ანგარიშვალდებულ საწარმოთათვის ფასიანი ქაღალდების რეგისტრატორის დანიშვნის მიზნით ფასიანი ქაღალდების რეგისტრატორთა პირველადი რიგის დამტკიცების თაობაზე

საქართველოს ეროვნული ბანკის ვიცე-პრეზიდენტის

განკარგულება №391

2015 წლის 13 აგვისტო

ქ. თბილისი

ანგარიშვალდებულ საწარმოთათვის ფასიანი ქაღალდების რეგისტრატორის დანიშვნის მიზნით ფასიანი ქაღალდების რეგისტრატორთა პირველადი რიგის დამტკიცების თაობაზე

„საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტის, ამავე კანონის 52-ე მუხლის, „ფასიანი ქაღალდების ბაზრის შესახებ“ საქართველოს კანონის მე-10 მუხლის მე-4 პუნქტის, საქართველოს საფინანსო ზედამხედველობის სააგენტოს უფროსის 2009 წლის 25 მაისის №22 ბრძანებით დამტკიცებული „ანგარიშვალდებული საწარმოების მიმართ პერიოდული საანგარიშგებო მოთხოვნების განსაზღვრის, საანგარიშგებო მოთხოვნებისაგან გათავისუფლების, ანგარიშვალდებული საწარმოების ინფორმაციის კონფიდენციალურობისა და ემიტენტისათვის ფასიანი ქაღალდების რეგისტრატორის დანიშვნის წესის“ მე-10 მუხლის პირველი პუნქტისა და საქართველოს ეროვნული ბანკის პრეზიდენტის 2013 წლის 27 ივნისის №66/04 ბრძანების საფუძველზე:

1. ამ განკარგულების დანართი №1-ით დამტკიცდეს წილის ყრით დადგენილი ფასიანი ქაღალდების რეგისტრატორთა პირველადი რიგი.

2. აღნიშნული განკარგულების გასაჩივრება შეიძლება თბილისის საქალაქო სასამართლოს ადმინისტრაციულ საქმეთა კოლეგიაში (ქ. თბილისი, დავით აღმაშენებლის ხეივანი, მე-12 კილომეტრი, №6) მხარისათვის მისი გაცნობიდან ერთი თვის ვადაში.

3. ეს განკარგულება ამოქმედდეს გამოქვეყნებისთანავე.

 

ვიცე-პრეზიდენტი                               ოთარ ნადარაია

 

 

 

დანართი №1

ფასიანი ქაღალდების რეგისტრატორთა პირველადი რიგი

 

1. შპს „ეროვნული რეესტრი“

2. სს „კავკასრეესტრი“

3. სს „საქართველოს ფასიანი ქაღალდების გაერთიანებული რეგისტრატორი“.