შპს „კანარგო ჯორჯიასათვის“ უძრავი ქონების უსასყიდლო უზუფრუქტის უფლებით გადაცემაზე თანხმობის მიცემის შესახებ

საქართველოს მთავრობის

განკარგულება №193

2015 წლის 12 თებერვალი

ქ. თბილისი

შპს „კანარგო ჯორჯია სათვის“ უძრავი ქონების უსასყიდლო უზუფრუქტის უფლებით  გადაცემაზე თანხმობის მიცემის შესახებ

1. ,,სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, მიეცეს თანხმობა საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ - სახელმწიფო ქონების ეროვნულ სააგენტოს, რომ შპს „კანარგო ჯორჯიას “ (საიდენტიფიკაციო კოდი: №205033284 ) უსასყიდლო უზუფრუქტის უფლებით, შესაბამისი ხელშეკრულების გაფორმებიდან 2 (ორი ) წლის ვადით, გადასცეს სახელმწიფო საკუთრებაში არსებული, საგარეჯოს მუნიციპალიტეტში , საგარეჯოს მუნიციპალიტეტის მიწების ტერიტორიაზე მდებარე 31138 კვ.მ არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი: №55.50.52.015 ).

2. ამ განკარგულების პირველი პუნქტით გათვალისწინებული უძრავი ქონების უსასყიდლო უზუფრუქტის უფლებით გადაცემის პირობად განისაზღვროს უზუფრუქტის საგნის ჭაბურღილის მონტაჟისა და ბურღვითი ოპერაციების მიზნით გამოყენება.

3. ამ განკარგულების აღსრულების   მიზნით, საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ - სახელმწიფო ქონების ეროვნულმა სააგენტომ,   განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                                     ი. ღარიბაშვილი