ადგილობრივი თვითმმართველი ერთეულებისათვის საქართველოს მთავრობის სარეზერვო ფონდიდან თანხის გამოყოფის შესახებ

საქართველოს მთავრობის

განკარგულება №2351

2014 წლის 18 დეკემბერი

ქ. თბილისი

ადგილობრივი თვითმმართველი ერთეულებისათვის საქართველოს მთავრობის სარეზერვო ფონდიდან თანხის გამოყოფის შესახებ

 საქართველოს ოკუპირებულ ტერიტორიებთან გამყოფი ხაზის მიმდებარე სოფლებში მცხოვრები ოჯახებისათვის ზამთრის პერიოდში გათბობით უზრუნველყოფის მიზნით, თითოეულ ოჯახზე 200 ლარის ოდენობით დახმარების გასაცემად, საქართველოს ფინანსთა სამინისტრომ, „საქართველოს 2014 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან ადგილობრივ თვითმმართველ ერთეულებს გამოუყოს 2 335 400 (ორი მილიონ სამას ოცდათხუთმეტი ათას ოთხასი) ლარი, მათ შორის:

ა) გორის მუნიციპალიტეტს - 1 394 800 (ერთი მილიონ სამას ოთხმოცდათოთხმეტი ათას რვაასი) ლარი;

ბ) ქარელის მუნიციპალიტეტს - 646 600 (ექვსას ორმოცდაექვსი ათას ექვსასი) ლარი;

გ) კასპის მუნიციპალიტეტს - 111 000 (ას თერთმეტი ათასი) ლარი;

დ) საჩხერის მუნიციპალიტეტს - 85 400 (ოთხმოცდახუთი ათას ოთხასი) ლარი;

ე) ხაშურის მუნიციპალიტეტს - 69 600 (სამოცდაცხრა ათას ექვსასი) ლარი;

ვ) ონის მუნიციპალიტეტს - 28 000 (ოცდარვა ათასი) ლარი.

პრემიერ-მინისტრი                                                   ირაკლი ღარიბაშვილი