„სარეგისტრაციო მოსაკრებლების შესახებ“ საქართველოს კანონში ცვლილების შეტანის თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს კანონი
„სარეგისტრაციო მოსაკრებლების შესახებ“ საქართველოს კანონში ცვლილების შეტანის თაობაზე
მუხლი 1.„სარეგისტრაციო მოსაკრებლების შესახებ“ საქართველოს კანონის (საქართველოს საკანონმდებლო მაცნე, №9, 26.04.2002, მუხ. 43) მე-7 მუხლის 71 პუნქტი ჩამოყალიბდეს შემდეგი რედაქციით:
„71. საქართველოს ფინანსთა სამინისტროს უფლებამოსილი ორგანოები ახორციელებენ შემდეგი სახის რეგისტრაციას:
ა) არასამეწარმეო (არაკომერციული) იურიდიული პირის რეგისტრაცია – 60 ლარი;
ბ) საქართველოში რეგისტრირებული არასამეწარმეო (არაკომერციული) იურიდიული პირის ფილიალის რეგისტრაცია – არასამეწარმეო (არაკომერციული) იურიდიული პირის რეგისტრაციისათვის დაწესებული მოსაკრებლის 50%;
გ) უცხო ქვეყნის არასამეწარმეო (არაკომერციული) იურიდიული პირის (განურჩევლად მისი ორგანიზაციულ-სამართლებრივი ფორმისა) ფილიალის რეგისტრაცია – 40 ლარი;
დ) არასამეწარმეო (არაკომერციული) იურიდიული პირის, მისი ფილიალის, უცხო ქვეყნის არასამეწარმეო (არაკომერციული) იურიდიული პირის ფილიალის წესდებაში ან დებულებაში ცვლილების ან/და დამატების შეტანა – შესაბამისი არასამეწარმეო (არაკომერციული) იურიდიული პირის რეგისტრაციისათვის დაწესებული მოსაკრებლის 25%.“.
მუხლი 2. ეს კანონი ამოქმედდეს გამოქვეყნებისთანავე.
საქართველოს პრეზიდენტი მ. სააკაშვილი
თბილისი,
2006 წლის 14 დეკემბერი.
№3989–რს