„აჭარის ავტონომიური რესპუბლიკის მთავრობის რეგლამენტის დამტკიცების შესახებ“ აჭარის ავტონომიური რესპუბლიკის მთავრობის 2008 წლის 26 აგვისტოს N33 დადგენილებაში ცვლილების შეტანის თაობაზე

აჭარის ავტონომიური რესპუბლიკის მთავრობის

დადგენილება №13

2014 წლის 25 მარტი

ქ. ბათუმი

„1. მთავრობის სხდომაზე განსახილველი საკითხი მთავრობის სხდომას შეიძლება წარუდგინოს (მოახსენოს) მთავრობის თავმჯდომარემ, მთავრობის წევრმა – მინისტრმა, მთავრობის საქვეუწყებო დაწესებულების ხელმძღვანელმა, მთავრობის აპარატის უფროს­მა, მთავრობის აპარატის სტრუქტურული ერთეულის ხელმძღვანელმა, ადგილობრივი თვითმმართველობის ორგანოს ხელმძღვანელებმა, აგრეთვე, მთავრობის თავმჯდომარის გადაწყვეტილებით სხვა პირმა. მთავრობის სხდომაზე საკითხის მომხსენებელს განსაზღ­ვრავს მთავრობის თავმჯდომარე.“;

„1. მთავრობის სხდომას ესწრებიან:

ა) მთავრობის თავმჯდომარე;

ბ) მთავრობის წევრი – მინისტრი (მოვალეობის შემსრულებელი);

გ) მთავრობის აპარატის უფროსი;

დ) მთავრობის აპარატის იურიდიული და ადამიანური რესურსების მართვის დეპარტამენტის უფროსი;

ე) მთავრობის აპარატის საქმისწარმოების დეპარტამენტის უფროსი;

ვ) მთავრობის აპარატის აჭარის ავტონომიური რესპუბლიკის უმაღლეს საბჭოსთან ურთიერთობის დეპარტამენტის უფროსი;

ზ) ამ რეგლამენტის შესაბამისად მოწვეული პირები.“;

„5. მთავრობის სხდომაზე განხილული და მიღებული (მოწონებული) სამართლებრივი აქტის პროექტის საბოლოო რედაქციას, მთავრობის სხდომაზე გამოთქმული შენიშვნების გათვალისწინებით, მთავრობის აპარატი, აპარატის იურიდიული და ადამიანური რესურ­სების მართვის დეპარტამენტის მონაწილეობით, დადგენილი წესით ამზადებს იმავე ან მეორე დღეს.

6. დადგენილი წესით მომზადებული მთავრობის (მთავრობის თავმჯდომარის) სამართლებრივი აქტის პროექტს, მისი მთავრობის სხდომაზე მიღებიდან (განხილვიდან) 3 დღის ვადაში მთავრობის თავმჯდომარეს ხელმოსაწერად გადასცემს მთავრობის აპარატის უფროსი ან მთავრობის აპარატის იურიდიული და ადამიანური რესურსების მართვის დეპარტამენტის უფროსი.“;

„2. მთავარი შემსრულებელი პასუხისმგებელია დავალების შესრულების კოორ­დინაციისათვის. იგი ორგანიზებას უწევს დავალების შესრულებისათვის საჭირო ღონის­ძიებათა განხორციელებას. აუცილებლობის შემთხვევაში ან დავალების ოპერატიულად შესრულების მიზნით მთავარი შემსრულებელი უფლებამოსილია შექმნას სამუშაო ჯგუფი. მთავრობის სამართლებრივი აქტების პროექტების მომზადებისას სამუშაო ჯგუფში მთავრობის აპარატის იურიდიული და ადამიანური რესურსების მართვის დეპარტამენტის მონაწილეობა სავალდებულოა.“;

„2. მთავრობის აპარატში სამართლებრივი აქტის პროექტს ამზადებს მთავრობის აპარატის იურიდიული და ადამიანური რესურსების მართვის დეპარტამენტი მთავრობის აპარატის სხვა სტრუქტურული ერთეულების მონაწილეობით.“;

„4. სავალდებულოა იურიდიული და ადამიანური რესურსების მართვის დეპარ­ტამენტს ექსპერტიზისა და ვიზირებისათვის გადაეცეს ყველა სამართლებრივი აქტის (კანონის, მთავრობისა და მთავრობის თავმჯდომარის სამართლებრივი აქტის) პროექტი, მიუხედავად იმისა იგი ამ სამართლებრივი აქტის განხილვისათვის (მომზადებისათვის) წამყვან დეპარტამენტად არის განსაზღვრული თუ არა და მიუხედავად იმისა, იგი მთავრობის აპარატშია მომზადებული თუ არა.

5. იურიდიული და ადამიანური რესურსების მართვის დეპარტამენტი სამართლებრივი აქტის პროექტს ამოწმებს (განიხილავს) მიზანშეწონილობისა და სამართლებრივი თვალსაზრისით, კერძოდ: შეესაბამება თუ არა სამართლებრივი აქტის პროექტი უპირატესი იურიდიული ძალის მქონე ნორმატიულ აქტებს, საჭიროა თუ არა ახალი სამართლებრივი აქტის მიღება, ამომწურავია თუ არა გასაუქმებელი ნორმატიული აქ­ტებისა და სავალდებულო ცვლილებების პროექტების ნუსხა და სხვა.“;

„3. მთავრობის, მთავრობის თავმჯდომარისა და მთავრობის აპარატის კომპეტენციას მიკუთვნებულ საკითხებზე შემოსულ ადმინისტრაციულ საჩივრებზე საქართველოს ზო­გადი ადმინისტრაციული კოდექსით დადგენილი წესით ადმინისტრაციული წარმოების ჩატარებისა და ადმინისტრაციული საჩივრის განხილვის შედეგად მისაღები გადაწყ­ვეტი­ლების (ადმინისტრაციულ–სამართლებრივი აქტი) პროექტის მთავრობის თავმჯდომარი­სათვის წარდგენას უზრუნველყოფს მთავრობის აპარატის იურიდიული და ადამიანური რესურსების მართვის დეპარტამენტი.“.