საპრივატიზებო პირობების შესრულებასთან დაკავშირებით რიგ ღონისძიებათა განხორციელების შესახებ

 

საქართველოს მთავრობის

განკარგულება №1847

2012 წლის 8 ოქტომბერი

ქ. თბილისი

საპრივატიზებო პირობების შესრულებასთან დაკავშირებით რიგ ღონისძიებათა განხო რ ციელების შესახებ

იმის გათვალისწინებით, რომ ინვესტიციების წახალისება და საინვესტიციო გარემოს დაცვა ხელს უწყობს ეკონომიკური ურთიერთობების განვითარებისა და საინვესტიციო ინიციატივების სტიმულირებას, „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ზ“, „თ“და „ი“ ქვეპუნქტების შესაბამისად:

1 . საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – სახელმწიფო ქონების ეროვნულ სააგენტოს მიეცეს თანხმობა, შეიტანოს ცვლილება საქართველოს სახელმწიფო ქონების მართვის სამინისტროსა და შპს „ნეპტუნს“ შორის 2001 წლის 26 ივლისს გაფორმებულ ნასყიდობის ხელშეკრულებაში და ამ განკარგულების გამოცემიდან 10 კალენდარული დღის ვადაში სსიპ – სახელმწიფო ქონების ეროვ ნ ული სააგე ნ ტოს შესაბამის ანგარიშზე 82 000 (ოთხმოცდაორი ათასი) აშშ დოლარის ეკვივალენტ ლარში გადახდის შემთხვევაში შპს „ნეპტუნს“ მოეხსნას აღნიშნული ხელშეკრულების მე-2 მუხლის 2.1 პუნქტის „გ“ – „ი“ ქვეპუნქტებით ნაკისრი ვალდებულებები.

2 . საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ – სახელმწიფო ქონების ეროვნულმა სააგენტომ განახორციელოს ამ განკარგულების შესრულებისათვის კანონმდებლობით გათვალისწინებული ღონისძიებები.

პრემიერ-მინისტრი   ი . მერაბიშვილი