ქუთაისი-ტყიბულის სარკინიგზო მონაკვეთის აღდგენის ღონისძიებათა შესახებ

საქართველოს მთავრობის

განკარგულება №406

2006 წლის 30 აგვისტო

ქ. თბილისი

ქუთაისი- ტყიბულის სარკინიგზო მონაკვეთის აღდგენის ღონისძიებათა შესახებ

1. მიღებულ იქნეს ცნობად საქართველოს ეკონომიკური განვითარების სამინისტროს ინფორმაცია შპს „საქართველოს რკინიგზის” მიერ ქუთაისი-ტყიბულის სარკინიგზო მონაკვეთის აღდგენის შესახებ და „საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონის მე-5 მუხლის შესაბამისად:

ა) სსიპ _ საწარმოთა მართვის სააგენტომ და შპს „საქართველოს რკინიგზამ” კანონმდებლობით დადგენილი წესითა და წარმოდგენილი ტექნიკურ-ეკონომიკური გაანგარიშების მიხედვით უზრუნველყონ სათანადო ღონისძიებების განხორციელება ტყიბულის რაიონის სოციალურ-ეკონომიკური განვითარებისა და დამატებითი სამუშაო ადგილების შექმნის მიზნით ქუთაისი-ტყიბულის სარკინიგზო მონაკვეთის აღსადგე-ნად და ქვანახშირის გადაზიდვის ხელშესაწყობად;

ბ) ამ განკარგულებით გათვალისწინებულ ღონისძიებათა შესრულებას კონტროლი გაუწიოს საქართველოს ეკონომიკური განვითარების სამინისტრომ (ი. ჩოგოვაძე).

2. განკარგულება ძალაშია ხელმოწერის დღიდან.

 

პრემიერ-მინისტრი                                 ზ. ნოღაიდელი