითარებაზე ორიენტირებული პროექტების ინიციირება, ხელშეწყობა და კოორდინირება;

რეგიონში მიმდინარე საინვესტიციო პროცესის შედეგების აღრიცხვა და მონიტორინგი;

2.2. სახაზინო მომსახურება (პროგრამული კოდი 1042)

აჭარის ავტონომიური რესპუბლიკის რესპუბლიკური ბიუჯეტის ხარჯვითი ნაწილის აღსრულება, მისი შესრულების ანგარიშების შედგენა;

ხაზინის ელექტრონულ მონაცემთა ერთიანი ბაზის და შესაბამისი პროგრამული უზრუნველყოფის საფუძველზე, ხაზინაში შემავალი სტრუქტურული ერთეულების ფუნქციონირებისთვის, ახალი ამოცანების კვლევისა და მათი დამუშავების  მეთოდების შემუშავება;

ხაზინის მიერ გასაწევი აუცილებელი, გადაუდებელი და ყოველთვიური, კვარტალური და წლიური ხარჯების პროგნოზირება.

2.3. სესხების მომსახურება (პროგრამული კოდი 1136)

„ხელვაჩაურის მუნიციპალიტეტის კომუნალური ინფრასტრუქტურის დაწესებულებათა რეაბილიტაციის“ ფარგლებში გერმანიის რეკონსტრუქციის საკრედიტო ბანკიდან (KFW) მიღებული სესხის მომსახურების ხარჯების დაფარვა;

„აჭარის მყარი ნარჩენების მართვის მომსახურების გაუმჯობებსება და გაფართოების“ ფარგლებში ევროპის რეკონსტრუქციისა და განვითარების ბანკიდან (EBRD) მიღებული სესხის მომსახურების ხარჯების დაფარვა.

2.4.   უცხოეთიდან მიღებული დაფინანსების წყაროებით განსახორციელებელი საინვესტიციო პროექტები და ამ პროექტების თანადაფინანსება (პროგრამული კოდი 1138)

 ხელვაჩაურის მუნიციპალიტეტის კომუნალური ინფრასტრუქტურის დაწესებულებათა რეაბილიტაციის პროექტის ფარგლებში დაფინანსდება შესრულებული სამუშოების საბიუჯეტო გადასახდელები, კერძოდ, კი შესრულებულ სამუშაოებზე დ.ღ.გ.-ის გადახდა;

პროექტის მიზანია ხელვაჩაურის მუნიციპალიტეტის ზღვის სანაპირო ზოლში მდებარე სოფლების წყალარინების სისტემის რეაბილიტაცია და გაფართოება;

 „აჭარის მყარი ნარჩენების მართვის მომსახურების გაუმჯობესება და გაფართოების“  პროექტის ფარგლებში დაფინანსდება შესრულებული სამუშოების საბიუჯეტო გადასახდელები, კერძოდ კი, შესრულებულ სამუშაოებზე დღგ-ის გადახდა;

პროექტის მიზანია მყარი ნარჩენების მართვა აჭარის მთელს ტერიტორიაზე, რაც ორ ეტაპად უნდა განხორციელდეს. კერძოდ, პირველ ეტაპზე, აქცენტი გადატანილი იქნება ქალაქ ბათუმზე, მის ახლომდებარე კურორტ ქობულეთსა და სანაპირო ზონაზე და ხელვაჩაურის ავტომაგისტრალის გასწვრივ მიმდებარე ტერიტორიაზე. მეორე ეტაპზე, მოხდება მყარი ნარჩენების მართვის მოწინავე მეთოდების დანერგვა აჭარის სოფლებში;

აგრარული სექტორის ხელშეწყობის თანადაფინანსება, პროექტი ითვალისწინებს აგრარული სექტორის მხარდაჭერას - საკონსულტაციო, სატრენინგო, სადემონსტრაციო და სხვა მომსახურების უზრუნველყოფას.

2.5. საწევროები საერთაშორისო ორგანიზაციებში (პროგრამული კოდი 1134)

აღნიშნული პროგრამის ფარგლებში ხორციელდება აჭარის ავტონომიური რესპუბლიკის მიერ სხვადასხვა საერთაშორისო ორგანიზაციებში გაწევრიანების საფასურის გადახდა.

2.6.  ა(ა)იპ „ბათუმის ბიზნესინკუბატორი“ (პროგრამულიკოდი 1112)

დამწყები და განვითარებადი ბიზნესის ხელშეწყობა;

ახალი ბიზნეს სუბიექტების შექმნა;

ახალი სამუშაო ადგილების შექმნა.

2.7. სსიპ „აჭარის ავტონომიური რესპუბლიკის სავაჭრო-სამრეწველო პალატა“ (პროგრამული კოდი 1113)

აჭარის სავაჭრო-სამრეწველო პალატა (ასსპა) არის ერთ-ერთი გავლენიანი ბიზნესორგანიზაცია საქართველოში. ასსპა წარმოადგენს შუამავალ რგოლს მეწარმე სუბიექტებსა და სახელმწიფო ორგანოებს შორის. იგი მუდმივად ჩართულია საწარმოების წინაშე დაყენებული საკითხების განხილვისა და გადაწყვეტილებების მიღების პროცესში;

პალატის ძირითადი მიზანია ასსპა-ს წევრების ბიზნესინტერესების დაცვა ადგილობრივ და ასევე ცენტრალურ ხელისუფლებაში, საქართველოს პარლამენტში და სახელმწიფო მარეგულირებელ ორგანოებში;

ასსპა რეგულარულად სწავლობს და უკეთებს ანალიზებს აჭარის რეგიონში მიმდინარე ეკონომიკურ პროცესებს, ადგენს და აქვეყნებს სტატისტიკურ მონაცემებს რეგიონის ეკონომიკის სექტორების მიხედვით. ექსპორტის ხელშეწყობის მიზნით, ასსპა მეწარმეებს სთავაზობს სხვადასხვა სახის სერვისებს;

ასსპა გამუდმებით მუშაობს ინვესტორების მოსაზიდად, იწვევს და ღებულობს ბიზნესდელეგაციებს, მართავს ერთობლივ ფორუმებს და სემინარებს.

3. საგანგებო და გადაუდებელი სიტუაციების მართვა

3.1. ბუნებრივი და ტექნოგენური ხასიათის საგანგებო სიტუაციების პრევენცია, რეგულირება და მართვა (პროგრამული კოდი 1051)

სააგენტოს რაიონული რეაგირების ჯგუფებისათვის თანამედროვე სამძებრო-სამაშველო აღჭურვილობისა და ტექნიკური საშუალებებით  უზრუნველყოფა;

მაშველების ეტაპობრივი გადამზადება და პროფესიული უნარ-ჩვევების ამაღლება;

ბუნებრივი და ტექნოგენური ხასიათის საფრთხეების პრევენციისა და  მათი შედეგების დაძლევის ტექნოლოგიებისა და მეთოდების დახვეწა და საერთაშორისო სტანდარტებამდე ამაღლება. ამ მიზნით მუნიციპალიტეტებთან თანამშრომლობით მოხდება თითოეულ მუნიციპალიტეტსა და სოფელში არსებული რისკების შესახებ სათანადო ინფორმაციის შეგროვება, შესაბამისი რუკების შექმნა,  სოფლებში არსებული რესურსების შესახებ დეტალური ინფორმაციის შეგროვება;

სხვადასხვა ორგანიზაციებთან თანამშრომლობით საგანგებო სიტუაციებზე რეაგირების გეგმების  შექმნა  და   თითოეულ მუნიციპალიტეტში, თემსა თუ სოფელში საგანგებო სიტუაციების წინააღმდეგ მებრძოლი საინიციატივო ჯგუფის ჩამოყალიბება;

 ჩატარდება აქტიური სამოქალაქო თავდაცვის ღონისძიებები;

4. გარემოსა და ბუნებრივი რესურსების დაცვა

აჭარის ავტონომიური რესპუბლიკის მთავრობის გარემოს დაცვის პოლიტიკის მთავარი პრიორიტეტები რეგიონში გარემოს ინტეგრირებული მართვის ხელშეწყობა და ტყეების მდგრადი მართვაა. ასევე არანაკლებ მნიშვნელოვანია საქმიანობა გეოლოგიური მონიტორინგის, სანაპირო ზოლის დაცვისა და საზოგადოების ეკოლოგიური ცნობიერების ამაღლების კუთხით. სხვადასხვა ეკოლოგიური პრობლემის გადაჭრის მიზნით ხორციელდება მიზნობრივი პროგრამები. გარემოს დაცვის სფეროსთან დაკავშირებული საკითხების ირგვლივ მიმდინარეობს თანამშრომლობა სხვადასხვა ეროვნულ და საერთაშორისო, სამთავრობო და არასამთავრობო ორგანიზაციასთან.

