ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღების წესის დამტკიცების შესახებ

საქართველოს ორგანული კანონის ,,ადგილობრივი თვითმმართველობის კოდექსი“ 61-ე მუხლის მე-2 პუნქტის ასპინძის მუნიციპალიტეტის საკრებულოს რეგლამენტის 117-ე მუხლისა და 135-ე მუხლის პირველი პუნქტის შესაბამისად, ასპინძის მუნიციპალიტეტის საკრებულო  ადგენს:

დამტკიცდეს „ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღების წესი“   დანართის შესაბამისად.

საკრებულოს აპარატმა უზრუნველყოს მოქალაქეთა მიღების წესისა და გრაფიკის გამოქვეყნება საკრებულოში ს პეციალურად  გამოყოფილ  თვალსაჩინო ადგილას.

დადგენილება ამოქმედდეს გამოქვეყნებისთანავე.

ასპინძის მუნიციპალიტეტის საკრებულოს თანამდებობის პირების მიერ  მოქალაქეთა  მიღება ხორციელდება საკრებულოს თავმჯდომარის ბრძანებით დამტკიცებული გრაფიკის    შესაბამისად.

მოქალაქეთა მიღების გრაფიკში  აღნიშნული უნდა იყოს საკრებულოს თანამდებობის პირის მიერ მოქალაქეთა მიღების დღე, მიღების საათები, შესვენების დრო, მიღების ადგილი. თითოეული  მოქალაქისთვის გამოყოფილი უნდა იყოს დროის რეგლამენტი (არანაკლებ 10 წუთი). გადაუდებელი აუცილებლობის შემთხვევაში, მოქალაქეთა მიღება შესაძლებელია დამტკიცებულ გრაფიკში აღნიშნული პერიოდის გარეშეც.

საკრებულოს თავმჯდომარესთან და მის მოადგილესთან მოქალაქეების მიღება წარმოებს ამ უკანასკნელთა წერილობითი ან ზეპირი განცხადების   საფუძველზე.

მიღების დროს განიხილება მოქალაქეთა წერილობითი  და  ზეპირი  განცხადებები საკრებულოს კომპეტენციას  მიკუთვნებულ საკითხებზე.

საკრებულოში  მოქალაქეთა  მიღება არ  წარმოებს  საქართველოს  კანონმდებლობით გათვალისწინებულ უქმე და დასვენების დღეებში.

საკრებულოს თავმჯდომარესთან და მის მოადგილესთან მიღებაზე, განსაზღვრული გრაფიკის შესაბამისად, მოქალაქეთა ჩაწერას და აღრიცხვას უზრუნველყოფს საკრებულოს    აპარატი.

საკრებულოს თავმჯდომარესთან მოქალაქეთა მიღება აგრეთვე შესაძლებელია მის მოადგილესთან შეხვედრის შემდგომ საკითხის გადაწყვეტის შეუძლებლობის   შემთხვევაში.

საკრებულოს თანამდებობის პირი ვალდებულია, მოქალაქის განცხადების შესწავლისას დაადგინოს მისი შესაბამისობა საქართველოს ორგანული კანონის ,,ადგილობრივი თვითმმართველობის კოდექსის“ და საქართველოს ზოგადი ადმინისტრაციული კოდექსის მოთხოვნებთან, მასში დასმული საკითხის შესაბამისობა საკრებულოს კომპეტენციასთან და საქმის კონკრეტული გარემოებები,  რისთვისაც  უფლება აქვს:

მოქალაქის განცხადება საქმის შესწავლილ  გარემოებებთან ერთად  წარედგინება  საკრებულოს თავმჯდომარეს ან თავმჯდომარის მოადგილეს. წარდგენილ ინფორმაციაზე დაყრდნობით საკრებულოს თავმჯდომარე ან თავმჯდომარის მოადგილე წყვეტს მოქალაქის მიღების მიზანშეწონილობის საკითხს ან განცხადება/საჩივარს სათანადო  რეზოლუციით  გადასცემს შემსრულებელს.

მოქალაქის განცხადებაზე საბოლოო გადაწყვეტილების მიღების პროცესში არ შეიძლება მონაწილეობდეს თანამდებობის პირი, რომლის ქმედება გასაჩივრებულია ამ    განცხადებებით.

მოქალაქის განცხადებაში დასმული საკითხის მნიშვნელობიდან გამომდინარე, საკრებულოს თავმჯდომარის მოადგილის შუამდგომლობით, საკრებულოს თავმჯდომარე აწარმოებს მოქალაქის მიღებას განსაზღვრული გრაფიკის მიხედვით.