1.
საჯარო კონკურსს, მუნიციპალიტეტის ადგილობრივ თვითმმართველობის ორგანოებში ვაკანტური თანამდებობის დასაკავებლად, ინდივიდუალურ-ადმინისტრაციული სამართლებრივი აქტით,  აცხადებს დაწესებულების ხელმძღვანელი;
2.
კომისია უზრუნველყოფს ვაკანტური თანამდებობისთვის შეტყობინების მომზადებას, რომელიც ვრცელდება საჯარო სამსახურის ბიუროს მიერ ადმინისტრირებული ვებგვერდის (www.hr.gov.ge)მეშვეობით.
3.
კონკურსის გამოცხადების ხარჯებს ანაზღაურებს მუნიციპალიტეტი.
4.
შეტყობინება კონკურსის გამოცხადების შესახებ უნდა შეიცავდეს:
ა)
დაწესებულების და კონკურსის წესით შესავსები ვაკანტური თანამდებობის დასახელებას;
ბ)
კანდიდატის მიმართ წაყენებულ მოთხოვნებს;
გ)
შესასრულებელ სამუშაოს;
დ)
თანამდებობრივი სარგოს ოდენობას;
ე)
განცხადებისა და სხვა აუცილებელი დოკუმენტების წარდგენის ვადას;
ვ)
კონკურსის ეტაპებს;
ზ)
კომისიის მიერ გადაწყვეტილების მიღების ვადას;
თ)
კომისიის მიერ გადაწყვეტილების მიღების ფორმას;
ი)
კომისიის მისამართი;
კ)
დაწესებულების გადაწყვეტილებით, შესაძლებელია, აისახოს სხვა ინფორმაციაც