4.1. გარემოს დაცვისა და ბუნებრივი რესურსების სფეროში პოლიტიკის შემუშავება და მართვა (პროგრამული კოდი 10321)

აჭარის ავტონომიური რესპუბლიკის მთავრობის გარემოს დაცვის პოლიტიკის სტრატეგიული მიმართულებების, აჭარის ავტონომიური რესპუბლიკის რეგიონული განვითარების სტრატეგიის გარემოს დაცვის ნაწილით გათვალისწინებული ღონისძიებების დაგეგმვა და განხორციელება;

აჭარის ავტონომიური რესპუბლიკის ტერიტორიაზე ატმოსფერული ჰაერის ეკოლოგიურ მდგომარეობისა და წყლის ხარისხზე მიმდინარე მონიტორინგის გაძლიერება. მონიტორინგის შედეგების ანალიზი. სფეროში არსებული პრობლემების გადაწყვეტის ღონისძიებების დაგეგმვა და განხორციელება;

ნარჩენების მართვის სისტემის სრულყოფა. ახალი ნაგავსაყრელი პოლიგონის მშენებლობისა და ამოქმედებისათვის საჭირო ღონისძიებების განხორციელება. სახიფათო ნარჩენებით დაბინძურების კერების გამოვლენა და მათი სრული ლიკვიდაცია;

აჭარის ბიომრავალფეროვნების მონიტორინგის სისტემის ჩამოყალიბება;

აჭარის ზღვის სანაპიროსა და მდინარეების ნაპირების გამაგრება, მათი ეკოლოგიური შედეგების ანალიზი და რისკების მინიმიზაცია;

სტიქიურ-გეოლოგიურ მოვლენებზე მონიტორინგის გაძლიერება. პრევენციული ღონისძიებების დაგეგმვა. გეოლოგიის სამსახურის სპეციალისტების კვალიფიკაციის ამაღლება;

4.2. სატყეო სექტორის განვითარება (პროგრამული კოდი 10322)

აჭარის ავტონომიური რესპუბლიკის მთავრობის საქმიანობის ერთ-ერთი პრიორიტეტული მიმართულებაა აჭარის ავტონომიური რესპუბლიკის განსაკუთრებულ განმგებლობაში არსებული სატყეო მეურნეობის მდგრადი მართვა. სსიპ „აჭარის სატყეო სააგენტო“ მიზნად ისახავს რეგიონში დანერგოს მდგრადი ტყითსარგებლობა. ამისათვის უკვე მიმდინარეობს და მომავალშიც იგეგმება ხე-ტყის მოპოვების პროცედურის გამარტივება, სოციალური ჭრებისათვის ტყეკაფების გამოყოფა და ტყის ფიზიკური დაცვის ღონისძიებების გამკაცრება. ასევე მნიშვნელოვანია ტყეების სანიტარიულ-ეკოლოგიური მდგომარეობის გაუმჯობესება;

აჭარის ტყეებში ფართოდ არის გავრცელებული ტყის მავნებელი მწერები, რომლებიც ანადგურებენ ტყეების საკმაოდ მოზრდილ მასივებს. ამ მხრივ საჭიროა პრევენციული ღონისძიებების გატარება, კერძოდ: მავნებლების წინააღმდეგ ბიოლოგიური ბრძოლა (ტყეებში მწერდამჭერი ფერომონების განთავსება, დაავადებული ხე–ტყის გამოტანა და სხვა.) ტყეკაფების ათვისებისა და უნებართვო ჭრების შემცირებისათვის აუცილებელია სატყეო–სამეურნეო გზების ქსელის ოპტიმალური გაფართოება;

დიდი მნიშვნელობა აქვს ტყეების აღდგენა-განახლების პროცესს, რომელიც ორი მიმართულებით წარიმართება:

1. ტყეების ბუნებრივი განახლება შემოღობვისა და აჩიჩქვნის მეთოდით;

2. ჭრაგავლილი თუ სხვა სახით დაზიანებული კორომების ხელოვნური განაშენიანება. განაშენიანების პროცესის ეფექტურად წარმართვისათვის საჭიროა სანერგე მეურნეობების მოწყობა. ტყეების მონიტორინგისა და სატყეო სფეროს განვითარებისათვის მიზანშეწონილია სამეცნიერო-ექსპერიმენტული საქმიანობის მხარდაჭერა;.

4.3. გარემოსდაცვითი ღონისძიებები (პროგრამული კოდი 10323)

პროგრამა მოიცავს 4 ქვეპროგრამას, რომლებიც გამიზნულია ლოკალური გარემოსდაცვითი პრობლემების მოგვარებისათვის;

პროგრამის განხორციელების შედეგად მომზადდება მუდმივად განახლებადი ინფორმაცია აჭარაში ატმოსფერული ჰაერისა და წყლის ხარისხობრივი მდგომარეობის შესახებ, რომლის ანალიზიც საშუალებას მოგვცემს შემდგომი აუცილებელი ღონისძიებების დაგეგმვისა და განხორციელებისას.  ასევე ერთი წლის განმავლობაში თავიდან იქნება აცილებული ბათუმისა და ქობულეთის სანაპიროების წარეცხვა (აბრაზია). კონკრეტულ ადგილებში ეროზიის შეჩერების მიზნით, განხორციელდება ეროზიამდეგი მცენარეულობით განაშენიანების ღონისძიებები;

5. ჯანმრთელობის დაცვა და სოციალური უზრუნველყოფა

ქვეყნის მასშტაბით მოსახლეობის ჯანმრთელობის დაცვის მიზნით ხორციელდება მთელი რიგი სახელმწიფო და ადგილობრივი პროგრამები, რომლითაც დაცულია ადამიანების უფლება ამ სფეროში. მიუხედავად ამისა მოსახლეობის გარკვეული ფენებისათვის, განსაკუთრებით იმ ადამიანებისათვის, რომლებიც იმყოფებიან სიღარიბის ზღვარზე ან/და სიღარიბის ზღვრათან ახლოს, ხელმიუწვდომელი რჩება ფასიანი სამედიცინო მომსახურება,  ისინი მოკლებულნი არიან საშუალებას მიიღონ დროული, გადაუდებელი სამედიცინო დახმარება. უსახსრობის გამო სამედიცინო დაწესებულებებს მიმართავენ დიდი დაგვიანებით, დაავადებების გართულებული ფორმებით, რომელთა მკურნალობა უფრო დიდ ხარჯებთანაა დაკავშირებული. შედეგად იზრდება მკურალობასთან დაკავშირებული ფინანსური რისკები, დაავადების გართულებების ალბათობა, მცირდება მკურნალობის ეფექტურობის მაჩვენებელი, იზრდება შესაძლებლობების შეზღუდვის რისკი, ლეტალობა.

პრიორიტეტის ფარგლებში შესაბამისი პროგრამებით ხორციელდება სოციალურად დაუცველ ფენებზე და დაავადების მაღალი რისკის ჯგუფებზე, მოსახლეობის ჯანმრთელობისა და ცხოვრების ჯანსაღი წესის დამკვიდრების ხელშეწყობა, დაავადებათა პრევენცია და კონტროლი, გარკვეული კატეგორიებისათვის სოციალური დახმარებების გაცემა, მაღალმთიან მუნიციპალიტეტებში დასაქმებული ზოგიერთი სამედიცინო პერსონალის მატერიალური სტიმულირება, პროფესიული სწავლება და დასაქმების ხელშეწყობა;

5.1. ჯანმრთელობისა და სოციალური დაცვის სფეროს პოლიტიკის შემუშავება და მართვა (პროგრამული კოდი 1071)

აჭარის ავტონომიურ რესპუბლიკაში ჯანმრთელობის, სოციალური დაცვის, დევნილთა და განსახლების სფეროში საქართველოს ერთიანი სახელმწიფო პოლიტიკის განხორციელება;

სამედიცინო მომსახურებისადმი ხელმისაწვდომობის გაუმჯობესება მიზნობრივი ჯგუფებისათვის;

სოციალური დაცვის ღონისძიებების გაფართოება და დახვეწა;

უწყების საქმიანობის საჯაროობის უზრუნველყოფა და მოსახლეობის ინფორმირება ხელმისაწვდომი სოციალური მომსახურების შესახებ;

სამინისტროს ინსტიტუციური შესაძლებლობების გაძლიერება;

5.2. დასაქმების ხელშეწყობა და მართვა (პროგრამული კოდი 10721)

ხორციელდება დასაქმების ხელშეწყობა აჭარის რეგიონში. რეგიონის  მასშტაბით,  ექვსივე თვითმართველ ერთეულში,  შექმნილია  აჭარის ავტონომიური რესპუბლიკის დასაქმების  სააგენტოს რაიონული განყოფილებები, რომელთაც  გააჩნიათ მიგრაციის საერთაშორისო ორგანიზაციის მიერ შექმნილი და დაპატენტებული ელექტრონული მონაცემთა ბაზა  სამუშაოს  მაძიებელთა და არსებული ვაკანსიების დასარეგისტრირებლად. შესაბამისი პროგრამული უზრუნველყოფა  საშუალებას იძლევა მოთხოვნილი ვაკანსიის მიხედვით მოიძებნოს შესაბამისი უნარ-ჩვევებისა და კვალიფიკაციის მქონე სამუშაოს მაძიებელი პირი;

