საქართველოს რეგიონული განვითარებისა და ინფრასტრუქტურის სამინისტროს მიერ სახელმწიფო შესყიდვების ერთ პირთან მოლაპარაკების საშუალებით განხორციელების შესახებ

საქართველოს მთავრობის

განკარგულება №103

2009 წლის 18 თებერვალი

ქ. თბილისი

 საქართველოს რეგიონული განვითარებისა და ინფრასტრუქტურის სამინისტროს მიერ სახელმწიფო შესყიდვების ერთ პირთან მოლაპარაკების საშუალებით განხორციელების შესახებ

1. „სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის „ე“ ქვეპუნქტის შესაბამისად, საქართველოს რეგიონული განვითარებისა და ინფრასტრუქტურის სამინისტრომ სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად გატარების მიზნით ერთ პირთან მოლაპარაკების საშუალებით განახორციელოს „საქართველოს 2009 წლის სახელმწიფო ბიუჯეტის შესახებ“ საქართველოს კანონით სამინისტროსთვის გათვალისწინებული ასიგნებებიდან (ორგანიზაციული კოდი – 25 01):

ა) სოფლის მხარდაჭერის პროგრამის პიარკამპანიისათვის სარეკლამო რგოლების დამზადება და ეთერში განთავსება 160 000 (ას სამოცი ათასი) ლარის ფარგლებში;

ბ) სამინისტროს აპარატის საჭიროებისთვის ორი ავტომობილის შესყიდვა 120 000 (ას ოცი ათასი) ლარის ფარგლებში.

2. განკარგულება ძალაშია ხელმოწერის დღიდან.

პრემიერ-მინისტრი                                                            ნ. გილაური