მესტიის მუნიციპალიტეტისათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ

საქართველოს მთავრობის

განკარგულება №1254

2012 წლის 25 ივნისი

ქ. თბილისი

მესტიის მუნიციპალიტეტისათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ

1. მესტიის მუნიციპალიტეტის ტურისტული პოტენციალის გაზრდისა და ტურისტული ინფრასტრუქტურის შექმნის მიზნით საქართველოს ფინანსთა სამინისტრომ „საქართველოს 2012 წლის სახელმწიფო ბიუჯეტის შესახებ“ საქართველოს კანონის მე-19 მუხლის მე-2 პუნქტით გათვალისწინებული საქართველოს რეგიონებში განსახორციელებელი პროექტების ფონდიდან მესტიის მუნიციპალიტეტს გამოუყოს 2 480 000 (ორი მილიონ ოთხას ოთხმოცი ათასი) ლარი, მათ შორის:

ა) მესტიის ცენტრში მდებარე შენობების, საცხოვრებელი სახლების აღდგენა‑რეაბილიტაციის სამუშაოების ჩატარებისა და მათთან დაკავშირებული ხარჯების დასაფინანსებლად – 2 000 000 (ორი მილიონი) ლარი;

ბ) დაბა მესტიის ცენტრში მდებარე შენობების ფასადების და სვანური კოშკების რეაბილიტაციის ფარგლებში შესრულებული სამუშაოებისათვის ექსპერტიზის ჩატარების ხარჯების დასაფინანსებლად – 250 000 (ორას ორმოცდაათი ათასი) ლარი;

გ) სვანური კოშკების სარეაბილიტაციო სამუშაოებისა და მათთან დაკავშირებული სხვა ხარჯების დასაფინანსებლად – 230 000 (ორას ოცდაათი ათასი) ლარი.

2. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, მესტიის მუნიციპალიტეტმა ამ განკარგულებით გათვალისწინებულ ღონისძიებებთან დაკავშირებული სახელმწიფო შესყიდვები განახორციელოს გამარტივებული შესყიდვის საშუალებით.

 

პრემიერ-მინისტრი                          ნიკა გილაური