5.3. პროფესიული გადამზადება (პროგრამული კოდი 10722)

შრომის ბაზარზე არსებული მოთხოვნებიდან გამომდინარე მთელ რიგ პროფესიებში (სასტუმროს საქმის მწარმოებელი, ბარმენი, მზარეული, სამკერვალო ნაწარმის სპეციალისტი, სამშენებლო სფეროები, ავტომობილის ზეინკალი და ა. შ) ხშირია შემთხვევები როდესაც ვერ საქმდებიან შესაბამისი კვალიფიკაციის არარსებობის გამო. მოქალაქეები, განსაკუთრებით 100 000-მდე სარეიტინგო ქულის მქონე ბენეფიციარები,თავიანთი სოციალური სტატუსიდან გამომდინარე მოკლებულნი არიან საკუთარი სახსრებით დაეუფლონ ზემო აღნიშნულ პროფესიებს. აღნიშნულის გათვალისწინებით ქ. ბათუმში უკვე ხორციელდება 100 000-მდე სარეიტინგო ქულის პირების პროფესიული გადამზადების პროგრამა ქ. ბათუმის მერიის მიერ, თუმცა დანარჩენ მუნიციპალიტეტებში ჯერ კიდევ არ არსებობს მსგავსი პროგრამები. აღნიშნულის უზრუნველსაყოფად აუცილებელია პირველ ეტაპზე განხორციელდეს ხელვაჩაურის, ქობულეთის, ქედის, შუახევისა და ხულოს მუნიციპალიტეტებში მცხოვრები 100 000-მდე ქულის მქონე 200 მოქალაქის პროფესიული გადამზადება;

შეზღუდული შესაძლებლობის მქონე პირები, რომლებსაც გააჩნიათ ზომიერი შეზღუდულობის სტატუსი და არ სარგებლობს სახელმწიფო პენსიით, ხშირ შემთხვევაში მოკლებული არიან დასაქმების შესაძლებლობას მათი ფიზიკური მდგომარეობიდან გამომდინარე და არ გააჩნიათ უმეტეს შემთხვევაში შესაბამისი პროფესიული განათლება. სახელმწიფოს მიზანია ხელი შეუწყოს ასეთი კატეგორიის მქონე მოქალაქეებს მათი ფიზიკური მდგომარეობის გათვალისწინებით სოციალურ გარემოში ადაპტაცია. პროგრამის მიხედვით გათვალისწინებულია ქ. ბათუმისა და ხელვაჩაურის მუნიციპალიტეტში მცხოვრები 30 შეზღუდული შესაძლებლობის პირების გადამზადება;

5.4.  ჯანმრთელობის დაცვისა და სამედიცინო პროფილაქტიკური პროგრამები (პროგრამული კოდი 1073)

სამინისტროს 2013-2016 წლების მიზნობრივი პროგრამები თავისი შინაარსითა და მოცულობით განსხვავდება წინა წლების პროგრამებისაგან, ისინი ძირითადად ორიენტირებულნი არიან სოციალურად დაუცველ ფენებზე და დაავადების მაღალი რისკის ჯგუფებზე. მიზნად ისახავენ სხვადასხვა სოციალურად დაუცველი კატეგორიის ადამიანებისათვის გადაუდებელ ჰოსპიტალურ დახმარებას, გეგმურ ჰოსპიტალურ მომსახურებას, ონკოლოგიურ დახმარებას, ბავშვთა რეაბილიტაციას, რესურსტევად კარდიოქირურგიულ მკურნალობასთან დაკავშირებულ  ფინანსური  რისკებისგან დაცვას, მათი  ჯანმრთელობის შენარჩუნებასა და გაუმჯობესებას, სოფლის მოსახლეობისათვის ექიმამდელი სამედიცინო დახმარების მიწოდებას;

5.5. სოციალური დაცვის პროგრამები (პროგრამული კოდი 1075)

სამინისტრო გამოყოფს მოსახლეობის გარკვეულ კატეგორიებს, რომელთა  სოციალურ-ეკონომიკური მდგომარეობა მოითხოვს სახელმწიფოს მხრიდან თანადგომას. პირველ რიგში, ეს არის 100 წლის და მეტი ასაკის მოქალაქეები, რომლებიც განიცდიან ეკონომიკურ სიდუხჭირეს და საჭიროებენ   მატერიალურ მხარდაჭერას;

შშმ და ხანდაზმული პირები გადაადგილებების საშუალებებით, სავარძელ-ეტლებით მარაგდებიან  სახელმწიფო პროგრამით და სხვადასხვა ჰუმანიტარული ორგანიზაციების მიერ. მოწოდებული საქონელი არასაკმარისია და ამ კატეგორიის ადამიანების დიდი ნაწილი დარჩენილია სავარძელ-ეტლების გარეშე, რაც არასრულფასოვანს ხდის მათ ცხოვრებას;

შშმ პირებისა და ხანდაზმული ადამიანების გადაადგილების საშუალებებით, სავარძელ-ეტლებით უზრუნველყოფა ხელს შეუწყობს  მათ საზოგადოებაში ინტეგრაციას, გააუმჯობესებს ცხოვრების გარემოს;

შშმ პირებისა და ხანდაზმული ადამიანების დამხმარე  საშუალებებით - სმენის აპარატებით უზრუნველყოფა  ხელს შეუწყობს მათ საზოგადოებაში ინტეგრაციას, აამაღლებს მათი სოციალური ადაპტაციის ხარისხს.

მიუსაფარ დედათა და ბავშვთა თავშესაფრით უზრუნველყოფით განხორციელდება აღნიშნული პირების მატერიალური და  მორალური მხარდაჭერა;

მაღალმთიან  მუნიციპალიტეტებში  სამედიცინო პერსონალის მატერიალური წახალისების პროგრამით შესაძლებელი იქნება საექიმო კადრების დეფიციტისა და მაღალი დენადობის შემცირება აჭარის ავტონომიური რესპუბლიკის  მაღალმთიან მუნიციპალიტეტებში,  მოსახლეობისათვის გეოგრაფიული მდებარეობისა და კლიმატური პირობების გამო გართულებული  კვალიფიციური სამედიცინო მომსახურების მიწოდების უზრუნველსაყოფად.

5.6. საზოგადოებრივი ჯანდაცვის ცენტრი (პროგრამული კოდი 1076)

აჭარის ავტონომიურ რესპუბლიკაში  კეთილსაიმედო ეპიდემიოლოგიური მდგომარეობის უზრუნველყოფა, რომელიც მოიცავს გადამდები და საზოგადოებრივი მნიშვნელობის მქონე არაგადამდები დაავადებებისა და რისკების გამოვლენას, საინფორმაციო სისტემის ფუნქციონირებას, დაავადებათა  კონტროლს და პრევენციას;

მიზნობრივი პროგრამების და საზოგადოებრივი ჯანმრთელობის დაცვის სახელმწიფო თუ ადგილობრივი ღონისძიებების განხორციელება და მონიტორინგი;

იმუნოპროფილატიკის დაგეგმვა, მისი ლოჯისტიკური უზრუნველყოფა და განორციელების ზედამხედველობა;

არაგადამდებ დაავადებათა და ჯანმრთელობის რისკების კვლევა, მონიტორინგი, პრევენციულ ღონისძიებებზე რეკომენდაციების შემუშავება;

მოსახლეობის ინფორმირებულობის დონის გაზრდა მოსწავლე-ახალგაზრდობასა და მოსახლეობის ცალკეულ ჯგუფებში;

გადამდებ დაავადებათა ეპიდზედამხედველობა (მ.შ. ცოფი) და კონტროლი, ეპიდაფეთქებებისა და ეპიდემიების მიზეზების დადგენა, ეპიდსაწინააღმდეგო და პრევენციული ღონიოსძიებების განხორციელება. განსაკუთრებით საშიში და მასთან გათანაბრებული ინფექციების კერებში ეპიდემიოლოგიური კვლევების ჩატარება;

რეგიონში, როგორც ჰიპერმალარიოგენულ ტერიტორიაზე მალარიის საწინააღმდეგო ღონისძიებების გატარება ეპიდსეზონზე;

პრიორიტეტული საკითხის ირგვლივ სამიზნე ჯგუფებისა და მოსახლეობის ინფორმატიულობის ზრდა. საინფორმაციო თემატური მასალების მომზადება/გავრცელება, საგანმანათლებლო ღონისძიებების მომზადება საჯარო  სკოლის მოსწავლეებისა და სტუდენტებისათვის;

