საქართველოს სოფლის მეურნეობის სამინისტროსათვის საქართველოს მთავრობის სარეზერვო ფონდიდან თანხის გამოყოფის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №438
2009 წლის 17 ივნისი
ქ. თბილისი
საქართველოს სოფლის მეურნეობის სამინისტროსათვის საქართველოს მთავრობის სარეზერვო ფონდიდან თანხის გამოყოფის შესახებ
1. საქართველოში წარმოებული სასოფლო-სამეურნეო პროდუქციის პოპულარიზაციის მიზნით საქართველოს პრემიერ-მინისტრის 2009 წლის 15 ივნისის №219 ბრძანებით ქ. აშხაბადში სამუშაო ვიზიტით მივლინებული საქართველოს სამთავრობო დელეგაციის მიერ თურქმენეთის მთავრობისათვის სამთავრობო საჩუქრის გადასაცემად საჭირო საქონლის შესასყიდად და ტრანსპორტირების ხარჯებისათვის საქართველოს ფინანსთა სამინისტრომ „საქართველოს 2009 წლის სახელმწიფო ბიუჯეტის შესახებ” საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს სოფლის მეურნეობის სამინისტროს გამოუყოს 30 000 (ოცდაათი ათასი) ლარი.
2. საქართველოს სოფლის მეურნეობის სამინისტრომ უზრუნველყოს ამ განკარგულების დანართში მოცემული საქონლის შესყიდვა და ქ. აშხაბადში ტრანსპორტირება.
3. საქართველოს სამთავრობო დელეგაციამ უზრუნველყოს სამთავრობო საჩუქრის თურქმენეთის მთავრობისათვის გადაცემა.
პრემიერ-მინისტრი ნიკა გილაური
დანართი
საქონლის ნუსხა
| № | დასახელება | რაოდენობა |
| 1 | არაყი | 76 ბოთლი |
| 2 | ღვინო | 696 ბოთლი |
| 3 | კონიაკი | 96 ბოთლი |
| 4 | ლიქიორი | 10 ბოთლი |
| 5 | ჩაი | 6 000 ცალი |