„იმ სახელმწიფო პროგრამების/მათი ღონისძიებების/მოცულობების განსაზღვრის შესახებ, რომელთა განხორციელებაც სახელმწიფოს მიერ 2014 წელს ნაკისრი ვალდებულებების შესასრულებლად უწყვეტად გაგრძელდება საქართველოს შრომის, ჯანმრთელობისა და სოციალური დაცვის სამინისტროს სისტემაში განსახორციელებელი 2015 წლის შესაბამისი ჯანმრთელობის დაცვის სახელმწიფო პროგრამების დამტკიცებამდე ან/და „სახელმწიფო შესყიდვების შესახებ“ საქართველოს კანონის მოთხოვნათა შესრულებამდე, ან ვაუჩერის პირობების შესაბამისად, შესაბამისი მიმწოდებლების გამოვლენამდე“ საქართველოს მთავრობის 2014 წლის 26 დეკემბრის №723 დადგენილებაში ცვლილების შეტანის თაობაზე

„თ) „ნარკომანიის“ სახელმწიფო პროგრამის ფარგლებში, ცენტრისათვის განკუთვნილი უფლებამოვალეობების შესრულება განახორციელოს სააგენტომ.“. 

ა)  საქართველოს შრომის, ჯანმრთელობისა და სოციალური დაცვის სამინისტროს (შემდგომში - სამინისტრო) სახელმწიფო კონტროლს დაქვემდებარებულ საჯარო სამართლის იურიდიულ პირს -  ნარკომანიის და ფსიქიკური ჯანმრთელობის პოლიტიკისა და პროგრამების მართვის ცენტრს (შემდგომში - ცენტრი) ამ დადგენილების ამოქმედებიდან 5 დღის ვადაში, უზრუნველყოს „ნარკომანიის“ სახელმწიფო პროგრამის ფარგლებში, პროგრამის მოსარგებლეთა რეგისტრაციასა და სხვა უფლებამოსილებასთან დაკავშირებული ინფორმაციის/დოკუმენტაციის გადაცემა სამინისტროს სახელმწიფო კონტროლს დაქვემდებარებული საჯარო სამართლის იურიდიული პირისათვის - სოციალური მომსახურების სააგენტოსათვის;

ბ)  სამინისტროს სახელმწიფო კონტროლს დაქვემდებარებულ საჯარო სამართლის იურიდიულ პირს - სოციალური მომსახურების სააგენტოს, უზრუნველყოს „ნარკომანიის“ სახელმწიფო პროგრამის ფარგლებში, ცენტრის უფლებამოსილებების განხორციელება;  

გ) სამინისტროს „ნარკომანიის“ სახელმწიფო პროგრამის განხორციელებასთან დაკავშირებული შესაბამისი სამართლებრივი აქტების გადახედვა და საჭირო ცვლილებების უზრუნველყოფა.