საქართველოს პარლამენტის 2013 წლის 27 აპრილის შუალედური არჩევნებისათვის №9 ნაძალადევის საარჩევნო ოლქის №5 და №34 საუბნო საარჩევნო კომისიების წევრების შესარჩევი კონკურსისათვის ახალი ვადის დადგენის შესახებ

საქართველოს ორგანული კანონის „საქართველოს საარჩევნო კოდექსი” მე-14 მუხლის პირველი პუნქტის „გ” ქვეპუნქტისა და 77-ე მუხლის მე-5 პუნქტის საფუძველზე, საქართველოს ცენტრალური საარჩევნო კომისია ადგენს:

№9 ნაძალადევის საარჩევნო ოლქის №5 და №34 საუბნო საარჩევნო კომისიების ცესკოს 2013 წლის 11 აპრილის №75/2013 განკარგულებით ბათილად ცნობილი წევრების ნაცვლად დასაკავებელი ადგილების შესავსებად, დადგინდეს კონკურსის ახალი ვადა 2013 წლის 14 აპრილის ჩათვლით.

№9 ნაძალადევის საოლქო საარჩევნო კომისიას უფლება აქვს განიხილოს და შეარჩიოს კანდიდატები ცესკოს 2013 წლის 15 თებერვლის №16/2013 განკარგულებით „საქართველოს პარლამენტის 2013 წლის 27 აპრილის შუალედური არჩევნებისათვის შექმნილი საუბნო საარჩევნო კომისიის წევრების შესარჩევი კონკურსის წესის, პირობებისა და ვადების განსაზღვრის თაობაზე” გამოცხადებული კონკურსის შედეგად საოლქო საარჩევნო კომისიაში №5 და №34 საუბნო საარჩევნო კომისიის წევრობისათვის შესაბამისი უბნისათვის წარდგენილი საკონკურსო დოკუმენტაციებიდან.

ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კილომეტრი, №6) მისი მიღებიდან  2 კალენდარული დღის ვადაში.

ეს დადგენილება ამოქმედდეს  გამოქვეყნებისთანავე.