შერჩეულ სამიზნე ჯგუფში   სამედიცინო სკრინინგული გამოკვლევების განხორციელება დაავადების ადრეული გამოვლენის მიზნით;

6. რეგიონალური ინფრასტრუქტურა და ტურიზმი

რეგიონის განვითარებისა და მისი პოტენციალის რეალიზებისათვის განსაკუთრებით მნიშვნელოვანია შიდა სახელმწიფოებრივი სატვირთო და სამგზავრო სატრანს­პორტო სფეროს განვითარების ხელშეწყობა, საერთაშორისო სატრანზიტო პროექტებში რეგიონის პოტენციალის ინტეგრირების ხელშეწყობა;

ადგილობრივი მნიშვნელობის საავტომობილო გზებისა და საგზაო კომუნიკაციების რეაბილიტაცია-განვითარება და სამელიორაციო ინფრასტრუქტურის მშენებლობა, რეაბილიტაცია და მოვლა-შენახვა, სამელიორაციო სისტემების  მდგომარეობის შენარჩუნება და ახალი/მეორე მნიშვნელობის და შიდაქსელური  არხების რეაბილიტაცია. ხიდებისა და სხვა ხელოვნური ნაგებობების მშენენებლობა-რეაბილიტაცია, ადმინისტრაციულ და საკურორტო ცენტრებთან, ისტორიულ და კულტურულ ძეგლებთან მისასვლელი გზების შეკეთება-რეაბილიტაცია, მოდერნიზაცია და განვითარება.

ტურიზმისა და ტურისტული ბიზნესის განვითარება, არსებული ბუნებრივი, ისტორიული და კულტურული რესურსების გამოყენება რეგიონის ტურისტული პოტენციალის გასაძლიერებლად და ახალი ტურისტული პროდუქტების შესაქმნელად;

რეგიონის ტურისტული პოტენციალის პოპულარიზაცია საერთაშორისო ბაზარზე;

აჭარის ავტონომიური რესპუბლიკის ტერიტორიაზე ახალი ტურისტული და საკურორტო ობიექტების შექმნის მიზნით წინადადებების შემუშავება;

ტურისტული საინფორმაციო ცენტრების ქსელის გაფართოება; შიდა ტურიზმის განვითარების ხელშეწყობა, ამ მიზნით საინფორმაციო-სარეკლამო პროდუქციის შექმნა და გავრცელება;

მოსახლეობის გაჯანსაღების და დასვენების ეფექტური პირობების უზრუნველყოფა, საკურორტო ინფრასტრუქტურის შემდგომი გაფართოვება;

დამსვენებელთა დასვენებისა და ტურიზმის თანამედროვე მოთხოვნების შესაბამისი პირობების შექმნა.

6.1. საავტომობილო გზებისა და სამელიორაციო სისტემების მართვა (პროგრამული კოდი 10361)

პროგრამის ფარგლებში განხორციელდება მუნიციპალიტეტში არსებული საგზაო და სამელიორაციო ინფარსტრუქტურული პროგრამების დროული და შეუფერხებლად განხორციელების ადმინისტრირება;

6.2. საგზაო და სამელიორაციო ინფრასტრუქტურის მშენებლობა, რეაბილიტაცია და მოვლა-შენახვა  (პროგრამული კოდი 10362)

პროგრამის ფარგლებში განხორციელდება მუნიციპალიტეტებში არსებული რეაბილიტირებული ცენტრალური გზებისა და სამელიორაციო სისტემების  მდგომარეობის შენარჩუნება და ახალი/მეორე მნიშვნელობის და შიდაქსელური  გზებისა და არხების   რეაბილიტაცია. არსებული და რეაბილიტირებული გზებისა და სამელიორაციო სისტემების მოვლა-შენახვა;

ხელოვნური ნაგებობების რეაბილიტიცია ან მშენებლობა;

ზამთრის პერიოდში თოვლის საფარისაგან სისტემატიურად გზების გაწმენდა,  ზამთრის შემდგომი და წყალდიდობის შედეგად გადარეცხილი გზების მოვლა-შენახვა, საგზაო ნიშნების მოწყობა, ორმულების შეკეთება,  ბურღვააფეთქებითი სამუშაოების ჩატარება, მთებსა და საძოვრებზე მიმავალი გზების რეაბილიტაცია, წყალგამტარი მილების მოწყობა. გზების გაწმენდითი  თუ მოვლა-შენახვითი სამუშაოებისათვის სპეციალური ტექნიკის შეძენა.

6.3.  ტურიზმისა და კურორტების სფეროში პოლიტიკის შემუშავება და მართვა (პროგრამული კოდი 10331)

ქვეყანაში ტურიზმისა და კურორტების სფეროს ერთიანი სახელმწიფო პოლიტიკის ფორმირებასა და განხორციელებაში მონაწილეობა; 

აჭარის ავტონომიურ რესპუბლიკაში ტურიზმისა და კურორტების დარგში მიმდინარე პროცესების ანალიზი და მისი გაუმჯობესების მიზნით შესაბამისი წინადადებების შემუშავება; 

აჭარის ავტონომიური რესპუბლიკის ტურისტული ცენტრებისა და კურორტების რეკლამის მიზნით გამოფენების-ბაზრობების მოწყობა, აგრეთვე საზღვარგარეთ ჩატარებულ ანალოგიურ ღონისძიებებში მონაწილეობის მიღება;                     

აჭარის ავტონომიური რესპუბლიკის ტერიტორიაზე  ახალი ტურისტული და საკურორტო ობიექტების შექმნის მიზნით წინადადებების  შემუშავება  და წარდგენა;   

ვებგვერდის განახლება და ოპტიმიზაცია;

6.4.  ტურიზმის სფეროში მომსახურების მიწოდება  (პროგრამული კოდი 10332)

რეგიონის ღირშესანიშნაობების შესახებ ინფორმაციის შეგროვება;

 ახალი ტურისტული პროდუქტის შექმნა;

ახალი ტურისტული მარშრუტების შემუშავება და ორგანიზება;

6.5.  ტურიზმის განვითარების ხელშეწყობა (პროგრამული კოდი 10334)

რეგიონის  ტურისტული პოტენციალის პოპულარიზაცია ქვეყნის შიდა და საერთაშორისო ბაზარზე;

სარეკლამო კამპანიების წარმოება, სარეკლამო-საინფორმაციო პროდუქციის მომზადება და გავრცელება და  საერთაშორისო და ქვეყნის შიგნით ბაზრობა-გამოფენებში მონაწილეობა;

ტურიზმის სფეროში, საერთაშორისო სტანდარტების ხელმისაწვდომობის უზრუნველყოფის მიზნით  თანამშრომლობა (გაწევრიანება) შესაბამის ორგანიზაციებთან;

6.6.  სსიპ „კურორტი ბეშუმი“ (პროგრამული კოდი 1101)

საკურორტო ინფრასტრუქტურის შემდგომი განვითარების ღონისძებების შემუშავება;

მოსახლეობის დასვენების და გაჯანსაღების მიზნით შესაბამისი პირობების შექმნა და სრულყოფა;

6.7.  სსიპ „ბათუმის ბულვარი“ (პროგრამული კოდი 1102)

მოსახლეობის გაჯანსაღების და დასვენების ეფექტური  პირობების უზრუნველყოფა.

 საკურორტო ინფრასტრუქტურის შემდგომი გაფართოვება.

დასვენებისა და ტურიზმის თანამედროვე მოთხოვნების შესაბამისი პირობების შექმნა.

მწვანე ნარგავების, დეკორატიული მცენარეების,  ყვავილების დარგვა  მოვლა-პატრონობა, დეკორატიული გაფორმება, პროგრამის ფარგლებში განხორციელდება აგროტექნიკური  სამუშაოები (ნიადაგის დამუშავება–განაყოფიერება) ყვავილების, დეკორატიული მცენარეების დარგვა და შემდგომი მოვლა-პატრონობა. სპორტული მოედნების, ატრაქციონების  და შადრევნების მოვლა-პატრონობა.

ბულვარის  პროექტებისა და პერსპექტიული პროგრამების დამუშავებასთან დაკავშირებული საქმიანობა;  ადგილობრივი და საერთაშორისო  ბაზრის მარკეტინგული კვლევების მონაცემთა ბაზის  შექმნა, ანალიზის  განხორციელება  და  საინფორმაციო  ბაზის  შექმნა.

