„პროფესიული განათლების ინფრასტრუქტურის განვითარების სახელმწიფო პროგრამის „პროფესიული განათლება დასაქმებისათვის“ დამტკიცების შესახებ“ საქართველოს მთავრობის 2008 წლის 12 მარტის №113 განკარგულებაში ცვლილების შეტანის თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №256
2009 წლის 31 მარტი
ქ. თბილისი
„პროფესიული განათლების ინფრასტრუქტურის განვითარების სახელმწიფო პროგრამის „პროფესიული განათლება დასაქმებისათვის“ დამტკიცების შესახებ“ საქართველოს მთავრობის 2008 წლის 12 მარტის №113 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად, „პროფესიული განათლების ინფრასტრუქტურის განვითარების სახელმწიფო პროგრამის „პროფესიული განათლება დასაქმებისათვის“დამტკიცების შესახებ“ საქართველოს მთავრობის 2008 წლის 12 მარტის №113 განკარგულებით დამტკიცებულ სახელმწიფო პროგრამაში შეტანილ იქნეს ცვლილება და მე-5 მუხლი ჩამოყალიბდეს შემდეგი რედაქციით:
„მუხლი 5. პროექტში მონაწილეობის კრიტერიუმები
პროექტში მონაწილეობის მიღება შეუძლიათ ფიზიკურსა და კერძო სამართლის იურიდიულ პირებს ან პირთა გაერთიანებებს, რომელთა ბრუნვა 2008 წელს აღემატება 500 000 ლარს. იმ შემთხვევაში, თუ პრეტენდენტის ბრუნვა 2008 წელს არ აღემატება 500 000 ლარს, ხელშეკრულების გაფორმების მომენტისათვის აუცილებელია საბანკო გარანტიის წარდგენა 50 000 ლარის ოდენობით.“.
პრემიერ-მინისტრი ნ. გილაური