„საქართველოს რეგიონული განვითარებისა და ინფრასტრუქტურის სამინისტროსათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ“ საქართველოს მთავრობის 2012 წლის 12 ივნისის №1114 განკარგულებაში ცვლილების შეტანის თაობაზე

საქართველოს მთავრობის

განკარგულება №1209

2012 წლის 20 ივნისი

ქ. თბილისი

 „საქართველოს რეგიონული განვითარებისა და ინფრასტრუქტურის სამინისტროსათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ“ საქართველოს მთავრობის 2012 წლის 12 ივნისის №1114 განკარგულებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხ­ლ­ის შესაბამისად, „საქართველოს რეგიონული განვითარებისა და ინფრა­სტ­რუქტურის სამინისტროსათვის საქართველოს რეგიონებში განსახორ­ც­იე­ლ­ებელი პროექტების ფონდიდან თანხის გამოყოფის შესახებ“ საქარ­თვე­ლოს მთავრობის 2012 წლის 12 ივნისის №1114 განკარგულებაში შეტა­ნ­ილ იქნეს შემდეგი ცვლილება:

ა) პირველი და მე-2 პუნქტები ჩამოყალიბდეს შემდეგი რედაქც­ი­ით:

„1. „რეგიონული განვითარების პროექტის (იმერეთი)“ ფარგლებში, წყალ­ტუბოს რეაბილიტაციისათვის საჭირო ინფრასტრუქტურული პროე­ქ­ტების განხორციელების მიზნით, საქართველოს ფინანსთა სამინისტრომ „სა­ქართველოს 2012 წლის სახელმწიფო ბიუჯეტის შესახებ“ საქართვე­ლ­ოს კანონით გათვალისწინებული საქართველოს რეგიონებში განსახორც­ი­ე­ლე­ბელი პროექტების ფონდიდან საქართველოს რეგიონული განვით­ა­რ­ებისა და ინფრასტრუქტურის სამინისტროს (შემდგომში – სამინისტრო) გა­მოუყოს 3 751 000 (სამი მილიონ შვიდას ორმოცდათერთმეტი ათასი) ლა­რი შპს „სახელმწიფო სამშენებლო კომპანიისათვის“ (შემდგომში – კომ­პ­ა­ნია) გადასაცემად.

2. კომპანიამ ამ განკარგულების პირველი პუნქტით გათვალის­წი­ნ­ე­ბული დაფინანსების ფარგლებში უზრუნველყოს ქ. წყალტუბოში შემ­დე­გი სამუშაოების სახელმწიფო შესყიდვა:

ა) რუსთაველის ქუჩის №15-ში მდებარე ლუდსახარშის შენობის რე­­აბილიტაცია;

ბ) რუსთაველის ქუჩის №7-ში მდებარე ფოსტის შენობის რეაბილი­ტ­ა­ცია;

გ) რუსთაველის ქუჩის №4-ში მდებარე შენობის რეკონსტრუქცია;

დ) რუსთაველის ქუჩის №10-ში მდებარე კაფე „მაგნოლიას“ რეაბი­ლ­იტაცია;

ე) სანატორიუმ „შახტიორის“ წინ მდებარე შადრევნის რეკონს­ტ­რ­უ­ქ­ცია.“;

ბ) მე-4 პუნქტი ჩამოყალიბდეს შემდეგი რედაქციით:

„4. სამინისტრომ უზრუნველყოს კომპანიის კაპიტალის გაზრდა 3 751 000 (სამი მილიონ შვიდას ორმოცდათერთმეტი ათასი) ლარით.“.

 

პრემიერ-მინისტრი                               ნიკა გილაური