1. მინისტრის პირველი მოადგილისა და მინისტრის მოადგილეების (საკურატორო სფეროების მიხედვით) მიერ თანამდებობაზე ინიშნებიან, თანამდებობიდან თავისუფლდებიან და შინაგან საქმეთა ორგანოებიდან დათხოვნილ იქნებიან სამინისტროს სტრუქტურული ქვედანაყოფების და სამინისტროს ტერიტორიული ორგანოების თანამდებობის პირები (სამსახურის უფროსის მოადგილის ჩათვლით).
2. ამ მუხლის პირველი პუნქტით განსაზღვრული თანამდებობის პირების დროებით არყოფნის შემთხვევაში აღნიშნული თანამდებობის პირების სამსახურებრივი მოვალეობის შესრულება სხვა თანამდებობის პირს შეიძლება დაევალოს კურატორი მინისტრის მოადგილის ბრძანებით, მათი არყოფნის შემთხვევაში – მინისტრის ერთ-ერთი მოადგილის ბრძანებით.
3. მინისტრის საკურატორო სფეროში შემავალ დანაყოფებში ამ მუხლის პირველი პუნქტით განსაზღვრული თანამდებობის პირების დროებით არყოფნის შემთხვევაში მოვალეობის დაკისრება ხდება მინისტრის პირველი მოადგილის ბრძანებით, ხოლო მისი არყოფნის შემთხვევაში – მინისტრის ერთ-ერთი მოადგილის ბრძანებით.
4. სამინისტროს აფხაზეთისა და აჭარის ავტონომიური რესპუბლიკების მთავარ სამმართველოებში, ქ. თბილისის მთავარ სამმართველოსა და სამხარეო მთავარ სამმართველოებში შემავალი ნუსხის ამ მუხლის პირველი პუნქტით განსაზღვრული თანამდებობის პირების დროებით არყოფნის შემთხვევაში აღნიშნული თანამდებობის პირების სამსახურებრივი მოვალეობის შესრულება სხვა თანამდებობის პირს შეიძლება დაევალოს ამავე მთავარი სამმართველოს უფროსის ან მისი მოვალეობის შემსრულებლის ბრძანებით.
5. სამინისტროს სისტემაში რიგითი, კაპრალებისა და სერჟანტების შემადგენლობის სამხედრო სამსახურში ჩარიცხვა, სამხედრო სამსახურიდან დათხოვნა, მათთვის მორიგი სამხედრო წოდების მინიჭება, აგრეთვე, საშუალო სპეციალური წოდების მინიჭება ხდება მინისტრის პირველი მოადგილის და მინისტრის მოადგილეების მიერ, საკურატორო სფეროების მიხედვით, ამ წესით გათვალისწინებული სხვა შემთხვევების გარდა.
6. მინისტრის საკურატორო სფეროში შემავალი სტრუქტურული ქვედანაყოფებისა და ტერიტორიული ორგანოების ყველა მოსამსახურეს (71-ე და 73-ე მუხლებით გათვალისწინებული თანამდებობის პირების გარდა) თანამდებობაზე ნიშნავს, თანამდებობიდან ათავისუფლებს და შინაგან საქმეთა ორგანოებიდან დაითხოვს, ამასთან რიგითი, კაპრალისა და სერჟანტის შემადგენლობას სამხედრო სამსახურში ჩარიცხავს, სამხედრო სამსახურიდან დაითხოვს, მათთვის მორიგ სამხედრო წოდებას მიანიჭებს, აგრეთვე, საშუალო სპეციალურ წოდებას მიანიჭებს მინისტრის პირველი მოადგილე.
7. 73-ე მუხლით განსაზღვრული პირების დროებით არყოფნის შემთხვევაში აღნიშნული პირების სამსახურებრივი მოვალეობის შესრულება სხვა პირს შეიძლება დაევალოს სტრუქტურული ქვედანაყოფის და სამინისტროს ტერიტორიული ორგანოს ხელმძღვანელის ბრძანებით. სპეციალური და საგანგებო ღონისძიებების ცენტრის მოსამსახურეებს დროებით მოვალეობას აკისრებს კურატორი მინისტრის მოადგილე.
