რუსეთის ფედერაციის აგრესიის შედეგად გორისა და ქარელის მუნიციპალიტეტების კონფლიქტის ზონის მომიჯნავე სოფლებში მცხოვრები დაზარალებული მოსახლეობის მიერ მოხმარებული ელექტროენერგიის კომპენსაციის შესახებ

საქართველოს მთავრობის

განკარგულება №419

2009 წლის 5 ივნისი

ქ. თბილისი

რუსეთის ფედერაციის აგრესიის შედეგად გორისა და ქარელის მუნიციპალიტეტების კონფლიქტის ზონის მომიჯნავე სოფლებში მცხოვრები დაზარალებული მოსახლეობის მიერ მოხმარებული ელექტროენერგიის კომპენსაციის შესახებ

1. რუსეთის ფედერაციის აგრესიის შედეგად გორისა და ქარელის მუნიციპალიტეტების კონფლიქტის ზონის მომიჯნავე სოფლებში (დანართის მიხედვით) მცხოვრებ დაზარალებულ მოსახ­ლეობას აუნაზ­ღაურდეს 2009 წლის პირველ დეკემბრამდე მოხმარებული ელექ­ტროენერგიის ღირებულება, თითოეული აბო­ნ­­ენ­ტისათვის არა უმეტეს 150 კვტსთ-ის ოდე­ნობით.

2. საქართველოს ფინანსთა სამინისტრომ „საქართველოს 2009 წლის სახელმწიფო ბიუჯეტის შესახებ” საქართველოს კა­ნონით გათვალისწინებული საქართველოს მთავრობის სარე­ზერვო ფონდიდან უზრუნველყოს 107 772 (ას შვიდი ათას შვი­დას სამოცდათორმეტი) ლარის გამოყოფა, მათ შორის: გორის მუნიციპალიტეტის გამგეობისათვის – 64 029 (სამოცდაოთხი ათას ოცდაცხრა) ლარი; ქარელის მუნიცი­პალიტეტის გამგეო­ბისათვის – 43 743 (ორმოცდასამი ათას შვი­დას ორმოც­და­სამი) ლარი.

3. გორისა და ქარელის მუნიციპალიტეტების გამგეობებმა სს ,,ენერგო-პრო ჯორჯიას” მიერ წარდგენილი ანგარიშების სა­­ფუძ­ველზე უზრუნველყონ თანხის დანიშნულებისამებრ ანაზ­ღაურება ამ განკარგულების პირველი პუნქტის შესაბა­მისად.

4. განკარგულების შესრულების კონტროლი განახორ­ცი­ელონ საქართველოს რეგიონული განვითარებისა და ინფრას­ტრუქტურის სა­მინისტრომ და საქართველოს ადმინისტრაციულ-ტერიტორი­ულ ერთეულებში (გორის, კასპის, ქარელისა და ხა­შურის მუნი­ციპალიტეტები) სახელმწიფო რწმუნებულმა – გუ­ბერ­ნა­ტორ­მა ვ. ვარძელაშვილმა.

 

პრემიერ-მინისტრი           ნიკა გილაური

                                               დანართი