მუხლი 47. 1.   საკრებულოს თავმჯდომარე:

ა) იწვევს, ხსნის, თავმჯდომარეობს, წარმართავს და  საკრებულოს გადაწყვეტილების საფუძველზე დახურულად აცხადებს  საკრებულოს სხდომას;

ბ)  საკრებულოს სხდომის მიმდინარეობისას უზრუნველყოფს  საკრებულოს სხდომათა დარბაზში წესრიგის დაცვას;

გ) უზრუნველყოფს საქართველოს კანონმდებლობითა და  საკრებულოს რეგლამენტით დადგენილი პროცედურების დაცვას;

დ) ადგენს  საკრებულოს სხდომის დღის წესრიგის პროექტს, განსახილველ საკითხზე გამოსვლის მსურველთა სიას,  საკრებულოს რეგლამენტით დადგენილი წესით განსაზღვრავს გამომსვლელთა რიგითობას და აძლევს მათ სიტყვას;

ე) სვამს საკითხს კენჭისყრაზე და აცხადებს კენჭისყრის შედეგებს;

ვ) კოორდინაციას უწევს  საკრებულოს კომისიების მუშაობას;

ზ) წარმოადგენს  საკრებულოს ამ კანონით მისთვის მინიჭებული უფლებამოსილების ფარგლებში;

თ)  საკრებულოს კომისიების თავმჯდომარეების წარდგინებით  საკრებულოს კომისიებში იწვევს ექსპერტებსა და სპეციალისტებს; მათთან დებს და აუქმებს ხელშეკრულებებს;

ი) ხელს აწერს  საკრებულოს დადგენილებებს, განკარგულებებსა და სხდომების ოქმებს;

კ) გამოსცემს ინდივიდუალურ სამართებრივ აქტს - ბრძანებას.

ლ) თანამდებობაზე ნიშნავს და თანამდებობიდან ათავისუფლებს  საკრებულოს აპარატის მოსამსახურეებს;

მ)  საკრებულოს რეგლამენტით დადგენილი წესით  საკრებულოს წარუდგენს გაწეული მუშაობის შესახებ ანგარიშს;

ნ)  საკრებულოს დასამტკიცებლად წარუდგენს  საკრებულოს რეგლამენტს,  საკრებულოს  კომისიის დებულებას და  საკრებულოს აპარატის დებულებას;

ო) ამტკიცებს  საკრებულოს აპარატის შინაგანაწესს და თანამდებობრივ ინსტრუქციებს;

პ) იღებს გადაწყვეტილებებს  საკრებულოს აპარატის მოსამსახურეთა წახალისებისა და მათთვის დისციპლინური პასუხისმგებლობის დაკისრების შესახებ;

ჟ) უფლებამოსილია აპარატის საქმიანობის განხორციელებიდან გამომდინარე საკრებულოს თავმჯდომარის ცალკეული უფლებამოსილებანი დელეგირებით გადასცეს საკრებულოს აპარატის უფროსს, კანონმდებლობით დადგენილი შეზღუდვების გათვალისწინებით;

რ) საქართველოს კანონმდებლობის შესაბამისად იღებს გადაწყვეტილებას  საკრებულოში პირის ლობისტად რეგისტრაციის შესახებ;

ს) გადაწყვეტილებას იღებს საკრებულოს თავმჯდომარის პირველი მოადგილისა და მოადგილეების, კომისიებისა და ფრაქციების თავმჯომარეების და საკრებულოს აპარატის საშტატო ნუსხით გათვალისწინებულ მოსამსახურეთა და შტატგარეშე მომსამსახურეთათვის შვებულების და ქვეყანაში და ქვეყნის გარეთ მივლინების თაობაზე, ასევე ნიშნავს საკრებულოს დელეგაციის ხელმძღვანელს.

ტ) საკრებულოს სახელით ანიჭებს წარმომადგენლობით უფლებემოსილებებს, მათ შორის რწმუნებებს (მინდობილობებს);

უ) საკრებულოს წარუდგენს საკრებულოს თავმჯდომარის პირველი მოადგილისა და მოადგილეების კანდიდატურებს;

ფ) კანონმდებლობით დადგენილი წესით განსაზღვრავს მისი არყოფნის შემთხვევაში საკრებულოს თავმჯდომარის მოვალეობის შემსრულებელს;

ქ) ახორციელებს ამ კანონით, საქართველოს სხვა საკანონმდებლო და კანონქვემდებარე ნორმატიული აქტებითა და  საკრებულოს რეგლამენტით მისთვის მინიჭებულ სხვა უფლებამოსილებებს.

2.  საკრებულოს თავმჯდომარე ანგარიშვალდებულია  საკრებულოს წინაშ