6.8.  სსიპ „ტექნიკური და სამშენებლო ლაბორატორია“ (პროგრამული კოდი 1121)

სამშენებლო მასალებისა და სამშენებლო ნაკეთობების, აგრეთვე სხვადასხვა სახის საინჟინრო-ტექნიკური დანადგარ-მოწყობილობების ხარისხის ლაბორატორიული კონტროლი. კომპეტენციის ფარგლებში სპეციალიზირებული სტაციონარული მოწყობილობების, მობილური აპარატებისა და შესაბამისი სპეციალისტების მეშვეობით  ლაბორატორიული კვლევებისა და გამოცდების ორგანიზება;

შენობა-ნაგებობებისა და დანადგარ-მოწყობილობების მშენებლობის, მონტაჟის, დემონტაჟისა და ექსპლუატაციისას ტექნიკური დანადგარ-მოწყობილობების, საამშენებლო მასალებისა და ნაკეთობების ტექნიკური პარამეტრების გამოკვლევა, ანალიზის ჩატარება და ვარგისიანობის დადგენა;

7. აჭარის ავტონომიური რესპუბლიკის აგროსასურსათო სექტორი

სოფლის მეურნეობა და მისი განვითარება აჭარის ავტონომიური რესპუბლიკის ერთ-ერთი პრიორიტეტული სფეროა. იგი წარმოადგენს ფერმერთა შემოსავლების უმთავრეს წყაროს, როგორც ფულადი, ასევე ნატურალური ფორმით. აგროსასურსათო სექტორის ძირითადი ფუნქცია სასურსათო უსაფრთხოების უზრუნველყოფაა. აქედან გამომდინარე რეგიონის მოსახლეობის ეკონომიკური კეთილდღეობის მიღწევა დამოკიდებულია ადგილობრივი წარმოების კონკურენტუნარიანობის ზრდაზე, თანამედროვე აგროტექნოლოგიების დანერგვაზე, ნიადაგის პროდუქტიულობის ამაღლებასა და აგრარულ სფეროში დასაქმებულთა ცოდნის გაფართოებაზე. რეგიონში სოფლის მეურნეობის უმთავრეს სექტორებს წარმოადგენს: მეციტრუსეობა, მევენახეობა-მეხილეობა, მებოსტნეობა, მეცხოველეობა, მეფუტკრეობა, მეთევზეობა და სხვა. აჭარის ავტონომიური რესპუბლიკის მცირე მიწიანობის მიუხედავად ერთეულ ფართობზე დაბალია სასოფლო-სამეურნეო პროდუქციის წარმოების მაჩვენებელი, რაც განპირობებულია დაბალი აგროტექნიკური ფონით, ამორტიზირებული ნარგავებითა და თანამედროვე ტექნოლოგიების დანერგვის დაბალი დონით. რეგიონში ტურისტული ინფრასტრუქტურის გაფართოებასთან დაკავშირებით რიგ სასოფლო-სამეურნეო პროდუქციაზე მნიშვნელოვნად გაიზარდა მოთხოვნა. გამომდინარე აქედან დღის წესრიგში დადგა საკითხი აღნიშნულ დარგებში სახელმწიფოს მხრიდან დამატებითი სტიმულირებისა და შესაბამისი პროგრამებისა და ღონისძიებების განხორციელების აუცილებლობის შესახებ.

7.1.  აგროსასურსათო სექტორის განვითარების პოლიტიკის შემუშავება და მართვა (პროგრამული კოდი 1081)

რეგიონის აგროსასურსათო სექტორის განვითარების მიზნით აგრარული პოლიტიკის შემუშავება ეროვნული ტრადიციებისა და საერთაშორისო გამოცდილებების გათვალისწინებით;

რეფორმების დაგეგმვა და განხორციელება;

აგროსასურსათო სექტორში წარმოების ზრდის ხელშეწყობა, სასოფლო-სამეურნეო პროდუქციის რეალიზაციისა და ექსპორტის ხელშეწყობა,  სასურსათო უსაფრთხოებისათვის საჭირო ღონისძიებების დაგეგმვა;

დარგში ინვესტიციების მოზიდვის ხელშეწყობა;

პროგრამული ღონისძიებების დაგეგმვა და განხორციელება;

7.2.  ფერმერული მეურნეობის განვითარების ხელშეწყობა (პროგრამული კოდი 1082)

აჭარის ავტონომიური რესპუბლიკის მოსახლეობის სიმჭიდროვისა და ტურისტული ნაკადის მატებასთან ერთად  სასოფლო-სამეურნეო პროდუქციის (ბოსტნეული, ხილი, ხორცი, კვერცხი) მოთხოვნა-მიწოდებას  შორის სხვაობა ძალზე დიდია. ადგილზე არსებული რეზერვების საშუალებით საჭიროა ისეთი ქმედითი ღონისძიებების გატარება, რომელიც ორიენტირებული იქნება სოფლად ახალი ტექნოლოგიების დანერგვაზე და კონკურენტუნარიანი პროდუქციის ხარისხობრივ და  რაოდენობრივ მატებაზე.

 გათვალისწინებულია მებოსტნეობაში ფერმერების უზრუნველყოფა სასათბურე კონსტრუქციებით;

ამორტიზირებული სასოფლო-სამეურნეო ტექნიკის ახალი და თანამედროვე ტექნიკით ჩანაცვლება;

 მეციტრუსეობასა   და მეხილეობაზე  ორიენტირებული  ფერმერები მიიღებენ ციტრუსის, ხურმის, აქტინიდიის, კაკლისა  და სხვა  ხეხილოვანთა ნერგებს;

 მეცხოველეობაში, კერძოდ  მეფუტკრეობის დარგით დაინტერესებულები მიიღებენ  ფუტკრის თანამედროვე ტიპის სკებს;

აგრარული სფეროს ერთ-ერთი ამოცანაა ასევე ფერმერული სასოფლო-სამურნეო წარმოების სხვადასხვა ფორმების შემუშავება და დანერგვა ადგილობრივი სპეციფიურობისა და მსოფლიოში დამკვიდრებული მოდელების გამოყენებით. უნდა მოხდეს შესწავლილი სამეცნიერო-კვლევით და პრაქტიკული პროექტების გამოცდილების ამსახველი მასალების სისტემატიზაცია და სასოფლო გაერთიანებების ჩამოყალიბება შემუშავებული შესაძლო ალტერნატიული მოდელების საფუძველზე;

 ქვეპროგრამის მიზანია ადგილობრივი სასოფლო-სამეურნეო პროდუქციის წარმოება და  ბაზარზე კონკურენტუნარიანი პროდუქციის დამკვიდრება, სოფლად მცხოვრები მოსახლეობის შემოსავლების ზრდა კერძო და ფერმერული მეურნეობების განვითარების საფუძველზე.

7.3. მემცენარეობის დარგის განვითარების მიზნით კვლევები და პრევენციული ღონისძიებები (პროგრამული კოდი 1083)

აჭარის მცირემიწიანი რეგიონისათვის სხვა აგროტექნიკური ღონისძიებების გატარებასთან ერთად მეტად მნიშვნელოვანია მავნებელი დაავადებების მავნეობის დიაგნოსტიკა და მათ   წინააღმდეგ ბრძოლის ღონისძიებებისათვის აგროვადების სწორი შერჩევა, ასევე ნიადაგის ნაყოფიერების ამაღლების მიზნით მასში მაკროელემენტებისა და არის რეაქციების განსაზღვრა, რათა ფერმერმა სწორად განახორციელოს შემდგომი აგროტექნოლოგიური ღონისძიებები, სწორად შეარჩიოს და აგროვადებში გამოიყენოს შესაბამისი პესტიციდებისა და აგროქიმოკატების. პროგრამის მიზანია ზონალური თავისებურებებისა და სასოფლო–სამეურნეო საწარმოო მიმართულებების გათვალისწინებით ცალკეული მუნიციპალიტეტებისა და თემებისათვის მცენარეთა მავნებელ დააავედებების დიაგნოსტიკა, ნიადაგის, პესტიციდებისა და აგროქიმიკატების ლაბორატორიული კვლევა და შედეგად პრევენციული ღონისძიებების გატარება.    

7.4.  აგროსერვისის განვითარება აჭარის ავტონომიური რესპუბლიკაში   (პროგრამული კოდი 1084)

ფუნქციონალურ ვალდებულებათა განხორციელების მიზნით მატერიალურ-ტექნიკური ბაზის სრულყოფა და სისტემური განახლება;

შრომითი, მატერიალური და ფულადი რესურსების მართვა, კადრების კვალიფიკაციის დონის ამაღლება;

მემცენარეობა-მეცხოველეობის დარგში პროგრამების დროული და შეუფერხებლად განხორციელების ადმინისტრირება.

მემცენარეობის დარგში თანამედროვე აგროტექნოლოგიების დანერგვის ხელშეწყობა. ალტერნატიული სასოფლო-სამეურნეო კულტურების სანერგე მეურნეობებისა  და სადემონსტრაციო ნაკვეთების მოწყობა.

