სახელმწიფო საკუთრებაში არსებული მოძრავი ნივთების კერძო სამართლის იურიდიული პირებისათვის თხოვების ფორმით გადასაცემად საქართველოს სპორტისა და ახალგაზრდობის საქმეთა სამინისტროსათვის თანხმობის მიცემის შესახებ

საქართველოს მთავრობის

განკარგულება №1422

2010 წლის 9 ნოემბერი

ქ. თბილისი

სახელმწიფო საკუთრებაში არსებული მოძრავი ნივთების კერძო სამართლის იურიდიული პირებისათვის თხოვების ფორმით გადასაცემად საქართველოს სპორტისა და ახალგაზრდობის საქმეთა სამინისტროსათვის თანხმობის მიცემის შესახებ

1. „სახელმწიფო ქონების შესახებ“საქართველოს კანონის 36-ე მუხლის მე-2 პუნქტის შესაბამისად, მიეცეს თანხმობა საქართველოს სპორტისა და ახალგაზრდობის საქმეთა სამინისტროს, მისთვის „საზოგადოებრივი თავშეყრის ადგილების გულის დეფიბრილატორებით აღჭურვის ღონისძიებათა შესახებ“საქართველოს მთავრობის 2010 წლის 27 ივლისის № 990 განკარგულების მე-2 პუნქტის საფუძველზე საქართველოს შრომის, ჯანმრთელობისა და სოციალური დაცვის სამინისტროს მიერ გადაცემული მოძრავი ნივთები (გულის დეფიბრილატორები) 3 (სამი) წლის ვადით, უსასყიდლო სარგებლობის უფლებით, თხოვების ფორმით გადასცეს შემდეგ კერძო სამართლის იურიდიულ პირებს:

ა) სს „ბორის პაიჭაძის სახელობის ეროვნულ სტადიონს“– 2 ცალი დეფიბრილატორი (ერთეულის ფასი – 1719,74 ლარი, საერთო ღირებულებით – 3439,48 ლარი) და თანმხლები 1 ცალი ლითონის ყუთი (ღირებულებით – 402,92 ლარი);

ბ) შპს „მიხეილ მესხის სახელობის სტადიონს“– 1 ცალი დეფიბრილატორი (ღირებულებით – 1719,74 ლარი) და თანმხლები 1 ცალი ლითონის ყუთი (ღირებულებით – 402,92 ლარი).

2. განკარგულების შესრულების უზრუნველსაყოფად საქართველოს სპორტისა და ახალგაზრდობის საქმეთა სამინისტრომ განახორციელოს კანონმდებლობით გათვალისწინებული ღონისძიებები.

პრემიერ-მინისტრი                     ნ. გილაური