თიანეთის მუნიციპალიტეტის ტერიტორიაზე სამგზავრო გადაყვანის ხელშეწყობის სოციალური პროგრამის დამტკიცების შესახებ
ჰკითხე AI-ს ამ კანონის შესახებ
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
ცვლილებები (1)
დოკუმენტის ტექსტი
📑 სარჩევი (8 მუხლი)
|
თიანეთის მუნიციპალიტეტის საკრებულოს დადგენილება №11 |
|
2013 წლის 11 თებერვალი დაბა თიანეთი |
თიანეთის მუნიციპალიტეტის ტერიტორიაზე სამგზავრო გადაყვანის ხელშეწყობის სოციალური პროგრამის დამტკიცების შესახებ
,,ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის ,,ლ“ ქვეპუნქტის საფუძველზე, თიანეთის მუნიციპალიტეტის საკრებულო ადგენს:
მუხლი 1
დამტკიცდეს თიანეთის მუნიციპალიტეტის ტერიტორიაზე სამგზავრო გადაყვანის ხელშეწყობის სოციალური პროგრამა, დანართი №1-ის შესაბამისად.
მუხლი 2
დადგენილება ძალაშია 2013 წლის 1 მარტიდან.
|
დანართი №1
თიანეთის მუნიციპალიტეტის ტერიტორიაზე სამგზავრო გადაყვანის ხელშეწყობის სოციალური პროგრამა
მუხლი 1.
პრობლემის განსაზღვრა
1.
თიანეთის მუნიციპალიტეტში უმუშევრობისა და სიღარიბის დონე მაღალია, განსაკუთრებით მძიმეა მუნიციპალიტეტის მაღალმთიანი სოფლების მოსახლეობის მდგომარეობა. მათი ძირითადი ნაწილი თვითდასაქმებულია და შემოსავლის ძირითად წყაროს წარმოადგენს სოფლის მეურნეობის პროდუქციის მოყვანა-რეალიზაციით მიღებული შემოსავალი. თუმცა კერძო სატრანსპორტო საშუალებებით მგზავრობის მაღალი ღირებულებისა და არარეგულარული მომსახურების გამო ისინი მოკლებულნი არიან შესაძლებლობას სასოფლო-სამეურნეო პროდუქციის რეალიზაციისა და საჭირო პროდუქტების შეძენის, აგრეთვე საჭიროების შემთხვევაში დაბა თიანეთში არსებულ სამკურნალო და სოციალურ-კულტურული დაწესებულებების მომსახურების მიღების მიზნით იქონიონ რეგულარული კავშირი მუნიციპალიტეტის ადმნისტრაციულ ცენტრთან.
2.
მუნიციპალიტეტის სოფლების დიდ ნაწილთან არ არსებობს სამგზავრო მიმოსვლა.
მუხლი 2.
პროგრამის მიზანი
მუნიციპალიტეტის სოფლის მოსახლეობის ადმინისტრაციულ ცენტრთან მიმოსვლისა და ურთიერთდაკავშირების ხელშეწყობა.
მუხლი 3.
პროგრამის არსი
1.
თიანეთის მუნიციპალიტეტის მოსახლეობის სოციალური მდგომარეობის გაუმჯობესების მიზნით, შეღავათიანი ტარიფებით მგზავრობის ხელმისაწვდომობის უზრუნველსაყოფად თიანეთის მუნიციპალიტეტი განახორციელებს ადმინისტრაციული ცენტრიდან დაშორებული დასახლებული პუნქტებიდან მოსახლეობის დაბა თიანეთისაკენ სამგზავრო გადაყვანის მომსახურების შესყიდვას.
2.
მიმწოდებელმა მის საკუთრებაში ან სარგებლობაში არსებული სამგზავრო სატრანსპორტო საშუალებით კვირაში ორჯერ მის მიერვე მოსახლეობის ინტერესების გათვალისწინებით განსაზღვრული განრიგით და გრაფიკით უნდა უზრუნველყოს მგზავრთა დროული და უსაფრთხო გადაყვანა თიანეთის მუნიციპალიტეტის ტერიტორიაზე შემდეგი მიმართულებებით:
ა)
ჯიჯეთი - თიანეთი - ჯიჯეთი;
ბ)
არტანი - თიანეთი - არტანი;
გ)
ჩაბანო - დულუზაურები - თიანეთი - დულუზაურები - ჩაბანო;
დ)
სიონი -თიანეთი - სიონი;
ე)
ბოჭორმა - სიონი - თიანეთი - სიონი - ბოჭორმა;
ვ)
ქვემო ნაქალაქარი - მაგრანეთი- თიანეთი - მაგრანეთი - ქვემო ნაქალაქარი;
ზ)
ღულელები - სიმონიაანთხევი - თიანეთი - სიმონიაანთხევი - ღულელები.
3.