სუბტროპიკული და სერტიფიცირებული სარგავი მასალის წარმოების განვითარების ხელშეწყობა;

მეცხოველეობის დარგის განვითარების ხელშეწყობა, მათ შორის მეცხოველეობის დარგში ხელოვნური განაყოფიერების პრაქტიკის დანერგვისა და მაღალპროდუქტიული წვრილფეხა და მსხვილფეხა რქოსანი პირუტყვის სანაშენე ბაზისა და გენოფონდის შექმნა და განვითარების ხელშეწყობა;

ტექნოლოგიური სიახლეებისა და ინოვაციების პრაქტიკული დემონსტრირებით ფერმერთა და აგრომეწარმეთა კვალიფიკაციისა და ცნობიერების ამაღლება, სწალება-კონსულტირება;

7.5.  ტესტირება-სერტიფიცირების მომსახურების მიწოდება და მართვა (პროგრამული კოდი 1085)

წყლის და ნიადაგის ხარისხობრივი მაჩვენებლების დადგენის მიზნით აღებული ნიმუშების ლაბორატორიული კვლევები.

სურსათისა და პათმასალის ბაქტერიოლოგიური, ვირუსოლოგიური, პარაზიტოლოგიური, ქიმიური და სეროლოგიური გამოკვლევები და მცენარეთა მავნებელ-დაავადებების დიაგნოსტიკა.

ჩატარებული გამოკვლევების საფუძველზე სამსახურის მიერ პროდუქციის შესაბამისობის სერტიფიკატის გაცემა.

8. განათლება, მეცნიერება და პროფესიული მომზადება

ქვეყნის ძირითადი პრიორიტეტია განათლების მაღალი დონის მიღწევა. სამინისტრო გააგრძელებს განათლების სისტემის რეფორმის ფარგლებში დაწყებულ ღონისძიებებს,  საგანმანათლებლო დაწესებულებების სათანადო კადრებითა და შესაბამისი ინფრასტრუქტურით უზრუნველყოფის და მართვის ეფექტიანი სისტემის დანერგვის გზით. მაღალხარისხიანი განათლების გარეშე შეუძლებელია ღირსეული და მაღალანაზღაურებადი სამუშაო ადგილების შექმნა. ამ მიზნის მისაღწევად სახელმწიფო ხელს უწყობს საგანმანათლებლო დაწესებულებებში საუკეთესო საერთაშორისო სტანდარტების შესაბამისი ინფრასტრუქტურის განვითარებას. პრიორიტეტის ფარგლებში სამინისტრო განაგრძობს შესაბამისი პროგრამების განხორციელებას, რათა ზოგადი განათლების სისტემა მაქსიმალურად მიუახლოვდეს საერთაშორისო სტანდარტებს, რომ საგანმანათლებლო დაწესებულების კურსდამთავრებულებს შესაძლებლობა ჰქონდეთ, ღირსეული კონკურენტები იყვნენ დასაქმების მსოფლიო ბაზარზე;

განსაკუთრებული ყურადღება მიექცევა მაღალი ხარისხის პროფესიული განათლების შეთავაზებას, რაც აუცილებელი წინაპირობაა შრომის ბაზრის მაღალკვალიფიციური ადგილობრივი მუშახელით უზრუნველყოფისათვის, რაც თავის მხრივ დიდ გავლენას მოახდენს უმუშევრობის დონეზე;

პროფესიული და უმაღლესი განათლების სრულყოფის უზრუნველყოფას;

საგანმანათლებლო დაწესებულებების პროგრამების განხორციელებას საერთაშორისო საგანმანათლებლო სივრცესთან;

საზოგადოების თითოეულ წევრთან და საგანმანათლებლო დაწესებულებებთან ერთად განათლების ხარისხზე ზრუნვას, მის მუდმივ გაუმჯობესებას და აჭარაში საგანმანათლებლო სივრცის მიმართ ადგილობრივი და საერთაშორისო საზოგადოების ნდობის ამაღლებას;

საგანმანათლებლო დაწესებულებების ავტორიზაციისა და საგანმანათლებლო პროგრამების განხორციელების ხელშეწყობას, მასწავლებელთა პროფესიული განვითარების საგანმანათლებლო პროგრამების აკრედიტაციის ხელშეწყობას;

განხორციელდება საჯარო სკოლების მშენებლობა-რეაბილიტაცია, აჭარის ავტონომიური რესპუბლიკის ადმინისტრაციულ ტერიტორიაზე არსებული საჯარო სკოლების სახელმძღვანელოებით უზრუნველყოფა, სკოლა-პანსიონების რეაბილიტაცია-მშენებლობა მატერიალურ-ტექნიკური ბაზით აღჭურვა, საჯარო სკოლებში სხვადასხვა საგნის მასწავლებლებით უზრუნველყოფა, ნიჭიერი მოსწავლეების გამოვლენა და წახალისება, სასკოლო კლუბების ხელშეწყობა, უცხო ენებისა და კომპიუტერული სწავლების უფასო კურსები, ზოგადსაგანმანათლებლო დაწესებულებებში ინგლისური ენისა და ფიზიკა - მათემატიკის გაძლიერებული სწავლება, ინკლუზიური სწავლება, ყველა ბავშვს მიეცემა თანაბარი შესაძლებლობა თანატოლებთან ერთად სწავლისა და ხარისხიანი განათლების მიღებისა, ტურიზმის განათლების განვითარება, სტუდენტთა დაფინანსების მიზნობრივი პროგრამა, ახალგაზრდების პროფესიული სტაჟირება ევროპის რეგიონთა ასამბლეის წევრ-ქვეყნების სხვადასხვა დაწესებულებებში.

უმაღლესი საგანმანათლებლო დაწესებულების სამეცნიერო-კვლევითი და სხვა საქმიანობის მხარდაჭერა;

8.1.  განათლების, კულტურისა და სპორტის სფეროს პოლიტიკის შემუშავება და მართვა (პროგრამული კოდი 1061)

აჭარის ავტონომიური რესპუბლიკის ადმინისტრაციულ ტერიტორიაზე განათლების სფეროში ერთიანი სახელმწიფო პოლიტიკის გატარება;

აჭარაში ყველა მოქალაქისათვის განათლების მიღების თანაბარი შესაძლებლობის უზრუნველყოფა;

ზოგადი პროფესიული და უმაღლესი განათლების ხარისხის ამაღლება და ხელმისაწვდომობის გაზრდა;

კულტურის სფეროს განვითარება და პოპულარიზაცია;

კულტურული მემკვიდრეობის დაცვა-შენარჩუნება;

სახელოვნებო განათლების ხარისხის ამაღლება და კულტურისა და ხელოვნების სფეროს კვალიფიციური კადრების მომზადება;

მასობრივ-სპორტული და გამაჯანსაღებელი მუშაობის შემდგომი გაუმჯობესება;

 სპორტული ინფრასტრუქტურის რეაბილიტაცია და განვითარება;

8.2.  ზოგადი განათლების ხელშეწყობა და ხარისხის გაუმჯობესება (პროგრამული კოდი 1062)

განათლების, კულტურისა და სპორტის სფეროში საქართველოს განათლებისა და მეცნიერების სამინისტროს, საქართველოს კულტურის, ძეგლთა დაცვისა და სპორტის სამინისტროსა და აჭარის ავტონომიური რესპუბლიკის განათლების, კულტურისა და სპორტის სამინისტროს  ხელშეწყობა ერთიანი სახელმწიფო პოლიტიკის განხორციელებაში;

კანონმდებლობით მინიჭებული უფლებამოსილების ფარგლებში კონტროლი საქართველოს განათლებისა და მეცნიერების სამინისტროს მიერ დამტკიცებული ეროვნული სასწავლო გეგმების, სტანდარტების  და სპეციალური საგანმანათლებლო პროგრამების შესრულებას მის სამოქმედო ტერიტორიაზე არსებულ საგანმანათლებლო დაწესებულებებში;

საინფორმაციო ბანკის შექმნა სამოქმედო ტერიტორიაზე არსებულ ზოგადსაგანმანათლებლო, პროფესიულ-საგანმანათლებლო, სააღმზრდელო, სკოლისგარეშე სახელოვნებო და სასპორტო საგანმანათლებლო და საგანმანათლებლო–სააღმზრდელო დაწესებულებების მატერიალურ-ტექნიკური, ადამიანური და ფინანსური რესურსების შესახებ;

ზოგადსაგანმანათლებლო, პროფესიულ-საგანმანათლებლო, სკოლისგარეშე სახელოვნებო, სასპორტო საგანმანათლებლო, სააღმზრდელო დაწესებულებებსა და აჭარის ავტონომიური რესპუბლიკის განათლების, კულტურისა და სპორტის სამინისტროს, საქართველოს განათლებისა და მეცნიერების სამინისტროსა და საქართველოს კულტურის, ძეგლთა დაცვისა და სპორტის სამინისტროს შორის ინფორმაციის გაცვლას და თანამშრომლობას;

