„სს „საქართველოს სახელმწიფო ელექტროსისტემის“ მიერ განსახორციელებელი ღონისძიების შესახებ“ საქართველოს მთავრობის 2012 წლის 30 აპრილის №826 განკარგულებაში ცვლილების შეტანის თაობაზე

საქართველოს მთავრობის

განკარგულება №259

2014 წლის 13 თებერვალი

 ქ. თბილისი

 „სს „საქართველოს სახელმწიფო ელექტროსისტემის“ მიერ განსახორციელებელი ღონისძიების შესახებ“ საქართველოს მთავრობის 2012 წლის 30 აპრილის №826 განკარგულებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის შესაბამისად, „სს „საქართველოს სახელმწიფო ელექტროსისტემის“ მიერ განსახორციელებელი ღონისძიების შესახებ“ საქართველოს მთავრობის 2012 წლის 30 აპრილის №826 განკარგულებაში შეტანილ იქნეს შემდეგი ცვლილებები და დამატება:

       1. მე-2 პუნქტი ამოღებულ იქნეს.

       2. 2² პუნქტის შემდეგ დაემატოს შემდეგი შინაარსის 2³ პუნქტი:

„2³. ცნობად იქნეს მიღებული სს „საქართველოს სახელმწიფო ელექ­ტროსისტემის“ მიერ ჩატარებული გამოკვლევები და მიღებული ზომები მცხეთა-მთიანეთის რეგიონში, დარიალის ხეობის გავლით ასაშენებელი ახალი ელექტროგადამცემი ხაზის ოპტიმალური ტექნიკური პარამეტრე­ბის დასაზუსტებლად. მცხეთა-მთიანეთის რეგიონში, დარიალის ხეობის გავლით ახალი ელექტროგადამცემი ხაზის მშენებლობის შესაძლო პრო­ექ­ტებს შორის ოპტიმალურად და სარეალიზაციოდ ცნობილ იქნეს 500 კვ ელექტროგადამცემი ხაზის მშენებლობა, რომელიც საწყის ეტაპზე ექსპ­ლუ­ატაციაში შევა 110 კვ ძაბვით და უზრუნველყოფს ამავე ხეობაში მშე­ნებარე „დარიალის“ და „ლარსის“ ჰიდროელექტროსადგურების, ასევე, მიმდებარე ზონაში შესაქმნელი სხვა პერსპექტიული ენერგეტიკული ობი­ექტების სისტემაში მიერთებას. შესაბამისად სს „საქართველოს სახე­ლ­მწიფო ელექტროსისტემამ“ უზრუნველყოს საჭირო ქმედებების, მათ შო­რის, საპროექტო, სამშენებლო, სერეკონსტრუქციო და სარეაბილი­ტა­ციო სამუშაოების განხორციელება ამ პუნქტში მითითებული ელექტრო­გა­დამცემი ხაზის ასაშენებლად.“.

3. მე-4 პუნქტი ჩამოყალიბდეს შემდეგი რედაქციით:

„4. საქართველოს ფინანსთა სამინისტრომ ამ განკარგულების პირ­ველი, 2¹, 2² და 2³ პუნქტების შესაბამისად უზრუნველყოს სათანადო ქმე­დებების განხორციელება, მათ შორის, სს „საქართველოს სახელმწიფო ელ­ე­ქ­ტროსისტემის“ რეაბილიტაციის გეგმაში ცვლილებების შეტანა.“.

 

პრემიერ-მინისტრი                                                ირაკლი ღარიბაშვილი