ქ. ფოთში, ნავთობგადამამუშავებელი ქარხნის განვითარების პროექტთან დაკავშირებით ინტერესთა გამოხატვის თაობაზე მოწვევასთან დაკავშირებით გასატარებელ ღონისძიებათა შესახებ

საქართველოს მთავრობის

განკარგულება №245

2015 წლის 13 თებერვალი

ქ. თბილისი

ქ.  ფოთში,  ნავთობგადამამუშავებელი  ქარხნის განვითარების პროექტთან დაკავშირებით ინტერესთა გამოხატვის თაობაზე მოწვევასთან დაკავშირებით გასატარებელ ღონისძიებათა შესახებ

1. „საქართველოს  მთავრობის  სტრუქტურის,  უფლებამოსილებისა და  საქმიანობის  წესის შესახებ“ საქართველოს კანონის  მე-5 მუხლის „თ“, „ი“ და „კ“ ქვეპუნქტების შესაბამისად, მოწონებულ იქნეს „ქ. ფოთში, ნავთობგადამამუშავებელი ქარხნის განვითარების პროექტთან დაკავშირებით ინტერესთა გამოხატვის თაობაზე მოწვევის პირობების მოწონების, საქართველოს ეკონომიკისა და მდგრადი განვითარების სამინისტროსთვის უფლებამოსილების მინიჭებისა და ქ. ფოთში, ნავთობგადამამუშავებელი ქარხნის განვითარების პროექტთან დაკავშირებით ინტერესთა გამოხატვის თაობაზე წარდგენილ განაცხადთა განმხილველი კომისიის შექმნისა და მისი დებულების დამტკიცების შესახებ“ საქართველოს მთავრობის 2014 წლის 30 ოქტომბრის №1934  განკარგულებით მოწონებულ ინტერესთა გამოხატვის თაობაზე მოწვევის პირობებში შესატანი შემდეგი ცვლილება:

ა)  დასაქმებულთა  არანაკლებ 70%-ის საქართველოს მოქალაქეებით დაკომპლექტება;

ბ) კომისია უფლებამოსილია, დისკრეციულად, თავისი შეხედულებისამებრ, განსაზღვროს გამარჯვებული იმ კანდიდატთა შორის, რომლებიც აკმაყოფილებენ „ინტერესთა გამოხატვის“ 6.1 მუხლის „ა“-„გ“ ქვეპუნქტებით განსაზღვრულ წინასაკვალიფიკაციო მოთხოვნებს. იმ შემთხვევაში, თუ კომისიის მიერ შეფასების პროცესში არ იქნა გამოვლენილი საბოლოო გამარჯვებული, კომისია უფლებამოსილია, აირჩიოს მოკლე სია რამდენიმე კანდიდატის შემადგენლობით, რომელთა შორის, გამარჯვებულის გამოვლენის მიზნით, კომისია უფლებამოსილია, (სხვა  დამატებით  კრიტერიუმებთან ერთად) განიხილოს  მონაწილეთა მიერ შემოთავაზებული მემორანდუმის ხელმოწერის საფასური („ხელმოწერის საფასური“). კომისია, ასევე, უფლებამოსილია, დაადგინოს „ხელმოწერის საფასურის“ მინიმალური ზღვარი ან/და განსაზღვროს დამატებითი კრიტერიუმები მოკლე სიის კანდიდატთათვის. გამარჯვებულის გამოვლენის მიზნით, მოკლე სიაში მოხვედრილ კანდიდატებს შესაძლებელია, მიეცეთ „ხელმოწერის საფასურის“ განმეორებით შემოთავაზების ან/და „ხელმოწერის  საფასურზე“ ვაჭრობის შესაძლებლობა.

კომისია გამოავლენს გამარჯვებულს და მოამზადებს სათანადო ინფორმაციას მთავრობისათვის წარსადგენად, მთავრობის მიერ გამარჯვებულის შერჩევასთან დაკავშირებით მიღებული კომისიის გადაწყვეტილების მოწონებისა და კანდიდატთა საბოლოო რანგირების მიზნით. 

გამარჯვებულის  გამოვლენის  შემდგომ დამარცხებულ კანდიდატებს დაუბრუნდებათ წინასაკვალიფიკაციო საბანკო გარანტია.

შერჩევის პროცესის ხანგრძლივობაა 60 (სამოცი) დღე წარდგენის ვადიდან.

2. საქართველოს ეკონომიკისა და მდგრადი განვითარების სამინისტრომ უზრუნველყოს ამ განკარგულების შესრულების მიზნით, შესაბამისი ღონისძიებების განხორციელება. 

პრემიერ-მინისტრი                                                            ი. ღარიბაშვილი