ერთიანი ეროვნული გამოცდების ორგანიზებულად ჩატარების მიზნით საჯარო სამართლის იურიდიული პირის „შეფასებისა და გამოცდების ეროვნული ცენტრის“ საქმიანობზე მხარდაჭერა, საჭიროების შემთხვევაში  მატერიალურ-ტექნიური საშუალებებით უზრუნველყოფა;

8.3.  ზოგადი, პროფესიული და უმაღლესი განათლების სფეროს ხელშეწყობა (პროგრამული კოდი 1063)

განათლების სისტემაში მიმდინარე რეფორმის ხელშეწყობა და საჯარო სკოლების მშენებლობა-რეაბილიტაცია;

სკოლა-პანსიონების მატერიალურ-ტექნიკური ბაზით უზრუნველყოფა;

მოსწავლეების სასკოლო სახელმძღვნელოებით უზრუნველყოფა;

საჯარო სკოლებში სხვადასხვა საგნის მასწავლებლების დეფიციტის აღმოფხვრა;

სასკოლო კლუბების ხელშეწყობა;

ინკლუზიური სწავლებისა და პანსიონური მომსახურეობის დაფინანსება;

ტურიზმის განათლების განვითარება;

საზღვარგარეთ სტაჟირების ხელშეწყობა;

უწყვეტი განათლების ხელშეწყობა;

8.4. სახელოვნებო განათლების ხელშეწყობა (პროგრამული კოდი 10647)

პროგრამა ემსახურება სახელოვნებო განათლების, როგორც კულტურის პრიორიტეტული სფეროს ხარისხის ამაღლების ხელშეწყობას და კულტურისა და ხელოვნების სფეროს უზრუნველყოფას კვალიფიციური კადრებით, ასევე მოსწავლე-ახალგაზრდობის დაინტერესება ქორეოგრაფიით, კლასიკური მუსიკით და ხელოვნების სხვა დარგებით, შემეცნებითი აქტივობებით;

8.5. სკოლისგარეშე სასპორტო საგანმანათლებლო დაწესებულებების ხელშეწყობა (პროგრამული კოდი 1065)

ბავშვთა და მოზარდთა მაქსიმალური რაოდენობის ჩართვა სპორტულ-გამაჯანსაღებელ სექციებში, მათი მეთოდური აღზრდა და დაოსტატება;

ცხოვრების ჯანსაღი წესის პროპაგანდა და მისი დამკვიდრება მოზარდ თაობაში, მასობრივი სპორტის განვითარება;

სელექციის მეშვეობით შერჩეული პერსპექტიული ჭაბუკი სპორტსმენების წლიური საწვრთნელი პროცესის ორგანიზება და ნაკრები გუნდებისათვის რეზერვის მომზადება;

8.6. უმაღლესი განათლებისა და სამეცნიერო კვლევების ხელშეწყობა (პროგრამული კოდი 109)

უმაღლესი საგანმანათლებლო დაწესებულების სამეცნიერო-კვლევითი და სხვა საქმიანობის მხარდაჭერა;

9. კულტურის განვითარება, ხელშეწყობა და პოპულარიზაცია

ქვეყნის  ეკონომიკურ განვითარებასთან ერთად აუცილებელია, სახელმწიფომ ხელი შეუწყოს მისი მდიდარი კულტურული ტრადიციების დაცვას და ღირსეულ გაგრძელებას. სამინისტრო ხელს უწყობს აჭარის ავტონომიური რესპუბლიკის ადმინისტრაციულ ტერიტორიაზე არსებულ ხელოვნების დარგის განვითარებას და პოპულარიზაციას საქართველოში და მის ფარგლებს გარეთ;

აჭარის განათლების, კულტურისა და სპორტის სამინისტრომ შეიმუშავა პროგრამა, რომელიც თანმიმდევრულად დაგეგმილი საგანმანათლებლო პროექტებით, ფესტივალებით, გამოფენებით, და სემინარებით ხელს შეუწყობს ქვეყანაში სახვითი, გამოყენებითი და მულტიმედიური ხელოვნების განვითარებას;

დღეისათვის რეგიონში მხოლოდ ერთი კინოთეატრი ფუნქციონირებს, რაც უარყოფითად აისახება კინოხელოვნების განვითარებასა და პოპულარიზაციაზე. უდავოა კინოხელოვნების როლი თანამედროვე საზოგადოების განვითარებაში. კინო არის თანამედროვე გამოწვევებისა და პრობლემების მოსახლეობამდე მიტანის/გაცნობის ერთ-ერთი ყველაზე ეფექტური საშუალება. კინოხელოვნების განვითარება ხელს უწყობს მოსახლეობის ცნობიერების ამაღლებასა და სამოქალაქო აქტივობის გაზრდას;

რეგიონის კულტურული მემკვიდრეობის შესანარჩუნებლად და მომავალი თაობებისათვის მისი სრულყოფილი სახით გადასაცემად აუცილებელია ძეგლთა რეაბილიტაცია და კონსერვაცია. მათ შორის პრიორიტეტებია ხიხანისა და გონიოს ციხეები, საკულტო ნაგებობები და თაღოვანი ხიდები. უძრავი ძეგლების რეაბილიტაციის აუცილებლობა განპირობებულია ამ ობიექტების კულტურული ფასელობებებიდან გამომდინარე და მიზანშეწონილია აღნიშნული საკონსერვაციო-სარესტავრაციო სამუშაოების დაწყება, რომელიც შემდგომში გაგრძელდება და მომავალ თაობებს შეუნარჩუნებს იმ ფასეულ ღირებულებებს, რაც დღეს გაგვაჩნია კულტურული მემკვიდრეობის სახით. მოსაწესრიგებელია არსებული მუზეუმების მატერიალურ-ტექნიკური ბაზები.

მნიშვნელოვანია ფოლკლორის ხელშეწყობა და პოპულარიზაცია. ქართული ფოლკლორის ხელშეწყობა და ტრადიციების შენარჩუნება;

სასცენო და სამუსიკო ხელოვნების ხელშეწყობა;

ტელე-რადიო პროდუქციის შექმნა, ტელერადიომაუწყებლობის  შემდგომი სრულყოფა და განვითარება;

საგამომცემლო საქმიანობის ხელშეწყობა;

9.1. ფოლკლორისა და ხალხური ხელოვნების მხარდაჭერის პროგრამა (პროგრამული კოდი 10641)

ხალხური ხელოვნება ქართული კულტურის ერთ-ერთი უმნიშვნელოვანესი სფეროა. ის წარმოადგენს ,,ხალხის ცოდნის”, უნარისა და შემოქმედებითი ნიჭის გამოხატულების შედეგად შექმნილ კულტურულ მემკვიდრეობას. ხალხური ხელოვნების, მათ შორის სასიმღერო, საკრავიერო და ქორეოგრაფიული ხელოვნების ძირძველი, ავთენტური დარგების შენარჩუნებისა და პოპულარიზაციის მიზნით აჭარის განათლების, კულტურისა და სპორტის სამინისტრომ შეიმუშავა პროგრამა, რომელიც ითვალისწინებს ფოლკლორული ანსამბლების ტექნიკურ აღჭურვას და სასცენო ატრიბუტიკით უზუნველყოფას;

9.2. აჭარაში კინოწარმოების ხელშეწყობა (პროგრამული კოდი 10642)

აჭარაში სწარფი ტემპით ვითარდება ტურიზმი. აჭარის ავტონომიური რესპუბლიკის ინფრასტრუქტურული და საკურორტო პოტენციალის ზრდა მნიშვნელოვანი მოვლენაა საქართველოს რეალობაში. ამასთანავე, აჭარას განსაკუთრებული წვლილი შეაქვს ქვეყნის კულტურული ცხოვრების განვითარებაში. რეგიონს თავისი ბუნებრივი რესურსებიდან  გამომდინარე დიდი პოტენციალი გააჩნია რეგიონში ქართველი და  უცხოელი კინემატოგრაფისტების მოზიდვისათვის;

მიუხედავად აღნიშნული ფაქტორებისა, აჭარაში კინოინდუსტრია საჭიროებს განვითარებას და არ არსებობს კინოწარმოების წამახალისებელი მექანიზმი. კინოწარმოებისა და კინოინდუსტრიის განვითარება ხელს შეუწყობს არა მხოლოდ კულტურული ცხოვრების გააქტიურებასა და თავად კინო პროფესიონალების დასაქმებას რეგიონში, არამედ ახალი სამუშაო ადგილებისა და ბიზნეს აქტივობების შექმნას, დამატებითი ინვესტიციების მოზიდვას და არსებული ადამიანური და ინფრასტრუქტურული რესურსების გამოყენებას, რაც  გაზრდის რეგიონის საინვესტიციო და საკურორტო მიმზიდველობას, ასევე რეგიონის კულტურის პოპულარიზაციას და კულტურული ტურიზმის განვითარებას;

პროგრამის ძირითადი მიზანია კინოწარმოების ხელშეწყობა და კინოინდუსტრიის განვითარება რეგიონში;

