„მეწარმეობის მხარდაჭერის პროგრამის ფარგლებში იაფი ფინანსური რესურსების ხელმისაწვდომობის პროექტის პირობებისა და ქალაქ თბილისის მუნიციპალიტეტის მთავრობასა და პარტნიორ საფინანსო ორგანიზაციას შორის თანამშრომლობის შესახებ შეთანხმების ფორმის დამტკიცების თაობაზე” ქალაქ თბილისის მუნიციპალიტეტის საკრებულოს 2015 წლის 17 თებერვლის №3-10 დადგენილებაში ცვლილების შეტანის შესახებ

1. პირველი პუნქტის „ა“ ქვეპუნქტით დამტკიცებულ „მეწარმეობის მხარდაჭერის“ პროგრამის ფარგლებში იაფი ფინანსური რესურსის ხელმისაწვდომობის პროექტის პირობების (დანართი 1):

ა)  მე-2 მუხლის მე-2 პუნქტს დაემატოს „დ“ ქვეპუნქტი:

„დ) შესაბამისი ორგანოს მიერ გაცემული დოკუმენტი, სტიქიური მოვლენის/სტიქიური უბედურების, ხანძრის ან შენობა-ნაგებობის დაზიანების/დანგრევის შედეგად (რომელმაც გამოიწვია ქონების დაზიანება ან განადგურება) მეწარმე სუბიექტის დაზარალების  შესახებ (ასეთის არსებობის შემთხვევაში).“;

ბ) მე-4 მუხლს დაემატოს 11¹ პუნქტი:

„11¹. პარტნიორი საფინანსო ორგანიზაციის მიერ სტიქიური მოვლენის/სტიქიური უბედურების, ხანძრის ან შენობა-ნაგებობის დაზიანების/დანგრევის შედეგად (რომელმაც გამოიწვია ქონების დაზიანება ან განადგურება)  დაზარალებული მეწარმე სუბიექტებისათვის  სესხი გაიცემა მე-4 მუხლის მე-11 პუნქტის „დ“-“თ“ ქვეპუნქტებითა და ამ პუნქტით განსაზღვრული შემდეგი პირობებით:

ა) წლიური საპროცენტო განაკვეთი: 3%;

ბ) სესხის პერიოდი: მაქსიმუმ 84 თვე;

გ) სესხის გადახდის შეღავათიანი პერიოდი განისაზღვრება საფინანსო ორგანიზაციის მიერ ინდივიდუალურად სესხის ძირითად თანხასა და პროცენტის ნაწილზე 6-დან 12 თვის ვადით;“.

2. პირველი პუნქტის „ბ“ ქვეპუნქტით დამტკიცებულ „ქალაქ თბილისის მუნიციპალიტეტის მთავრობასა და პარტნიორ საფინანსო ორგანიზაციას შორის თანამშრომლობის შესახებ შეთანხმების ფორმას“ (დანართი 2) დაემატოს 5¹ პუნქტი:

„5¹. პარტნიორი საფინანსო ორგანიზაციის მიერ სტიქიური მოვლენის/სტიქიური უბედურების, ხანძრის ან შენობა-ნაგებობის დაზიანების/დანგრევის შედეგად (რომელმაც გამოიწვია ქონების დაზიანება ან განადგურება) დაზარალებული მეწარმე სუბიექტებისათვის სესხი გაიცემა მე-5 პუნქტის 5.1, 5.3, 5.6-5.9 ქვეპუნქტებითა და ამ პუნქტით განსაზღვრული შემდეგი პირობებით:

5¹.1 საფინანსო ორგანიზაცია გასცემს ერთობლივი პროექტით გათვალისწინებულ სესხებს წლიურ 3%-იანი განაკვეთით;

5¹.2 სესხის გადახდის შეღავათიანი პერიოდი განისაზღვრება საფინანსო ორგანიზაციის მიერ ინდივიდუალურად სესხის ძირითად თანხასა და პროცენტის ნაწილზე 6-დან 12 თვის ვადით;

5¹.3 სესხის პერიოდი იქნება მაქსიმუმ 84 თვე;“.