ამონარიდი სასამართლოს სხდომის ოქმიდან შპს „ქედის სატყეო მეურნეობის“ მიმართ გაკოტრების საქმის წარმოების დაწყების შესახებ

  საქმე № 2/174

 

                                        

ამონარიდი სასამართლო სხდომის ოქმიდან

 

2015 წლის 23 აპრილი

ქ. ქუთაისი

 

კრების თავმჯდომარე: გენადი მაკარიძე (გაკოტრების მოსამართლე)

კრების მდივანი: ნოდარ გიორგიძე

 

    სასამართლომ იხელმძღვანელა „გადახდისუუნარობის საქმის წარმოების შესახებ“ საქართველოს კანონის მე-4, მე-5, მე-7, მე-8, 27-ე, 37-ე, 39-ე, 55¹ მუხლებით, საქართველოს სამოქალაქო საპროცესო კოდექსის 284-ე, 285-ე მუხლებით და

 

დ ა ა დ გ ი ნ ა:

1. შპს ,,ქედის სატყეო მეურნეობის’’ (ს/კ 246755792) მიმართ გაიხსნას გაკოტრების საქმის წარმოება;

2. შპს ,,ქედის სატყეო მეურნეობის’’ (ს/კ 246755792) გაკოტრების მმართველად დაინიშნოს სსიპ – აღსრულების ეროვნული ბიურო;

3. დაევალოს სსიპ – აღსრულების ეროვნული ბიუროს შპს ,,ქედის სატყეო მეურნეობის’’ (ს/კ 246755792) გაკოტრების საქმესთან დაკავშირებით განახორციელოს „გადახდისუუნარობის საქმის წარმოების შესახებ“ საქართველოს კანონით გათვალისწინებული მოქმედებები;

4. შპს ,,ქედის სატყეო მეურნეობის’’ (ს/კ 246755792) გაკოტრების მმართველად სსიპ – აღსრულების ეროვნული ბიუროს დანიშვნის შესახებ ინფორმაცია დარეგისტრირდეს მეწარმეთა და არასამეწარმეო (არაკომერციული) იურიდიული პირების რეესტრში;

5. განჩინება გაეგზავნოთ მხარეებს, შესასრულებლად სსიპ – აღსრულების ეროვნული ბიუროს და სსიპ – საჯარო რეესტრის ეროვნულ სააგენტოს მეწარმეთა და არასამეწარმეო (არაკომერციული) იურიდიული პირების რეესტრს;

6. განჩინებაზე შეუძლია კერძო საჩივრის შეტანა გადახდისუუნარობის საქმის წარმოების პროცესის მხარეებს, აგრეთვე იმ პირებს, რომელთაც უშუალოდ ეხებათ ეს განჩინება, მისი გადაცემიდან 5 (ხუთი) დღის ვადაში, ქუთაისის საქალაქო სასამართლოში (მის. ქ. ქუთაისი კუპრაძის №11). ამ ვადის გაგრძელება დაუშვებელია. თუ განჩინების გამოცხადებას ესწრებოდა კერძო საჩივრის შეტანის უფლების მქონე პირი, კერძო საჩივრის შეტანის ვადა დაიწყება მისი გამოცხადების მომენტიდან.

 

      სხდომის თავმჯდომარე :                    / გენადი მაკარიძე/

     სხდომის მდივანი :                                / ნოდარ გიორგიძე /