9.3. კულტურისა და განათლების ხელშეწყობის ღონისძიებები (პროგრამული კოდი 10643)

კულტურისა და განათლების განვითარებისა და პოპულარიზაციის მიზნით აჭარის ავტონომიური რესპუბლიკის განათლების, კულტურისა და სპორტის  სამინისტრო ხელს შეუწყობს სხვადასხვა ხელოვნებისა და კულტურული ღონისძიებების ჩატარებას, მათ შორის:

 სხვადასხვა კულტურული და საგანმანათლებლო ღონისძიებების გამართვა (ფესტივალები, გამოფენები, კონცერტები,  სპექტაკლები, სასკოლო ოლიმპიადები, ბიენალეები და სხვა);

კულტურისა და განათლების სფეროს სპეციალისტების კვალიფიკაციის ამაღლების მიზნით ტრეინინგების, სემინარების/მასტრეკლასების ჩატარება და კულტურისა და განათლების  სფეროს სპეციალისტების სხვადასხვა კულტურულ-საგანმანათლებლო პროგრამებში მონაწილეობა;

აჭარის ავტონომიურ რესპუბლიკაში მოქმედი ხელოვნებისა და კულტურის დაწესებულებების, ინდივიდუალური შემსრულებლების გასტროლები,  დასების, სხვადასხვა ანსამბლების, ხელოვანების აჭარაში მიღება და სხვა შესაბამისი ღონისძიებების განხორციელება;

სხვადასხვა საკონკურსო პროგრამების  და სასკოლო ოლიმპიადების გამართვა; 

კულტურისა და ხელოვნების სხვადასხვა  კვლევების განხორციელება, ნაშრომების, პუბლიკაციების, კატალოგების გამოცემა და სხვა თავისუფალი პროექტების მხარდაჭერა;

9.4. კულტურული მემკვიდრეობის დაცვის სისტემის სრულყოფის მართვა, მუზეუმებისა და გალერეების განვითარება (პროგრამული კოდი 10648)

აჭარის ადმინისტრაციულ ტერიტორიაზე კულტურული მემკვიდრეობის ცალკეული ძეგლების დაცვა და მოვლა-პატრონობა. მუზეუმებისა და მუზეუმ-ნაკრძალების მატერიალურ-ტექნიკური ბაზის გაუმჯობესება, შესაბამისი პირობების შექმნა მათი სრულყოფილი ფუნქციონირებისათვის, ექსპონატთა რესტავრაცია, აღრიცხვა, ინვენტარიზაცია და პასპორტიზაცია;

კულტურული მემკვიდრეობის ძეგლების  რეაბილიტაციისა და კონსერვაციის ეფექტური ღონისძიებების შემუშავება და განხორციელება;

9.5. სასცენო და სამუსიკო ხელოვნების ხელშეწყობა (პროგრამული კოდი 10649)

სასცენო და სამუსიკო ხელოვნების ხელშეწყობის მიზნით აჭარის განათლების, კულტურისა და სპორტის სამინისტრო უზრუნველყოფს სასცენო, სამუსიკო და თეატრალური ხელოვნების სფეროში სახელმწიფო პოლიტიკის განხორციელებას, დარგის განვითარების ხელშეწყობასა და პოპულარიზაციას. ასევე სასცენო და სამუსიკო დაწესებულებების განვითარებას;

აჭარის ავტონომიურ რესპუბლიკაში მოქმედი სასცენო და სამუსიკო დაწესებულებების გასტროლებს, უცხოური დასების აჭარაში მიღებას და სხვა შესაბამისი ღონისძიებების განხორციელებას;

9.6. შემოქმედებითი კავშირები (პროგრამული კოდი 106410)

სახელმწიფო ხელს უწყობს საქართველოში კულტურული სფეროს მოღვაწეთა პროფესიულ-შემოქმედებითი გაერთიანებების საქმიანობას, რომელთა მიზანია ხელოვნებისა და კულტურის ცალკეული დარგის განვითარება.

9.7. აჭარის ავტონომიური რესპუბლიკის ტელევიზიისა და რადიო-მაუწყებლობის დეპარტამენტი (პროგრამული კოდი 1035)

ტელე-რადიო მაუწყებლობის  შემდგომი სრულყოფა და განვითარება;

ადმინისტრაციული, საინფორმაციო, საავტორო და შემოქმედებითი პროცესების მიმდინარეობის ორგანიზება;

პროფესიონალური  საკადრო რესურსების მოზიდვა, მართვა და მათი კვალიფიკაციის მუდმივი ამაღლება;

მარკეტინგული და  სარეკლამო სარეკლამო საქმიანობის  ორგანიზება;

9.8. შ.პ.ს. გაზეთი „აჭარა“ და „ადჟარია“ (პროგრამული კოდი 1111)

გაზეთი "აჭარის" ბეჭდვა-გავრცელების ხელშეწყობა;

მოსახლეობის ინფორმირებულობის გაზრდა;

10. პროფესიული სპორტის განვითარების ხელშეწყობა, პოპულარიზაცია და ახალგაზრდობის საქმეთა სფეროს ხელშეწყობა

აჭარაში სპორტის განვითარებისთვის სათანადო პირობების შექმნა და ძირითად მიმართულებათა განსაზღვრა;

აჭარის ავტონომიურ რესპუბლიკაში მაღალი მიღწევების სპორტის განვითარება;

სპორტული ინფრასტრუქტურის განვითარება;

სპორტის სფეროში დამსახურებულ და მოქმედ მოღვაწეთა სოციალური დაცვის ღონისძიებები;

ახალგაზრდების ინტელექტუალური, სულიერი და ფიზიკური პოტენციალის გამოვლენა, ფორმირება და სრულყოფა;

10.1. სპორტისა და ახალგაზრდობის საქმეთა სფეროს მართვა (პროგრამული კოდი 10661)

რეგიონის სპორტისა და ახალგაზრდობის საქმეთა მიმართულებებს წარმართავს აჭარის ავტონომიური რესპუბლიკის განათლების, კულტურისა და სპორტის სამინისტროს საქვეუწყებო დაწესებულება - სპორტისა და ახალგაზრდობის საქმეთა დეპარტამენტი;

სამინისტროს სპორტის მიმართლებით გააჩნია სამი ძირითადი პრიორიტეტი: მასობრივი სპორტის პოპულარიზაცია, პროფესიული სპორტის მხარდაჭერა და სპორტული ტურიზმის განვითარების ხელშეწყობა;

სპორტული ინფრასტრუქტურის რეაბილიტაციის, სასპორტო დაწესებულებების, სპორტული ორგანიზაციების თანამედროვე სპორტული ინვენტარითა და აღჭურვილობით უზრუნველყოფის ხელშეწყობა;

ახალგაზრდების ინტელექტუალური, სულიერი და ფიზიკური პოტენციალის გამოვლენა, ფორმირება და სრულყოფა;

10.2. სპორტისა  და ახალგაზრდულ საქმეთა სფეროს ხელშეწყობა (პროგრამული კოდი 10662)

აჭარაში სპორტის განვითარების ხელშეწყობა;

სპორტული ინფრასტრუქტურის გაუმჯობესების ხელშეწყობა;

აჭარის ნაკრები გუნდების მზადება და მონაწილეობა ქვეყნისა და საერთაშორისო სპორტულ შეჯიბრებებში;

აჭარის ჩემპიონატების, პირველობებისა და სპორტული თამაშების ჩატარება, სპორტული რეზერვისა და მაღალი კლასის სპორტსმენთა მომზადება;

აჭარაში ბავშვთა და მოზარდთა მასობრივი სპორტის განვითარება;

აჭარისა და საქართველოს კადეტთა და იუნიორთა ნაკრები გუნდების წევრობის კანდიდატების მომზადება;

ოლიმპიური თამაშებისათვის ოლიმპიური ლიცენზიის მოსაპოვებლად აჭარის სპორტსმენთა მომზადებისთვის ხელშეწყობა;

თანამედროვე სპორტული ინფრასტრუქტურის მოწყობა შესაბამისი ინვენტარით;

გუნდური სახეობების განვითარებისათვის ხელშეწყობა;

წარმატებულ  სპორტსმენთა  და მწვრთნელთა წახალისება.

დამსახურებულ მუშაკთა, მწვრთნელთა სოციალური დახმარებით უზრუნველყოფა, მათი მატერიალური წახალისებისა და ფინანსური მხარდაჭერის თვალსაზრისით;

ახალგაზრდული კავშირების სახელმწიფოებრივი მხარდაჭერა და წახალისება, თავისუფალი  დროის შინაარსიანად და ეფექტიანად ხარჯვის ორგანიზება;

ახალგაზრდების აქტიურად ჩართვა სამოქალაქო ცხოვრებაში;

ახალგაზრდული ინიცატივების წახალისება;