8. სამინისტროს სპეციალური და საგანგებო ღონისძიებების ცენტრის ყველა მოსამსახურეს (73-ე მუხლით გათვალისწინებული თანამდებობების გარდა) თანამდებობაზე ნიშნავს, თანამდებობიდან ათავისუფლებს და შინაგან საქმეთა ორგანოებიდან დაითხოვს, რიგითი და ეფრეიტორის შემადგენლობას სამხედრო სამსახურში ჩარიცხავს, სამხედრო სამსახურიდან დაითხოვს, რიგითი და ეფრეიტორის შემადგენლობას მორიგ სამხედრო წოდებას მიანიჭებს, აგრეთვე, უმცროს და საშუალო სპეციალურ წოდებას მიანიჭებს კურატორი მინისტრის მოადგილე.
9. მინისტრის მოადგილის საკურატორო სფეროში შემავალ დანაყოფებში სამინისტროს მოსამსახურეთა თანამდებობრივი გადაადგილება (დანიშვნა-გათავისუფლება) განხორციელდეს კურატორი მინისტრის მოადგილის მიერ, თუ მოსამსახურის თანამდებობაზე დანიშვნა და/ან გათავისუფლება ამ ბრძანებით ერთდროულად განეკუთვნება კურატორი მინისტრის მოადგილისა და მის საკურატორო სფეროში შემავალი დანაყოფის ხელმძღვანელის ან სხვადასხვა დანაყოფების ხელმძღვანელების კომპეტენციას (ამ მუხლის პირველი პუნქტით გათვალისწინებული თანამდებობების გარდა).
10. მინისტრის ერთი მოადგილის საკურატორო დანაყოფიდან მინისტრის მეორე მოადგილის საკურატორო დანაყოფში სამინისტროს მოსამსახურის თანამდებობრივი გადაადგილებისას, შესაბამის ბრძანებას გამოსცემს მინისტრის ის მოადგილე, რომლის საკურატორო დანაყოფშიც ხდება მოსამსახურის თანამდებობაზე დანიშვნა.
11. მინისტრის საკურატორო სფეროში მყოფი ერთი დანაყოფიდან მეორე დანაყოფში ან მინისტრის საკურატოროში შემავალ ერთ-ერთ დანაყოფში სამინისტროს სხვა სტრუქტურული ქვედანაყოფიდან, ტერიტორიული ორგანოდან, სსიპ-იდან მოსამსახურეთა (ამ მუხლის პირველი პუნქტით გათვალისწინებული თანამდებობების გარდა) თანამდებობრივი გადაადგილება (დანიშვნა-გათავისუფლება) ხდება მინისტრის პირველი მოადგილის ბრძანებით, ხოლო მისი არყოფნისას – მინისტრის ერთ-ერთი მოადგილის ბრძანებით.
12. მინისტრის საკურატორო სფეროში არსებული სტრუქტურული ქვედანაყოფებიდან და ტერიტორიული ორგანოებიდან, სამინისტროს სხვა სტრუქტურულ ქვედანაყოფებში, ტერიტორიულ ორგანოებსა და სსიპ-ებში მოსამსახურეთა (ამ მუხლის პირველი პუნქტით გათვალისწინებულ თანამდებობის პირთა გარდა) თანამდებობრივი გადაადგილებისას (დანიშვნა-გათავისუფლება) შესაბამის ბრძანებას გამოსცემს მინისტრის ის მოადგილე, რომლის საკურატორო სფეროშიც ხდება პირის თანამდებობაზე დანიშვნა.
13. მოსამსახურეთა კადრების განკარგულებაში აყვანა და კადრების განკარგულებიდან დათხოვნა ხდება კურატორი მინისტრის მოადგილის ბრძანებით, მინისტრის საკურატორო სფეროში შემავალი სტრუქტურული ქვედანაყოფის და ტერიტორიული ორგანოს მოსამსახურეების - მინისტრის პირველი მოადგილის ბრძანებით, ხოლო დაცვის პოლიციის მოსამსახურეების შემთხვევაში - მათი ხელმძღვანელის ბრძანები