„სახელმწიფო სადაზღვევო პროგრამების ფარგლებში სამედიცინო და სადაზღვევო მომსახურების მიწოდების წესების დამტკიცების შესახებ“ საქართველოს მთავრობის 2012 წლის 14 მაისის №177 დადგენილებაში ცვლილების შეტანის თაობაზე

„ა.ა) თუ ამ პუნქტის „ა“ ქვეპუნქტით განსაზღვრული პირობის დარღ­ვე­ვა ხდება მიმწოდებლისაგან დამოუკიდებელი მიზეზებით (პაციენტის უგონო მდგომარეობა ან პირადობის დამადასტურებელი დოკუმენტის წარუდ­გენ­ლო­ბა და ა.შ.), მიმწოდებელი ვალდებულია, იმავე პერიოდში გამოი­ძახოს საქართველოს შინაგან საქმეთა სამინისტროს საპატრულო პოლიციის დეპარტამენტის ან საქართველოს შინაგან საქმეთა სამინისტროს ტერიტორიული ორგანოს წარმომადგენელი პიროვნების იდენტიფიკაციის მიზ­ნით. იმ შემ­თხვევაში, თუ საქართველოს შინაგან საქმეთა სამინისტროს საპატრულო პოლიციის დეპარტამენტის ან საქართველოს შინაგან საქმეთა სამინისტროს ტერიტორიული ორგანოს წარმომადგენლის ჩარევის შედე­გად პი­როვ­ნების იდენტი­ფიკაცია ხდება მოგვიანებით და არა იმავე პერიოდში, მიმ­წო­დებელს დაზღვეულის იდენ­­­ტიფიკაციისთანავე ენიჭება შეტყო­ბინების გაკეთებისა და სადაზღვევო ანაზ­ღაურების მოთხოვნის უფ­ლება, დადგენილი წე­სით. საქართველოს შინაგან საქმეთა სამინისტროს საპატრულო პოლიციის დეპარტამენტის ან საქართველოს შინაგან საქმეთა სამინისტროს ტერიტორიული ორგანოს წარმომადგენლის მიერ პიროვნების იდენტიფიკაციის შემთხვევაში, მიმწო­დებელმა მზღვე­­­­ველს საანგარიშო დოკუმენტაციასთან ერთად უნდა წა­რუდ­გინოს საქართველოს შინაგან საქმეთა სამინისტროს საპატრულო პოლიციის დეპარტამენტის ან საქართველოს შინაგან საქმეთა სამინისტროს ტერიტორიული ორგანოს წარმომადგენლის მიერ შედგენილი იდენტიფიკაციის ოქ­მი;“.