ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღების წესის დამტკიცების შესახებ
ჰკითხე AI-ს ამ კანონის შესახებ
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
ცვლილებები (1)
დოკუმენტის ტექსტი
📑 სარჩევი (14 მუხლი)
|
ასპინძის მუნიციპალიტეტის საკრებულოს დადგენილება №42 |
|
2015 წლის 6 ნოემბერი დ. ასპინძა |
ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღების წესის დამტკიცების შესახებ
საქართველოს ორგანული კანონის ,,ადგილობრივი თვითმმართველობის კოდექსი“ 61-ე მუხლის მე-2 პუნქტის ასპინძის მუნიციპალიტეტის საკრებულოს რეგლამენტის 117-ე მუხლისა და 135-ე მუხლის პირველი პუნქტის შესაბამისად, ასპინძის მუნიციპალიტეტის საკრებულო ადგენს:
მუხლი 1
დამტკიცდეს „ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღების წესი“ დანართის შესაბამისად.
მუხლი 2
საკრებულოს აპარატმა უზრუნველყოს მოქალაქეთა მიღების წესისა და გრაფიკის გამოქვეყნება საკრებულოში ს პეციალურად გამოყოფილ თვალსაჩინო ადგილას.
მუხლი 3
დადგენილება ამოქმედდეს გამოქვეყნებისთანავე.
|
დანართი
ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღების წესი
მუხლი 1
ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღება ხორციელდება საკრებულოს თავმჯდომარის ბრძანებით დამტკიცებული გრაფიკის შესაბამისად.
მუხლი 2
მოქალაქეთა მიღების გრაფიკში აღნიშნული უნდა იყოს საკრებულოს თანამდებობის პირის მიერ მოქალაქეთა მიღების დღე, მიღების საათები, შესვენების დრო, მიღების ადგილი. თითოეული მოქალაქისთვის გამოყოფილი უნდა იყოს დროის რეგლამენტი (არანაკლებ 10 წუთი). გადაუდებელი აუცილებლობის შემთხვევაში, მოქალაქეთა მიღება შესაძლებელია დამტკიცებულ გრაფიკში აღნიშნული პერიოდის გარეშეც.
მუხლი 3
საკრებულოს თავმჯდომარესთან და მის მოადგილესთან მოქალაქეების მიღება წარმოებს ამ უკანასკნელთა წერილობითი ან ზეპირი განცხადების საფუძველზე.
მუხლი 4
მიღების დროს განიხილება მოქალაქეთა წერილობითი და ზეპირი განცხადებები საკრებულოს კომპეტენციას მიკუთვნებულ საკითხებზე.
მუხლი 5
საკრებულოში მოქალაქეთა მიღება არ წარმოებს საქართველოს კანონმდებლობით გათვალისწინებულ უქმე და დასვენების დღეებში.
მუხლი 6
საკრებულოს თავმჯდომარესთან და მის მოადგილესთან მიღებაზე, განსაზღვრული გრაფიკის შესაბამისად, მოქალაქეთა ჩაწერას და აღრიცხვას უზრუნველყოფს საკრებულოს აპარატი.
მუხლი 7
საკრებულოს თავმჯდომარესთან მოქალაქეთა მიღება აგრეთვე შესაძლებელია მის მოადგილესთან შეხვედრის შემდგომ საკითხის გადაწყვეტის შეუძლებლობის შემთხვევაში.
მუხლი 8
საკრებულოს თანამდებობის პირი ვალდებულია, მოქალაქის განცხადების შესწავლისას დაადგინოს მისი შესაბამისობა საქართველოს ორგანული კანონის ,,ადგილობრივი თვითმმართველობის კოდექსის“ და საქართველოს ზოგადი ადმინისტრაციული კოდექსის მოთხოვნებთან, მასში დასმული საკითხის შესაბამისობა საკრებულოს კომპეტენციასთან და საქმის კონკრეტული გარემოებები, რისთვისაც უფლება აქვს:
ა) მოითხოვოს და მიიღოს საქმესთან დაკავშირებული ინფორმაცია და მასალები საკრებულოს კომისიებიდან ან აპარატიდან, აგრეთვე აღმასრულებელი ორგანოს - გამგეობის სისტემაში შემავალი სამსახურებიდან.
ბ) შეხვდეს საკრებულოსა და გამგეობის თანამდებობის პირებს და მიიღოს მათგან საქმესთან დაკავშირებული ინფორმაცია.
მუხლი 9
მოქალაქის განცხადება საქმის შესწავლილ გარემოებებთან ერთად წარედგინება საკრებულოს თავმჯდომარეს ან თავმჯდომარის მოადგილეს. წარდგენილ ინფორმაციაზე დაყრდნობით საკრებულოს თავმჯდომარე ან თავმჯდომარის მოადგილე წყვეტს მოქალაქის მიღების მიზანშეწონილობის საკითხს ან განცხადება/საჩივარს სათანადო რეზოლუციით გადასცემს შემსრულებელს.
მუხლი 10
მოქალაქის განცხადებაზე საბოლოო გადაწყვეტილების მიღების პროცესში არ შეიძლება მონაწილეობდეს თანამდებობის პირი, რომლის ქმედება გასაჩივრებულია ამ განცხადებებით.
მუხლი 11
მოქალაქის განცხადებაში დასმული საკითხის მნიშვნელობიდან გამომდინარე, საკრებულოს თავმჯდომარის მოადგილის შუამდგომლობით, საკრებულოს თავმჯდომარე აწარმოებს მოქალაქის მიღებას განსაზღვრული გრაფიკის მიხედვით.
ხშირად დასმული კითხვები
- მოქმედებს თუ არა „ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღების წესის დამტკიცების შესახებ“?
- დიახ, მუნიციპალიტეტის საკრებულოს დადგენილება „ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღების წესის დამტკიცების შესახებ“ ამჟამად ძალაშია. ბოლო კონსოლიდირებული რედაქცია — 15.12.2017.
- როდის იქნა მიღებული „ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღების წესის დამტკიცების შესახებ“?
- „ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღების წესის დამტკიცების შესახებ“ მიღებულია 06.11.2015. მიმღები ორგანო — ასპინძის მუნიციპალიტეტი. დოკუმენტის ნომერი — №42. სარეგისტრაციო კოდი — 010250050.35.140.016190.
- რამდენჯერ შევიდა ცვლილება „ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღების წესის დამტკიცების შესახებ“-ში?
- დოკუმენტში სულ 1 ცვლილებაა შესული. მოქმედი რედაქცია ძალაშია 15.12.2017-დან.
- რამდენი მუხლისგან შედგება „ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღების წესის დამტკიცების შესახებ“?
- დოკუმენტი შედგება 14 მუხლისგან. თითოეული მუხლი ხელმისაწვდომია ცალკე ბმულით.
- სად არის „ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღების წესის დამტკიცების შესახებ“-ის ოფიციალური ტექსტი?
- ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 15.12.2017 მდგომარეობით.
როგორ დავიმოწმოთ
მუნიციპალიტეტის საკრებულოს დადგენილება „ასპინძის მუნიციპალიტეტის საკრებულოს თანამდებობის პირების მიერ მოქალაქეთა მიღების წესის დამტკიცების შესახებ“, №42, 06.11.2015, სარეგისტრაციო კოდი 010250050.35.140.016190 (კონსოლიდირებული რედაქცია 15.12.2017). ხელმისაწვდომია: https://legali.ge/law/3044393/