„უმაღლესი და პროფესიული განათლების დამადასტურებელი სახელმწიფო დოკუმენტების - დიპლომისა და პროფესიული დიპლომის ფორმების დამტკიცების შესახებ“ საქართველოს განათლებისა და მეცნიერების მინისტრის 2011 წლის 22 ივლისის №126/ნ ბრძანებაში ცვლილების შეტანის თაობაზე

საქართველოს განათლებისა და მეცნიერების მინისტრის

2013 წლის 7 ივნისი

ქ. თბილისი

 1. პირველ მუხლს დაემატოს შემდეგი შინაარსის მე-4 პუნქტი:

„4. დიპლომის გაცემაზე უფლებამოსილია საქართველოს საპატრიარქო „უმაღლესი განათლების შესახებ“  საქართველოს კანონის 89⁵ მუხლის შესაბამისად.“.           

2. მე-2 მუხლს:

ა) დაემატოს შემდეგი შინაარსის 3¹ პუნქტი:

„3¹. საქართველოს საპატრიარქოს მიერ გაცემული დიპლომი შედგენილი უნდა იყოს ქართულ ენაზე და სრულიად საქართველოს კათოლიკოს-პატრიარქის გადაწყვეტილებით, რომელიმე უცხოურ ენაზე/ენებზე.“;

ბ) დაემატოს შემდეგი შინაარსის 7³ პუნქტი:

„7³. საქართველოს საპატრიარქოს მიერ გაცემულ დოქტორის დიპლომში, ამ მუხლის მე-5 პუნქტის „ა“, „ე“, „ვ“, „ზ“, „თ“, „ი“, „ნ“, „ო“, „ჟ“ ქვეპუნქტებით გათვალისწინებული მონაცემების გარდა, მიეთითება:

ა) საქართველოს საპატრიარქო;

ბ) საქართველოს საპატრიარქოს ლოგო (ასეთის არსებობის შემთხვევაში);

გ) „დოქტორის დიპლომი“;

დ) სადისერტაციო ნაშრომის სათაური;

ე) კვალიფიკაციის/აკადემიური ხარისხის მიმნიჭებელი ორგანოს ხელმძღვანელის სასულიერო წოდება და სახელი (სრულად), ხელმოწერა, რომელმაც მიანიჭა კვალიფიკაცია/აკადემიური ხარისხი;

ვ) სრულიად საქართველოს კათოლიკოს-პატრიარქის  ბეჭედი.“.

  3. მე-3 მუხლს:

ა)  დაემატოს შემდეგი შინაარსის 2¹ პუნქტი: 

„2¹. საქართველოს საპატრიარქოს მიერ გაცემული დიპლომის დუბლიკატის გაცემას ახორციელებს საქართველოს საპატრიარქო.“;

ბ) დაემატოს შემდეგი შინაარსის 3¹ პუნქტი:

,,3¹. საქართველოს საპატრიარქოს მიერ გასაცემი დიპლომის დუბლიკატის შედგენისას ივსება სრულიად საქართველოს კათოლიკოს-პატრიარქის მიერ დამტკიცებული შესაბამისი დიპლომის ფორმა, რომელსაც დაესმება შტამპი აღნიშვნით „დუბლიკატი“.“