„სოფლის მოსახლეობისათვის ამბულატორიული მომსახურების მიწოდების უზრუნველყოფის ღონისძიებათა შესახებ“ საქართველოს მთავრობის 2009 წლის 26 თებერვლის №132 განკარგულებაში დამატების შეტანის თაობაზე

საქართველოს მთავრობის

განკარგულება №836

2009 წლის 11 ნოემბერი

ქ. თბილისი

„სოფლის მოსახლეობისათვის ამბულატორიული მომსახურების მიწოდების უზრუნველყოფის ღონისძიებათა შესახებ“საქართველოს მთავრობის 2009 წლის 26 თებერვლის № 132 განკარგულებაში დამატების შეტანის თაობაზე

1. საქართველოს ზოგადი ადმინისტრაციული კოდექსის 63-ე მუხლის შესაბამისად, „სოფლის მოსახლეობისათვის ამბულატორიული მომსახურების მიწოდების უზრუნველყოფის ღონისძიებათა შესახებ “საქართველოს მთავრობის 2009 წლის 26 თებერვლის № 132 განკარგულებაში შეტანილ იქნეს ცვლილება და პირველ პუნქტს დაემატოს „დ “ქვეპუნქტი შემდეგი რედაქციით:

„დ) იმ პირების განსაზღვრა, რომელთა მიერ მეწარმე ფიზიკურ პირებად რეგისტრაციის შემთხვევაში განხორციელდება/ხორციელდება სოფლის მოსახლეობისათვის ამბულატორიული მომსახურების მიწოდება „ა “და „ბ “ქვეპუნქტით განსაზღვრული პირების წერილობითი განცხადების საფუძველზე მათი ორსულობის, მშობიარობისა და ბავშვის მოვლისას ან დროებითი შრომისუუნარობის ფურცელზე ყოფნის პერიოდში. “.

2. განკარგულება ძალაშია ხელმოწერის დღიდან და მისი მოქმედება გავრცელდეს 2009 წლის 1 ივნისიდან წარმოშობილ ურთიერთობებზე.

პრემიერ-მინისტრი                                                                                               ნ . გილაური