მგზავრთა მიერ განხორციელდება მგზავრობის ღირებულების თანაგადახდა, რაც ცალკეული მიმართულების მიხედვით უნდა შეადგენდეს არა უმეტეს:
ა)
ჯიჯეთი - თიანეთი - ჯიჯეთი - 0, 30 ლარისა;
ბ)
არტანი - თიანეთი - არტანი - 0,50 ლარისა;
გ)
ჩაბანო - დულუზაურები - თიანეთი - დულუზაურები - ჩაბანო - 0,50 ლარისა;
დ)
სიონი -თიანეთი - სიონი - 0,70 ლარისა;
ე)
ბოჭორმა - სიონი - თიანეთი - სიონი - ბოჭორმა - 1,0 ლარისა;
ვ)
ქვემო ნაქალაქარი - მაგრანეთი - თიანეთი - მაგრანეთი - ქვემო ნაქალაქარი - 0,70 ლარისა;
ზ)
ღულელები - სიმონიაანთხევი - თიანეთი - სიმონიაანთხევი - ღულელები -0,70 ლარისა.
შენიშვნა: თიანეთის მუნიციპალიტეტის ჩეკურაანთგორის თემში შემავალი სოფლებიდან მგზავრთა მიერ განხორციელებული თანაგადახდა ამ მუხლის მე-2 პუნქტის ,,დ“, ,,ე“, ,,ვ“ და ,,ზ“ ქვეპუნქტებით განსაზღვრულ მიმართულებებზე არ უნდა აღემატებოდეს 0,30 ლარს.
მუხლი 4.
პროგრამის განხორციელების ვადა
პროგრამა მოქმედებს 2013 წლის პირველი მარტიდან 31 დეკემბრის ჩათვლით.
მუხლი 5.
პროგრამის ფინანსური უზრუნველყოფა
პროგრამის დაფინანსება ხდება თიანეთის მუნიციპალიტეტის 2013 წლის ბიუჯეტიდან და მისი მოცულობა განისაზღვრება 61189 ლარით.
მუხლი 6.
პროგრამის განხორციელების შედეგი
პროგრამის განხორციელება ხელს შეუწყობს ადმინისტრაციული ცენტრიდან დიდი მანძილით დაშორებული სოფლების მოსახლეობას დაბა თიანეთთან, როგორც ადგილობრივ ეკონომიკურ-სოციალურ ცენტრთან, რეგულარულად დასაკავშირებლად ისარგებლონ მგზავრობის დაბალი ტარიფებით.
ხშირად დასმული კითხვები
- მოქმედებს თუ არა „თიანეთის მუნიციპალიტეტის ტერიტორიაზე სამგზავრო გადაყვანის ხელშეწყობის სოციალური პროგრამის დამტკიცების შესახებ“?
- დიახ, მუნიციპალიტეტისა და თვითმმართველი ქალაქის საკრებულოს დადგენილება „თიანეთის მუნიციპალიტეტის ტერიტორიაზე სამგზავრო გადაყვანის ხელშეწყობის სოციალური პროგრამის დამტკიცების შესახებ“ ამჟამად ძალაშია. ბოლო კონსოლიდირებული რედაქცია — 27.03.2013.
- როდის იქნა მიღებული „თიანეთის მუნიციპალიტეტის ტერიტორიაზე სამგზავრო გადაყვანის ხელშეწყობის სოციალური პროგრამის დამტკიცების შესახებ“?
- „თიანეთის მუნიციპალიტეტის ტერიტორიაზე სამგზავრო გადაყვანის ხელშეწყობის სოციალური პროგრამის დამტკიცების შესახებ“ მიღებულია 11.02.2013. მიმღები ორგანო — თიანეთის მუნიციპალიტეტი. დოკუმენტის ნომერი — №11. სარეგისტრაციო კოდი — 010250000.35.154.016129.
- რამდენჯერ შევიდა ცვლილება „თიანეთის მუნიციპალიტეტის ტერიტორიაზე სამგზავრო გადაყვანის ხელშეწყობის სოციალური პროგრამის დამტკიცების შესახებ“-ში?
- დოკუმენტში სულ 1 ცვლილებაა შესული. მოქმედი რედაქცია ძალაშია 27.03.2013-დან.
- რამდენი მუხლისგან შედგება „თიანეთის მუნიციპალიტეტის ტერიტორიაზე სამგზავრო გადაყვანის ხელშეწყობის სოციალური პროგრამის დამტკიცების შესახებ“?
- დოკუმენტი შედგება 8 მუხლისგან. თითოეული მუხლი ხელმისაწვდომია ცალკე ბმულით.
- სად არის „თიანეთის მუნიციპალიტეტის ტერიტორიაზე სამგზავრო გადაყვანის ხელშეწყობის სოციალური პროგრამის დამტკიცების შესახებ“-ის ოფიციალური ტექსტი?
- ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 27.03.2013 მდგომარეობით.
როგორ დავიმოწმოთ
მუნიციპალიტეტისა და თვითმმართველი ქალაქის საკრებულოს დადგენილება „თიანეთის მუნიციპალიტეტის ტერიტორიაზე სამგზავრო გადაყვანის ხელშეწყობის სოციალური პროგრამის დამტკიცების შესახებ“, №11, 11.02.2013, სარეგისტრაციო კოდი 010250000.35.154.016129 (კონსოლიდირებული რედაქცია 27.03.2013). ხელმისაწვდომია: https://legali.ge/law/1843479/