„მოსწავლის სკოლის სახელმძღვანელოებით (მოსწავლის წიგნის) და დამხმარე ლიტერატურით უზრუნველყოფის მიზნით სახელმწიფოს მიერ მოსწავლის მშობლის/კანონიერი წარმომადგენლისათვის უსასყიდლოდ, დროებით სარგებლობაში გადაცემული სკოლის სახელმძღვანელოების (მოსწავლის წიგნის) და დამხმარე ლიტერატურის გამოყენების ზოგადი წესისა და მათი მოვლა-პატრონობის შეფასების კრიტერიუმების დამტკიცების თაობაზე“ საქართველოს განათლებისა და მეცნიერების მინისტრის 2013 წლის 5 აგვისტოს N103/ნ ბრძანებაში ცვლილების შეტანის თაობაზე

საქართველოს განათლებისა და მეცნიერების მინისტრის

2014 წლის 1 ივლისი

ქ. თბილისი

1. მე-3 მუხლი ჩამოყალიბდეს შემდეგი რედაქციით:

„მუხლი 3. სახელმძღვანელოების მოვლა-პატრონობის შეფასების კრიტერიუმები

1. სახელმძღვანელოების მოვლა-პატრონობა ფასდება 9-ქულიანი შკალით, ამ მუხლის მე-2 პუნქტის შესაბამისად.

2. სახელმძღვანელოების მოვლა-პატრონობის შეფასების კრიტერიუმებია:

ა) ყდის მდგომარეობა:

ა.ა) დაუზიანებელი − 3 ქულა;

ა.ბ) დაზიანებული, თუმცა სასწავლო პროცესში გამოყენებადი − 2 ქულა;

ა.გ) მნიშვნელოვნად დაზიანებული, შიგთავსს დაცილებული  − 1  ქულა.

ბ) სახელმძღვანელოს სისუფთავე:

ბ.ა) მარკირების გარეშე − 3 ქულა;

ბ.ბ) მარკირებული, თუმცა სასწავლო პროცესში გამოყენებადი −2 ქულა;

ბ.გ) მნიშვნელოვნად მარკირებული, სასწავლო პროცესში გამოსაყენებლად გამოუსადეგარი − 1 ქულა.

გ) სახელმძღვანელოს გვერდების მდგომარეობა:

გ.ა) დაუზიანებელი − 3 ქულა;

გ.ბ) დაზიანებული, მაგრამ სასწავლო პროცესში გამოყენებადი − 2 ქულა;

გ.გ) დახეული, არ იკითხება შინაარსი და სასწავლო პროცესში გამოსაყენებლად გამოუსადეგარი − 1 ქულა.

3. ამ მუხლის მე-2 პუნქტის „ბ“ ქვეპუნქტის „ბ.გ“ ქვეპუნქტითა ან/და „გ“ ქვეპუნქტის „გ.გ“ ქვეპუნქტით გათვალისწინებული ერთ-ერთი დაზიანების არსებობის შემთხვევაში სახელმძღვანელო ფასდება 1 ქულით;

4. მოსწავლეს გამოსაყენებლად შეიძლება გადაეცეს არანაკლებ 6 ქულით შეფასებული სახელმძღვანელო.

5. სახელმძღვანელო, რომლის მოვლა-პატრონობის შეფასების ქულა (შემდგომში − ქულა) შეადგენს 5 ქულას და ნაკლებს, გამოსაყენებლად გამოუსადეგარია.“.

2. მე-4 მუხლის:

ა) პირველი პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) მოსწავლეს გამოსაყენებლად გადასცენ არანაკლებ 4 ქულით შეფასებული სახელმძღვანელო;“

ბ) მე-2 პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) გაუფრთხილდეს სახელმძღვანელოებს: არ დააზიანოს, არ ჩაკეცოს ფურცლები, არ გააკეთოს მინაწერები და სხვა, გარდა იმ შემთხვევისა, როდესაც ამას მოითხოვს წიგნის შინაარსი ან სტრუქტურა.“;

გ) მე-3 პუნქტის: „გ“ და „დ“ ქვეპუნქტები ჩამოყალიბდეს შემდეგი რედაქციით:

„გ) სახელმძღვანელოს მიღების დროს გადაათვალიეროს ისინი და დეფექტის აღმოჩენის შემთხვევაში დაუყოვნებლივ აცნობოს შესაბამისად საჯარო ან კერძო სკოლას;

დ) ხელშეკრულების მოქმედების ვადის გასვლისთანავე, ასევე მოსწავლის მიერ კანონმდებლობით დადგენილი წესით მობილობის განხორციელების ან მოსწავლის სტატუსის შეჩერების/შეწყვეტის შემთხვევაში სკოლას დაუბრუნოს სახელმძღვანელოები.“

3. მე-6 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. მოსწავლის მშობელს/კანონიერ წარმომადგენელს დაეკისრება პასუხისმგებლობა ხელშეკრულებისა და ამ წესის მე-4 მუხლის მე-3 პუნქტით გათვალისწინებული ვალდებულებების დარღვევისათვის, ასევე სახელმძღვანელოს დაკარგვის, განზრახ დაზიანების ან განადგურების შემთხვევაში.“;

ბ) მე-4 პუნქტი ჩამოყალიბდეს შემდეგი რედაქციით:

„4. ობიექტური გარემოების არსებობისას, საჯარო ან/და კერძო სკოლამ შეიძლება მიიღოს გადაწყვეტილება ამ მუხლის პირველი, მე-2 და მე-3 პუნქტების მოქმედების მოსწავლის მშობელზე/კანონიერ წარმომადგენელზე გაუვრცელებლობის შესახებ.“;

გ) მე-4 პუნქტის შემდეგ დაემატოს შემდეგი შინაარსის მე-5 პუნქტი:

„5. ამ მუხლის მე-4 პუნქტით გათვალისწინებული მიზნებისათვის საჯარო ან/და კერძო სკოლა ვალდებულია შექმნას სახელმძღვანელოების მდგომარეობის შეფასების კომისია, რომელიც შესაბამისი გარემოებების გათვალისწინებით იმსჯელებს და მიიღებს გადაწყვეტილებას საჯარო ან/და კერძო სკოლის მიერ მოსწავლის მშობელთან/კანონიერ წარმომადგენლთან მომდევნო სასწავლო წელს, მოსწავლის სახელმძღვანელოების უზრუნველყოფის მიზნით, ხელშეკრულების დადება/არ დადებისა და მოსწავლის მშობლისათვის/კანონიერი წარმომადგენლისათვის პასუხისმგებლობის დაკისრება/არ დაკისრების შესახებ.“.