შპს „ცაგერის ღვინის ქარხნის“ კრედიტორთა კრების მოწვევის შესახებ

საქმე №2/1666

 

ამონარიდი სასამართლო სხდომის ოქმიდან

 

27 სექტემბერი, 2016 წელი                                                                  ქ. ქუთაისი

 

კრების თავმჯდომარე: გენადი მაკარიძე (გაკოტრების მოსამართლე)

სხდომის მდივანი: ნოდარი გიორგიძე

 

განმცხადებელი /მოვალე/ – შპს ,,ცაგერის ღვინის ქარხანა’’

მოთხოვნა – გაკოტრების საქმის წარმოება.

 

სასამართლომ იხელმძღვანელა „გადახდისუუნარობის საქმეთა წარმოების შესახებ“ საქართველოს კანონის მე-5, მე-7, მე-8, 25-ე, 27-ე, 30-ე მუხლებით, საქართველოს სამოქალაქო საპროცესო კოდექსის 284-285-ე მუხლებით,

 

დ ა ა დ გ ი ნ ა:

1. შპს ,,ცაგერის ღვინის ქარხნის’’ კრედიტორთა პირველი კრება გადაიდოს და მოწვეულ იქნეს 2016 წლის 17 ოქტომბერს 14:00 საათზე შემდეგი დღის წესრიგით:

 ა) მეურვის ანგარიშის მოსმენა, გაკოტრების საქმის წარმოების გახსნის და გაკოტრების მმართველის დანიშვის შესახებ სათანადო გადაწყვეტილების მიღება, კრედიტორთა მოთხოვნების შემოწმება და აღიარება .

2. კრედიტორთა კრება შედგება ქუთაისის საქალაქო სასამართლოს შენობაში (ქალაქი ქუთაისი, კუპრაძის ქ. №11 მესამე სართული, სხდომის დარბაზი №3).

3 . დაევალოს სსიპ – აღსრულების ეროვნულ ბიუროს კრედიტორებისათვის კრების ჩატარების შესახებ შეტყობინებების გაგზავნა. მასვე დაევალოს განჩინების გამოქვეყნება „საქართველოს საკანონმდებლო მაცნეს“ ვებგვერდზე. განჩინება ასევე გამოქვეყნდეს სასამართლოს დაფაზე და სასამართლოს ვებგვერდზე.

4 . გადახდისუუნარობის საქმის წარმოების პროცესის მხარეებს განჩინებაზე შეუძლიათ კერძო საჩივრის შეტანა განჩინების გადაცემიდან ან გაცნობიდან 5 (ხუთი) დღის ვადაში.

 

მოსამართლე:                           გენადი მაკარიძე

 

სხდომის მდივანი:                   ნოდარი გიორგიძე