„დუშეთის მუნიციპალიტეტის ტერიტორიაზე ქუჩების, მოედნების, გამზირების, შესახვევების, ჩიხების, მრავალბინიანი სახლების სადარბაზოებისა და ბინების ნუმერაციის წესის დამტკიცების შესახებ“ დუშეთის მუნიციპალიტეტის საკრებულოს 2015 წლის 05 ივნისის N21 დადგენილებაში ცვლილების შეტანის შესახებ

ა) დუშეთის მუნიციპალიტეტის საკრებულოს 2015 წლის 05 ივნისის №21 დადგენილების სათაური შეიცვალოს და ჩამოყალიბდეს შემდეგი რედაქციით: ,,დუშეთის მუნიციპალიტეტის ტერიტორიაზე ქუჩების, შესახვევების, ჩიხების, მრავალბინიანი სახლების სადარბაზოებისა და ბინების ნუმერაციის წესის დამტკიცების შესახებ;“;

ბ) დანართი №1-ის სახით დამტკიცებული მუხლი 8 ჩამოყალიბდეს შემდეგი რედაქციით:

,,მუხლი 8. გადაწყვეტილების მიღების წესი

1. გეოგრაფიული ობიექტის ნუმერაციის შესახებ ადმინისტრაციული წარმოება იწყება დაინტერესებული პირის ან/და ადმინისტრაციული ორგანოს ინიციატივის საფუძველზე.

2. ნუმერაციის შესახებ ინიციატივა (განცხადება, მომართვა და ა.შ.) წარედგინება დუშეთის მუნიციპალიტეტის გამგეობას. ინიციატივას უნდა ერთვოდეს:

ა) ობიექტის აღწერა (ნახაზი, ორთოფოტო, საკადასტრო რუკა და სხვა);

ბ) დაინტერესებული პირის საკუთრების ან კანონიერი სარგებლობის უფლების დამადასტურებელი დოკუმენტი;

გ) სხვა დოკუმენტაცია, რომელიც უშუალოდ არის დაკავშირებული და გამომდინარეობს მოთხოვნის შინაარსიდან.

3.  საკითხს გამგებლის დავალებით შეისწავლის  გამგებლის ბრძანებით შექმნილი სამუშაო ჯგუფი, რომელიც ამზადებს განკარგულების პროექტს ნუმერაციის მინიჭების/შესწორების შესახებ და წარუდგენს დუშეთის მუნიციპალიტეტის საკრებულოს.

4. საკრებულოს კომისია, გამგეობის მიერ წარმოდგენილი განკარგულების პროექტის გათვალისწინებით, ამზადებს და საკრებულოს ბიუროს წარუდგენს შესაბამის დასკვნას.

5. საკრებულო მიღებული გადაწყვეტილების თაობაზე კანონით დადგენილი წესით აცნობებს დაინტერესებულ პირს და დუშეთის მუნიციპალიტეტის გამგეობას;“.