საქართველოს ,,ზოგადი ადმინისტრაციული კოდექსის“ 49-ე მუხლის შესაბამისად, გიგზავნით ასპინძის მუნიციპალიტეტის საკრებულოში შემოსულ საჯარო ინფორმაციის გაცემასთან დაკავშირებულ წლიურ ანგარიშს.

2013 წელს ასპინძის მუნიციპალიტეტის საკრებულოში შემოსულია 40 კორესპოდენცია ინფორმაციის გაცემის შესახებ. კერძოდ:

- ფიზიკური და იურიდიული პირები ითხოვდნენ ასპინძის მუნიციპალიტეტიდან გათავისუფლებულ თანამშრომელთა სრულ ნუსხას;

- ინფორმაციას 2009-2012 წლების აუდიტის მასალების გადაცემასთან დაკავშირებით;

- 2013 წლის იანვარიდან მაისამდე საკრებულოს აპარატში დანიშნულ და გათავისუფლებულ თანამშრომელთა ნუსხას;

- საკრებულოს სხდომის ოქმებს და დღის წესრიგს;

- საკრებულოს წევრთა რაოდენობას, მათ პარტიულობას, ფრაქციების შემადგენლობას, შტატგარეშე მოსამსახურეთა რაოდენობას;

- სექტემბრის თვეში შვებულებაში გასულ თანამშრომელთა სიას;

- 2012 წლის ოქტომბრის თვიდან დღემდე დანიშნულ და გათავისუფლებულ თანამშრომელთა სიას;

- ინფორმაციას გაცემული პრემიის და ხელფასების შესახებ;

- ვაკანსიებთან და საკონკურსო პირობებთან დაკავშირებით ინფორმაციის მიწოდებას,

- გამგებლისა და გამგებლის მოადგილის ვაკანსიაზე კონკურსში მონაწილეთა პირადი საქმის მასალების გაცნობის თაობაზე;

- ინფორმაციას 2013 წლის ბიუჯეტის შემოსავლებისა და გამოყოფილი თანხების ხარჯვასთან დაკავშირებით;

- სტიქიის შედეგად დაზარალებულ მოსახლეობაზე გამოყოფილი დახმარების შესახებ;

- ინფორმაციას სოფლის მხარდამჭერი პროგრამის ფარგლებში შესრულებული სამუშაოების შესახებ.

საქართველოს ზოგადი ადმინისტრაციული კოდექსის 37-ე, 38-ე და მე-40 მუხლების თანახმად საჯარო ინფორმაციის გაცემაზე ყველა მოთხოვნა დაკმაყოფილდა.

ასპინძის მუნიციპალიტეტის

საკრებულოს თავმჯდომარე ა. მელიქიძე