ქ. თბილისის მერიის სსიპ – გუდაურის განვითარების ფონდის მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ

საქართველოს მთავრობის

განკარგულება №196

2012 წლის 6 თებერვალი

ქ. თბილისი

ქ. თბილისის მერიის სსიპ – გუდაურის განვითარების ფონდის მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ

1.  „სახელმწიფო შესყიდვების შესახებ“ საქართველოს კანონის 101 მუხ­ლის მე-3 პუნქტის „დ“ ქვეპუნქტის შესაბამისად, ქ. თბილისის თვით­მმარ­თველი ერთეულისა და საზოგადოებრივი ინტერესების გათვალის­წი­ნებით,  ქ. თბილისის მერიის სსიპ – გუდაურის განვითარების ფონდმა  სა­ერთაშორისო სათხილამურო ფედერაციის ეგიდით ჩასატარებელ სა­ერ­თა­შორისო ტურნირთან დაკავშირებით განახორციელოს გამარტივე­ბუ­ლი შესყიდვის საშუალე­ბ­ით შემდეგი სახელმ­წი­ფო შესყიდვა:

ა) ათლეტებისა და მწვრთნელების, ტექნიკური დელეგატებისა  და სა­პატიო სტუმრების მგზავრობა, განთავსება და  კვება;

ბ)  შეჯიბრების აღჭურვილობა და საპრიზო სიმბოლიკა;

გ) შეჯიბრების სარეკლამო მომსახურება;

დ) ყველა სხვა მომსახურება და პროდუქტი, რაც დაკავშირებული იქ­ნება გუდაურში საერთაშორისო სათხილამურო ფედერაციის ეგიდით ჩა­სატარებელ საერთაშორისო ტურნირთან.

2. ამ განკარგულების პირველი პუნქტით გათვალისწინებული სა­ხელ­მ­წ­იფო შესყიდვა განხორციელდეს 2012 წლის ქ. თბილისის ადგი­ლობ­რივი ბი­უჯეტის ქ. თბილისის მერიის სსიპ – გუდაურის განვი­თა­რე­ბ­ის ფონ­დი­ს­თვის გამოყოფილ ასიგნებათა ფარგლებში.

3.  ქ. თბილისის მერიის სსიპ – გუდაურის განვითარების ფონდმა ამ განკარგულების პირველი პუნქტით განსაზღვრული სა­ხელ­მ­წ­იფო შეს­ყიდ_­ვა განა­ხორ­ციელოს საავანსო თანხასთან დაკავშირებული საბანკო გა­რან­ტიის გა­რე­შე.

4. ცნობად იქნეს მიღებული, რომ ტექნიკური დელეგატებისა და სა­პატიო სტუმრების ჰონორარი, ას­ევე  შეჯიბრების საპრიზო თანხები გა­დახ­დილ იქნება 2012 წლის ქ. თბი­ლ­ი­სის ადგილობრივი ბიუჯეტის ქ. თბილისის მერიის სსიპ – გუდაურის გან­ვითარების ფონდისთვის გამო­ყო­ფილ ასიგნებათა ფარგლებში.

პრემიერ‑მინისტრი                                             ნ. გილაური