„იმ სახელმწიფო პროგრამების/მათი ღონისძიებების/მოცულობების განსაზღვრის შესახებ, რომელთა განხორციელებაც სახელმწიფოს მიერ 2012 წელს ნაკისრი ვალდებულებების შესასრულებლად უწყვეტად გაგრძელდება საქართველოს შრომის, ჯანმრთელობისა და სოციალური დაცვის სამინისტროს სისტემაში განსახორციელებელი 2013 წლის შესაბამისი ჯანმრთელობის დაცვის სახელმწიფო პროგრამების დამტკიცებამდე ან/და „სახელმწიფო შესყიდვების შესახებ“ საქართველოს კანონის მოთხოვნათა შესრულებამდე, ან ვაუჩერის პირობების შესაბამისად, შესაბამისი მიმწოდებლების გამოვლენამდე და ჯანმრთელობის საყოველთაო დაზღვევის პროგრამის ამოქმედებამდე“ საქართველოს მთავრობის 2012 წლის 28 დეკემბრის №482 დადგენილებაში ცვლილების შეტანის თაობაზე

1. დადგენილების პირველი მუხლის მე-2 პუნქტის:

ა) „ა“ ქვეპუნქტს დაემატოს შემდეგი შინაარსის „ა.გ“ ქვეპუნქტი:

„ა.გ) ცენტრს მიეცეს უფლება  „სახელმწიფო შესყიდვების შესახებ“ საქართველოს კანონის პირველი მუხლის 3¹ პუნქტის „ს“ ქვეპუნქტის საფუძველზე, ,,ტუბერკულოზის მართვის’’ (პროგრამული კოდი - 35 03 02 07) პროგრამის ლაბორატორიული კონტროლის კომპონენტის ფარგლებში გააფორმოს ხელშეკრულება შპს „საქართველოს ფოსტასთან“ საფოსტო და საკურიერო მომსახურებების სახელმწიფო შესყიდვაზე ნახველის/საკვლევი მასალის ტრანსპორტირებისთვის პილოტურად შერჩეულ მარშრუტებზე. ამასთან, ცენტრს მიეცეს უფლება ტრანსპორტირებისთვის გამოიყენოს იმუნიზაციის სახელმწიფო პროგრამის ფარგლებში შესყიდული და დონორი ორგანიზაციებიდან მიღებული ცივი ყუთები, მოქმედი კანონმდებლობის შესაბამისად;“;

ბ) „თ“ ქვეპუნქტს დაემატოს შემდეგი შინაარსის „თ.ე“ ქვეპუნქტი:

„თ.ე) ,,ეპიდზედამხედველობის’’ პროგრამის მალარიისა და სხვა პარაზიტული დაავადებების პროფილაქტიკისა და კონტროლის კომპონენტის განსახორციელებლად საჭირო საცხოვრებელი და არასაცხოვრებელი შენობების ინსექტიციდებით დამუშავებისა და მალარიის კერებში მოსახლეობის სკრინინგული კვლევისათვის  საჭირო მასალების შესყიდვა.“.

2.  დადგენილების პირველი მუხლის მე-2 პუნქტს დაემატოს შემდეგი შინაარსის ,,ი“ ქვეპუნქტი:

„ი),,ტუბერკულოზის მართვის“ პროგრამის ,,ეპიდზედამხედველობისა და ტუბერკულოზის პროგრამის მართვის მონიტორინგის“ და ,,ლაბორატორიული კონტროლის“ კომპონენტების უწყვეტად განსახორციელებლად, უფლება მიეცეს ცენტრს, მიმდინარე საჭიროებისთვის, ავტომანქანების შეკეთების მომსახურება და ბაქტერიოსკოპიული კვლევებისთვის სახარჯი მასალების შესყიდვა განახორციელოს „საქართველოს 2013 წლის სახელმწიფო ბიუჯეტის შესახებ“  საქართველოს კანონით „ტუბერკულოზის მართვის“ (პროგრამული კოდი – 35 03 02 07) პროგრამისათვის გათვალისწინებული ასიგნებიდან, კანონმდებლობით განსაზღვრული წესით.“.