„სახელმწიფო ქონების კონკურენტული შერჩევის საფუძველზე, პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2009 წლის 30 მარტის №235 განკარგულებით განსაზღვრულისაგან განსხვავებული პირობის დადგენისა და შპს „სათესლე და სარგავი მასალის წარმოების სამეცნიერო-საწარმოო ცენტრ „აგრო ქართუს“ საქმიანობის ხელშესაწყობად რიგ ღონისძიებათა განხორციელების თაობაზე

საქართველოს მთავრობის

განკარგულება №806

2014 წლის 8 მაისი

ქ. თბილისი

 „სახელმწიფო ქონების კონკურენტული შერჩევის საფუძველზე, პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2009 წლის 30 მარტის №235 განკარგულებით განსაზღვრულისაგან განსხვავებული პირობის დადგენისა და შპს „სათესლე და სარგავი მასალის წარმოების სამეცნიერო-საწარმოო ცენტრ „აგრო ქართუს“ საქმიანობის ხელშესაწყობად რიგ ღონისძიებათა განხორციელების თაობაზე

1. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის და „სახელმწიფო ქონების შესახებ“ საქართველოს კანონში ცვლილების შეტანის თაობაზე“ 2013 წლის 6 სექტემბრის №1037-1ს საქართველოს კანონის მე-2 მუხლის პირველი პუნქტის შესაბამისად, დადგინდეს „სახელმწიფო ქონების კონკურენტული შერჩევის საფუძველზე, პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2009 წლის 30 მარტის №235 განკარგულების მე-2 პუნქტის „ბ“ ქვეპუნქტით განსაზღვრულისაგან განსხვავებული შემდეგი საპრივატიზებო პირობა:

„საპრივატიზებო მიწის ნაკვეთებზე კარტოფილის მეთესლეობის ბაზის შექმნა (სარწყავი სისტემებისა და კარტოფილის თესლის შესანახი სათავსოების მოწყობა ვენტილაციის სისტემებით, ტემპერატურული რეჟიმის დაცვით) და 100 (ასი) ადამიანის დასაქმება შესაბამისი ხელშეკრულების გაფორმებიდან 1 (ერთი) წლის განმავლობაში;“.

       2. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, შპს „სათესლე და სარგავი მასალის წარმოების სამეცნიერო-საწარმოო ცენტრი „აგრო ქართუ“ (ს.კ. 205203983) გათავისუფლდეს საქართველოს ეკონომიკური განვითარების სამინისტროსა (უფლებამონაცვლე საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტო) და შპს „სათესლე და სარგავი მასალის წარმოების სამეცნიერო-საწარმოო ცენტრ „აგრო ქართუს“ შორის 2009 წლის 30 აპრილს გაფორმებული ნასყიდობის ხელშეკრულების 4.2.3 მუხლის შესაბამისად, ამ განკარგულების საფუძველზე შესაბამისი ცვლილების ხელშეკრულების გაფორმებამდე დაკისრებული/დასაკისრებელი პირგასამტეხლოსაგან.

     3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

 

პრემიერ-მინისტრი                               ირაკლი ღარიბაშვილი